വൈദീകര്ക്കും ക്രൈസ്തവ വിശ്വാസികള്ക്കും സുരക്ഷിതത്വം ഉറപ്പു വരുത്തണം: മാര് പോളി കണ്ണൂക്കാടന്
മധ്യപ്രദേശിലെ ജബല്പ്പൂരില് വൈദീകര്ക്കും ക്രൈസ്തവര്ക്കും നേരെ നടന്ന ആക്രമണങ്ങളില് പ്രതിഷേധിച്ചു കൊണ്ട് ഇരിങ്ങാലക്കുട സെന്റ് തോമസ് കത്തീഡ്രല് സിഎല്സിയുടെ നേതൃത്വത്തില് നടന്ന പ്രതിഷേധ സംഗമം ബിഷപ്പ് മാര്. പോളി കണ്ണൂക്കാടന് ഉദ്ഘാടനം ചെയ്യുന്നു.
ഇരിങ്ങാലക്കുട: വൈദീകര്ക്കും ക്രൈസ്തവര്ക്കും സുരക്ഷിതത്വം ഉറപ്പു വരുത്തുവാന് കേന്ദ്ര സംസ്ഥാന സര്ക്കാരുകള് ഇടപ്പെടണമെന്ന് ബിഷപ് മാര് പോളി കണ്ണൂക്കാടന്. മധ്യപ്രദേശിലെ ജബല്പ്പൂരില് വൈദീകര്ക്കും ക്രൈസ്തവര്ക്കും നേരെ നടന്ന ആക്രമണങ്ങളില് പ്രതിഷേധിച്ചു കൊണ്ട് ഇരിങ്ങാലക്കുട സെന്റ് തോമസ് കത്തീഡ്രല് സിഎല്സിയുടെ നേതൃത്വത്തില് നടന്ന പ്രതിഷേധ സംഗമം ഉദ്ഘാടനം ചെയ്യുകയായിരുന്നു ബിഷപ്പ്.
ജബല്പ്പൂരില് നടന്നത് ഒറ്റപ്പെട്ട സംഭവമായി കരുതുന്നില്ല. നിയമം അനുശാസിക്കുന്ന സ്വാതന്ത്ര്യത്തോടെ ജീവിക്കുവാന്, സ്വതന്ത്രമായി ആരാധന നടത്തുവാന് മതേതര ഭാരതത്തില് ക്രൈസ്തവര്ക്കു കഴിയണം. അതിനുള്ള സാഹചര്യം ഒരുക്കുവാന് സര്ക്കാരുകള് തയ്യാറാകണം. ഭാരതതത്തിന്റെ മതേതരത്വം സംരക്ഷിക്കുവാന് സമൂഹ മനസാക്ഷി ഉണരണമെന്നും ബിഷപ്പ് കൂട്ടിചേര്ത്തു.
ബിഷപ്പ്സ് സെക്രട്ടറി ഫാ. ജോര്ജി തേലപ്പിള്ളി, ട്രസ്റ്റി സിഎം പോള്, രൂപത കൗണ്സിലര് വിനു ആന്റണി, ഓര്ഗനൈസര് കെ.പി നെല്സണ്, മുന് രൂപത എക്സിക്യുട്ടീവ് ഡേവീസ് ഷാജു, മുന് ഓര്ഗനൈസര് ജിജു കോട്ടോളി, ട്രഷറല് തോമസ് ജോസ്, വൈസ് പ്രസിഡന്റ് ആല്ബിന് സാബു, പ്രഫഷണല് സിഎല്സി സെക്രട്ടറി ജോയ് പേങ്ങിപറമ്പില്, ട്രഷറര് ഫ്രാന്സീസ് കീറ്റിക്കല്, സംസ്ഥാന സെക്രട്ടറി ഷോബി കെ പോള്, ഭാരവാഹികളായ ക്രിസ്റ്റോ മുരിങ്ങത്തുപറമ്പില്, ഡയസ് ഡി തോട്ടാന് എന്നിവര് സംസാരിച്ചു.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
ബഹിരാകാശത്ത് ഇന്ത്യന് യുഗം; ശാസ്ത്ര പാടവ പോഷണ പരിപാടി സംഘടിപ്പിച്ചു 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
41-ാമത് ഡോണ് ബോസ്കോ അഖില കേരള ബാസ്കറ്റ്ബോള് ടൂര്ണമെന്റ് 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
മുന് എംപി കെ. മോഹന്ദാസിന്റെ സാമൂഹ്യ പ്രതിബദ്ധത സ്മരിക്കപ്പെടണം- അഡ്വ. തോമസ് ഉണ്ണിയാടന് എംഎല്എ 
