ഡെസ്റ്റിനേഷന്‍ ടൂറിസം പദ്ധതിയില്‍ മുരിയാട് ഗ്രാമപഞ്ചായത്ത്
മുരിയാട്: ഗ്രാമപഞ്ചായത്തിന്റെ വികസന വീഥിയില്‍ ഒരു പൊന്‍തൂവല്‍ ചേര്‍ത്തു കൊണ്ട് സംസ്ഥാന ടൂറിസം ഡിപ്പാര്‍ട്ടുമെന്റ് നടപ്പിലാക്കുന്ന ടെസ്റ്റിനേഷന്‍ ടൂറിസം പദ്ധതിയില്‍ മുരിയാട് പഞ്ചായത്തിന് പ്രാഥമിക അനുമതി ലഭിച്ചു. പുല്ലൂര്‍ പൊതുമ്പു ചിറ കേന്ദ്രീകരിച്ചുള്ള ടൂറിസം പദ്ധതിയാണ് പരിഗണിക്കപ്പെട്ടിരിക്കുന്നത്. സീറ്റിംഗ്, ടൈലിംങ്ങ്, കനോപ്പീസ്, ലൈറ്റിംങ്, മിനി പാര്‍ക്ക്, ബോട്ടിംഗ്, ഫുഡ് കിയോസ്‌ക്കുകള്‍, ടെയ്ക് എ ബ്രെക്ക് എന്നിവ പദ്ധതിയുടെ ഭാഗമായി നിലവില്‍ വരും. ടൂറിസം ഡിപ്പാര്‍ട്ടുമെന്റ്, എംഎല്‍എ ആസ്തി വികസന ഫണ്ട്, വേളൂക്കര ഗ്രാമപഞ്ചായത്ത് എന്നിവരുടെ സഹകരണത്തിലൂടെയാണ് പദ്ധതി നടപ്പിലാക്കുക. പദ്ധതിയുടെ ഭാഗമായി പുതിയ തൊഴിലവസരങ്ങളും സംരംഭങ്ങളും ഉണ്ടാകും. അന്തിമാനുമതി ലഭിച്ചാല്‍ ആറു മാസം കൊണ്ട് ടൂറിസം പദ്ധതി പൂര്‍ത്തികരിക്കാന്‍ കഴിയുമെന്നാണ് പ്രതീക്ഷ. ടൂറിസം പദ്ധതിക്കൊപ്പം അനുബന്ധമായി സമീപ പ്രദേശത്തെ ജലവിതാനം ക്രമീകരിക്കുന്നതിനായി ലിഫ്റ്റ് ഇറിഗേഷന്‍ പദ്ധതിയും ഷട്ടറുകളും മോട്ടോര്‍ പമ്പ് സെറ്റും സ്ഥാപിക്കാനും പദ്ധതി ഉണ്ട്. കാര്‍ഷിക ജലസേചന കുടിവെളള മേഖലയില്‍ വരും വര്‍ഷങ്ങളില്‍ ചരിത്ര മാറ്റങ്ങള്‍ ഉണ്ടാക്കാന്‍ അനുബന്ധ പദ്ധതികള്‍ വഴി കഴിയുമെന്നാണ് കരുതുന്നത്. പദ്ധതിയുടെ ഡിപിആര്‍ പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി പ്രകാശനം ചെയ്തു. വൈസ് പ്രസിഡന്റ് സരിത സുരേഷ് അധ്യക്ഷത വഹിച്ചു. സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ കെ.പി. പ്രശാന്ത്, കെ.യു. വിജയന്‍, രതി ഗോപി, ഭരണസമിതി അംഗം തോമസ് തൊകലത്ത്, പഞ്ചായത്തംഗങ്ങള്‍, പഞ്ചായത്ത് സെക്രട്ടറി റജി പോള്‍ തുടങ്ങിയവര്‍ ചടങ്ങില്‍ സംസാരിച്ചു
About Author
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ക്രൈസ്റ്റ് ആശ്രമ ദേവാലയത്തില്‍ ക്രിസ്തുരാജന്റെ തിരുനാളിന് കൊടിയേറി 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ക്രൈസ്റ്റ് കോളജില്‍ നടന്ന ജിയോ എക്‌സ്‌പോ 2024 സമാപിച്ചു 
ക്രൈസ്റ്റ് കോളജില്‍ ഇംഗ്ലീഷ് ഭാഷാ പഠനത്തില്‍ അന്താരാഷ്ട്ര സെമിനാര്‍ സംഘടിപ്പിച്ചു 
