ഉദയ പ്രോവിന്‍സ് നിര്‍മിച്ച ‘ഇലകള്‍ പച്ച’ ഷോര്‍ട്ട് ഫിലിം ശ്രദ്ധേയമാകുന്നു
ഇരിങ്ങാലക്കുട: ഉദയ പ്രോവിന്‍സ് നിര്‍മിച്ച ‘ഇലകള്‍ പച്ച’ എന്ന ഷോര്‍ട്ട് ഫിലിം ശ്രദ്ധേയമാകുന്നു. തനിക്കുവേണ്ടി മാത്രം ജീവിക്കാതെ അപരനു വേണ്ടി അര്‍പ്പണബോധത്തോടെ ജീവിക്കുവാന്‍ യുവജനങ്ങളെ ആകര്‍ഷിക്കും വിധമാണു ഇതിന്റെ തിരക്കഥ. മനസിനും ശരീരത്തിനും ഉണര്‍വ് നല്‍കുന്ന ഹ്രസ്വചിത്രം ഉദയ സിഎംസി മീഡിയ യുട്യൂബ് ചാനലിലാണു അപ്‌ലോഡ് ചെയ്തിരിക്കുന്നത്. ഇരിങ്ങാലക്കുട സിഎംസി ഉദയ പ്രോവിന്‍സിന്റെ പ്രൊവിന്‍ഷ്യല്‍ സിസ്റ്റര്‍ വിമല പ്രൊഡ്യൂസറായ ചിത്രത്തിന്റെ ഡയറക്ഷനും എഡിറ്റിംഗും ചെയ്തിരിക്കുന്നത് ഫാ. ഷെല്‍ബിന്‍ മാണിക്കത്താന്‍ ആണ്. സിസ്റ്റര്‍ റിഥ തെരേസ് സിഎംസിയാണ് ഷോര്‍ട്ട് ഫിലിമന്റെ കഥയ്ക്ക് ആശയം നല്കിയത്. ചിത്രത്തിലെ ഗാനത്തിന്റെ രചന-ശ്രീനാഥ്, ആലാപനം-പാര്‍വതി സുധീഷ്, സിനിമറ്റോഗ്രഫി-അഖില്‍ വിനായക്, ശബ്ദ സംവിധാനം-കെ.വി. ജിതിന്‍, അഭിനേതാക്കള്‍-റോണി, ജൂലി ബെന്നി, കാര്‍മ്മന്‍, ആന്‍ജോ, ആറ്റലി എന്നിവരാണ്. മാള സോക്കോര്‍സോ ഹയര്‍ സെക്കന്‍ഡറി പ്രിന്‍സിപ്പല്‍ സിസ്റ്റര്‍ ലയ സ്വിച്ച് ഓണ്‍ കര്‍മം നിര്‍വഹിച്ചു. ഉദയ മാസ് മീഡിയ കൗണ്‍സിലര്‍ സിസ്റ്റര്‍ ധന്യ ചിത്രാവിഷ്‌ക്കാരത്തിനു നേതൃത്വം വഹിച്ചു. അഭിനേതാക്കളെയും ചിത്രത്തിന്റെ പ്രവര്‍ത്തകരെയും മാള സോക്കോര്‍സോ ഹയര്‍ സെക്കന്‍ഡറിയില്‍ വെച്ച് ഉദയ പ്രോവിന്‍സ് ആദരിച്ചു. യോഗത്തില്‍ ദീപ്തി പോള്‍, മാസ് മീഡിയ കൗണ്‍സിലര്‍ സിസ്റ്റര്‍ ധന്യ, പിആര്‍ഒ സിസ്റ്റര്‍ ലിന്‍സ എന്നിവര്‍ പ്രസംഗിച്ചു.
About Author
ആര്‍എസ്പി മണ്ഡലം സമ്മേളനം നടത്തി 
എന്‍എസ്എസ് താലൂക്ക് യൂണിയന്‍ പതാക ദിനം ആചരിച്ചു 
കെഎസ്‌കെടിയു തൃശൂര്‍ ജില്ലാ സമ്മേളനം ഡിസംബര്‍ 18, 19 തിയതികളില്‍ ഇരിങ്ങാലക്കുടയില്‍ 
മരിച്ചവരുടെ ഓര്‍മ്മദിനം 
ഇരിങ്ങാലക്കുട നഗരസഭയില്‍ കേരളോത്സവത്തിന് ഉജ്ജ്വല തുടക്കം 
പെരുമ്പാവൂര്‍ അഭയഭവനില്‍ അറിവകം ലൈബ്രറി ആരംഭിച്ച് ക്രൈസ്റ്റ് കോളജ് 
