കനത്ത മഴയില്‍ മതിലിടിഞ്ഞ് ഇരിങ്ങാലക്കുട നഗരസഭ പരിധിയിലെ നാലു വീടുകള്‍ അപകടാവസ്ഥയില്‍
ഇരിങ്ങാലക്കുട: കനത്ത മഴയില്‍ മതിലിടിഞ്ഞ് വീണ് നാലു വീടുകള്‍ അപകടാവസ്ഥയിലായി. നഗരസഭ 13 ാം വാര്‍ഡില്‍ ആസാദ് റോഡിന്റെ കിഴക്കേ അറ്റത്തുള്ള വേളാങ്കണ്ണി നഗറില്‍ കഴിഞ്ഞ ദിവസം വൈകീട്ടാണ് വീടുകളുടെ പുറകിലുള്ള പന്ത്രണ്ട് അടിയോളം ഉയരമുള്ള മതില്‍ ഇടിഞ്ഞ് വീണത്. വീടുകളുടെ തറകള്‍ക്കും കേടുപാടുകള്‍ സംഭവിച്ചിട്ടുണ്ട്. 2006 ല്‍ ഭവനരഹിതരായ അഞ്ചു കുടുംബങ്ങള്‍ക്ക് ഡോ. ലോനപ്പന്‍ അമ്പൂക്കന്‍ നിര്‍മിച്ചു നല്കിയ വീടുകളാണ് വേളാങ്കണ്ണി നഗറില്‍ ഉള്ളത്. ഇതില്‍ പടമാടന്‍ പോള്‍, കടങ്ങോട്ട് ആനി, കോട്ടോളി ആനി, പയ്യപ്പിളളി എല്‍സി എന്നിവര്‍ താമസിക്കുന്ന നാലു വീടുകളാണ് ഇപ്പോള്‍ അപകടാവസ്ഥയില്‍ ആയിട്ടുള്ളത്. അപകട ഭീഷണിയെ തുടര്‍ന്ന് അംഗന്‍വാടിയിലേക്കും ബന്ധുവീടുകളിലേക്കുമായി ഇവര്‍ മാറിക്കഴിഞ്ഞു. വീടുകളുടെ പുറകില്‍ കൂടുതല്‍ മണ്ണിടിയാതിരിക്കാനുള്ള നടപടികള്‍ സ്വീകരിക്കുന്നുണ്ട്. വിവരമറിഞ്ഞതിനെ തുടര്‍ന്ന് റവന്യു അധികൃതരും വീടുകള്‍ നിര്‍മിച്ചു നല്കിയ ഡോ. ലോനപ്പന്‍ അമ്പൂക്കന്റെ ബന്ധുക്കളും സ്ഥലം സന്ദര്‍ശിച്ചു. നാലു വീടുകളിലായി കുട്ടികള്‍ അടക്കം പത്തു പേരാണ് ഇവിടെ താമസിക്കുന്നത്. ബോയ്സ് സ്‌കൂളില്‍ ആരംഭിക്കുന്ന ദുരിതാശ്വാസ ക്യാമ്പിലേക്ക് ഇവരെ മാറ്റാനുള്ള നടപടികള്‍ സ്വീകരിച്ചു.
About Author
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
കണ്‌ഠേശ്വരം ശിവ ക്ഷേത്രത്തില്‍ ശിവരാത്രി നൃത്തോത്സവം ആരംഭിച്ചു 
അല്‍കേഷ് രാജന് ആദരം നല്‍കി എഐവൈഎഫ് പ്രവര്‍ത്തകര്‍ 
എടതിരിഞ്ഞി ശിവകുമാരേശ്വര ക്ഷേത്രത്തിലെ തിരുവുത്സവത്തിന് കൊടിയേറി 
ചങ്ങാതിക്ക് ഒരു മനസ്; മാതൃവിദ്യാലയത്തിന് കമ്പ്യൂട്ടര്‍ കൈമാറി പൂര്‍വവിദ്യാര്‍ഥികള്‍ 
കാവടി പൂര മഹോത്സവത്തോടനുബന്ധിച്ച് മതസൗഹാര്‍ദ്ദ സമ്മേളനം നടത്തി 
