മുരിയാട്-വേളൂക്കര- ഇരിങ്ങാലക്കുട ശുദ്ധജലപദ്ധതിക്ക് ഭരണാനുമതിയായി
ഇരിങ്ങാലക്കുട: മുരിയാട്-വേളൂക്കര- ഇരിങ്ങാലക്കുട സമഗ്ര ശുദ്ധജല പദ്ധതിക്കു സര്‍ക്കാര്‍ ഭരണാനുമതി ലഭിച്ചു. നേരത്തെ മുരിയാട്-വേളൂക്കര പഞ്ചായത്തുകള്‍ക്കായി അനുവദിച്ച പദ്ധതിയില്‍ കുടിവെള്ളക്ഷാമം രൂക്ഷമായ ഇരിങ്ങാലക്കുട നഗരസഭയെയുംകൂടി ഉള്‍പ്പെടുത്തി സമര്‍പ്പിച്ച പദ്ധതിക്കാണു സര്‍ക്കാര്‍ അനുമതി ലഭിച്ചിരിക്കുന്നത്. ജല്‍ജീവന്‍ മിഷന്‍ പദ്ധതിയില്‍ ഉള്‍പ്പെടുത്തി 115.77 കോടി രൂപയുടെ പദ്ധതിയാണ് ആസൂത്രണം ചെയ്യുന്നത്. സാങ്കേതിക അനുമതി ലഭിച്ചാല്‍ പദ്ധതിയുടെ നിര്‍മാണ ജോലികള്‍ ആരംഭിക്കും. ഇതിനായി പദ്ധതി സമര്‍പ്പിച്ചിട്ടുണ്ടെന്നു വാട്ടര്‍ അഥോറിറ്റി വ്യക്തമാക്കി. 2024 ല്‍ പൂര്‍ത്തിയാക്കാന്‍ കഴിയുന്ന തരത്തിലാണു ജല്‍ജീവന്‍ മിഷനില്‍ പദ്ധതി സമര്‍പ്പിച്ചിരിക്കുന്നത്. നഗരസഭയിലെ കുടിവെള്ളക്ഷാമം പരിഹരിക്കുകയെന്ന ലക്ഷ്യത്തോടെയാണു മുരിയാട്-വേളൂക്കര പദ്ധതിയില്‍ ഇരിങ്ങാലക്കുടയെകൂടി ഉള്‍പ്പെടുത്തിയിരിക്കുന്നത്. സാങ്കേതിക അനുമതികൂടി ലഭിച്ചാല്‍ വൈകാതെത്തന്നെ പദ്ധതി ആരംഭിക്കാനാണു വാട്ടര്‍ അഥോറിറ്റി ലക്ഷ്യമിടുന്നത്. പദ്ധതി നടപ്പാക്കുന്നതിനായി ഉത്പാദന ഘടകത്തിനായി 60.68 കോടിയും വിതരണ ശൃംഖലയ്ക്കും എല്ലാ വീടുകളിലേക്കുമുള്ള കുടിവെള്ള കണക്ഷനുവേണ്ടി 55.09 കോടിയുമടക്കം മൊത്തം 115.77 കോടിയാണു കണക്കാക്കിയിരിക്കുന്നത്. ഇതിനായി 2020-21 വര്‍ഷത്തിലെ സംസ്ഥാന ബജറ്റില്‍ വകയിരുത്തിയിട്ടുള്ള 85 കോടി രൂപയ്ക്കു പുറമേ ബാക്കി ആവശ്യമായിവരുന്ന സംഖ്യ ജല്‍ജീവന്‍ മിഷനില്‍നിന്നു കണ്ടെത്താനാണു നീക്കം. കരുവന്നൂര്‍ പുഴയിലെ പുതിയ കിണറും പമ്പ് ഹൗസുമായിരിക്കും ഈ പദ്ധതിയുടെ സ്രോതസ്. 18 മില്യണ്‍ ലിറ്ററിന്റെ ജലശുദ്ധീകരണശാല ഇരിങ്ങാലക്കുട നഗരസഭയിലെ മാങ്ങാടിക്കുന്നിലും 12 ലക്ഷം ലിറ്ററിന്റെ ജലസംഭരണികള്‍ മുരിയാട്, വേളൂക്കര പഞ്ചായത്തുകളിലും 22 ലക്ഷം ലിറ്ററിന്റെ ജലസംഭരണി ഇരിങ്ങാലക്കുട നഗരസഭയിലും ഉണ്ടായിരിക്കും.
About Author
കാട്ടൂര്‍ ലയണ്‍സ് ക്ലബ് സൗജന്യ മെഗാ മെഡിക്കല്‍ ക്യാമ്പ് സംഘടിപ്പിച്ചു 
ആനന്ദപുരം ഗവ. യുപി സ്‌കൂളില്‍ നിര്‍മ്മിച്ച കിച്ചന്‍ കം സ്റ്റോര്‍ സമര്‍പ്പിച്ചു 
മുരിയാട് ഗ്രാമപഞ്ചായത്ത് മൂന്നാം നൂറു ദിന പരിപാടിക്ക് തുടക്കമായി 
കാറളം മൂര്‍ക്കനാട് റോഡ് കാടുകയറി യാത്രക്കാര്‍ ദുരിതത്തില്‍ 
പടിയൂര്‍ പുളിക്കലച്ചിറ പഴയപാലം പൊളിച്ചുതുടങ്ങി, പായമ്മല്‍ പടിയൂര്‍ റോഡില്‍ ഭാരവാഹനങ്ങള്‍ നിരോധിച്ചു 
പൊതുനിരത്തുകള്‍ പ്ലാസ്റ്റിക് മാലിന്യമുക്തമാക്കി പടിയൂര്‍ പഞ്ചായത്ത് 
