കണ്ഠേശ്വരം ക്ഷേത്രത്തിലെ മോഷണം; ബംഗാളികളായ മുഹമ്മദ് സോനു (24), അനാമുല്‍ ഇസ്ലാം (21) എന്നിവർ പിടിയില്‍
ഇരിങ്ങാലക്കുട: കണ്ഠേശ്വരം ക്ഷേത്ര കവര്‍ച്ച പ്രതികള്‍ പിടിയില്‍. കഴിഞ്ഞ ജനുവരി 28ന് കണ്ഠേശ്വരം ക്ഷേത്രത്തില്‍ കയറി കവര്‍ച്ച നടത്തിയ ബംഗാളി സ്വദേശികളായ മുഹമ്മദ് സോനു (24), അനാമുല്‍ ഇസ്ലാം (21) എന്നിവരെയാണ് പോലീസ് അറസ്റ്റ് ചെയ്തത്. പകല്‍ മുഴുവന്‍ ആക്രി സാധനങ്ങള്‍ ശേഖരിച്ചു നടക്കുകയാണ് ഇവരുടെ പതിവ്. ആക്രികള്‍ ശേഖരിക്കുന്നതിനിടയില്‍ കാണുന്ന അമ്പലങ്ങളും പള്ളികളും ആള്‍ താമസമില്ലാത്ത വീടുകളും നോക്കി വച്ച ശേഷം രാത്രി അവിടങ്ങളില്‍ കയറി മോഷണം നടത്തുന്നതാണ് ഇവരുടെ മോഷണ രീതി. തൃശ്ശൂര്‍ റൂറല്‍ എസ്.പി. ആര്‍. വിശ്വനാഥിന്റെ നിര്‍ദ്ദേശ പ്രകാരം ഇരിങ്ങാലക്കുട ഡി.വൈ.എസ് .പി രാജേഷ് . പി.ആറിന്റെ നേതൃത്വത്തില്‍ പ്രത്യേക അന്വേഷണ സംഘം രൂപീകരിച്ച് അന്വേഷണം ആരംഭിക്കുകയായിരുന്നു. കണ്ഠേശ്വരം ക്ഷേത്രത്തിലെയും സമീപ പ്രദേശങ്ങളിലെയും സി.സി. ടി.വി ദൃശ്യങ്ങള്‍ ശേഖരിച്ച് പരിശോധന നടത്തിയതില്‍ മോഷണം നടത്തിയവരുടെ ഏകദേശ രൂപരേഖ ലഭിക്കുകയും വിശദമായ അന്വേഷണത്തില്‍ മോഷണം നടത്തിയ ബംഗാളി ആക്രി സംഘത്തെ ഇരിങ്ങാലക്കുട ഇന്‍സ്‌പെക്ടര്‍ അനീഷ് കരീമും എസ്സ്.ഐ. അനൂപ്.പി.ജിയും അടങ്ങുന്ന സംഘം അറസ്റ്റ് ചെയ്യുകയായിരുന്നു. പ്രതികളെ വിശദമായി ചോദ്യം ചെയ്തതില്‍ നിന്നും വിവിധ ഇടങ്ങളില്‍ ഇവര്‍ മോഷണത്തിന് പദ്ധതിയിട്ടിരുന്നതായി പോലീസിന് അറിയാന്‍ കഴിഞ്ഞു. ബംഗാളി ആക്രി മോഷണ സംഘത്തെ പിടികൂടാന്‍ സാധിച്ചതില്‍ നിന്നും ജില്ലയിലെ ഒരു വലിയ മോഷണ പരമ്പര തന്നെ ഒഴിവാക്കാന്‍ സാധിച്ചെന്ന് ഇരിങ്ങാലക്കുട ഡി.വൈ.എസ്.പി. പി.ആര്‍ രാജേഷ് പറഞ്ഞു. പ്രതികളെ പിടികൂടിയ സംഘത്തില്‍ അഡീഷ്ണല്‍ എസ്.ഐ. ഡെന്നി, എ എസ്. ഐ. സലിം , സി.പി. ഒമാരായ വൈശാഖ് മംഗലന്‍, നിധിന്‍, ഫൈസല്‍, സുധീഷ്, ഷൗക്കര്‍ എന്നിവരാണ് ഉണ്ടായിരുന്നത്. കോടതിയില്‍ ഹാജരാക്കിയ പ്രതികളെ റിമാന്റ് ചെയ്തു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
തളിക്കുളം ഹാഷിദ കൊലപാതകം; പ്രതിയായ ഭര്‍ത്താവിന് ജീവപര്യന്തം തടവിനും 1,51,500 രൂപ പിഴ ഒടുക്കുന്നതിനും ശിക്ഷ വിധിച്ചു 
മൂര്‍ക്കനാട് ഇരട്ട കൊലപാതക ക്കേസിലെ പ്രതിയെ കാപ്പ ചുമത്തി തടങ്കലിലാക്കി 
തളിക്കുളം ഹാഷിദ കൊലക്കേസ്: പ്രതിയായ ഭര്‍ത്താവ് കുറ്റക്കാരനെന്ന് കോടതി; വിധി വെള്ളിയാഴ്ച 
ആനീസ് കൊല ചെയ്യപ്പെട്ടിട്ട് ഇന്നേക്ക് അഞ്ച് വര്‍ഷം, പ്രതികള്‍ ഇന്നും കണാമറയത്ത് 
