ഗെയിം കളിച്ച് പണം നഷ്ടപ്പെട്ടതിൽ മനോവിഷമം: സ്‌കൂള്‍ വിദ്യാര്‍ഥി ജീവനൊടുക്കി
ഇരിങ്ങാലക്കുട: ഓണ്‍ലൈന്‍ ഗെയിം കളിച്ചു പണം നഷ്ടപ്പെട്ട മനോവിഷമത്തില്‍ സ്‌കൂള്‍ വിദ്യാര്‍ഥി ജീവനൊടുക്കി. കൊരുമ്പിശേരി പോക്കരുപറമ്പില്‍ ഷാബിന്റെ മകന്‍ ആകാശ് (14) ആണ് ജീവനൊടുക്കിയത്. ചൊവ്വാഴ്ച്ച രാത്രി 10.30 നു വീട്ടില്‍ നിന്നു സൈക്കിളുമെടുത്ത് ഇറങ്ങിയതാണ്. ഇന്നലെ രാവിലെ കൂടല്‍മാണിക്യം ക്ഷേത്രത്തിന് അടുത്തുള്ള കുട്ടംകുളത്തില്‍ മുങ്ങിമരിച്ച നിലയില്‍ കാണപ്പെടുകയായിരുന്നു. കുറച്ചു ദിവസം മുമ്പ് പിതാവറിയാതെ പിതാവിന്റെ മൊബൈലില്‍ നിന്നും ഗൂഗിള്‍ പേ വഴി പണം ട്രാന്‍സ്ഫര്‍ നടത്തിയിരുന്നു. ഇക്കാര്യം ചൊവ്വാഴ്ചയാണു പിതാവ് അറിയുന്നത്. അന്വേഷണത്തിനൊടുവിലാണ് ഓണ്‍ലൈന്‍ ഗെയിം കളിക്കുന്നതിനാണു മകന്‍ പണം ട്രാന്‍സ്ഫര്‍ നടത്തിയതെന്നു മനസിലായത്. ഇതേ തുടര്‍ന്നാണു രാത്രി വീട്ടില്‍ നിന്നും ഇറങ്ങിപോയത്. 5000 രൂപയോളമാണ് നഷ്ടപ്പെട്ടത്. ഇന്നലെ രാവിലെ കുളത്തിനു സമീപം ചെരുപ്പും സൈക്കിളും കണ്ടെത്തിയിരുന്നു. തുടര്‍ന്നു പോലീസും ഫയര്‍ഫോഴ്‌സും നാട്ടുകാരും ചേര്‍ന്നു നടത്തിയ തിരച്ചിലില്‍ കുളത്തില്‍ നിന്നു മൃതദേഹം കണ്ടെത്തുകയായിരുന്നു. നാഷണല്‍ ഹയര്‍ സെക്കന്‍ഡറി സ്‌കൂള്‍ ഒമ്പതാം ക്ലാസ് വിദ്യാര്‍ഥിയാണ്. ഇരിങ്ങാലക്കുട പോലീസ് തുടര്‍ നടപടികള്‍ സ്വീകരിച്ചു. അമ്മ: സല്‍മ. സഹോദരന്‍: അമല്‍.
About Author
അമര്‍ജവാന്‍ യുദ്ധസ്മാരകത്തിന് സ്റ്റോപ്പ് മെമ്മോ 
യുവജന കൂട്ടായ്മയുടെ മാതൃകാപരമായ പ്രവര്‍ത്തനം; പൂവത്തുംകടവില്‍ ആധുനിക സൗകര്യങ്ങളോടെ വേറിട്ട ബസ് സ്റ്റോപ്പ് 
പ്ലാസ്റ്റിക് മാലിന്യങ്ങള്‍ കുറയ്ക്കുന്നതിനും പരിസ്ഥിതി സംരക്ഷണത്തിനുമായി സ്വയം നിര്‍മിച്ച പേപ്പര്‍ ക്യാരിബാഗുകള്‍ വിതരണം ചെയ്തു 
ഇരിങ്ങാലക്കുട ജനമൈത്രി പൊലിസ് ഓപ്പറേഷന്‍ തൂഫാന്‍ ഫുട്‌ബോള്‍ ടൂര്‍ണമെന്റ്; ക്രൈസ്റ്റ് കോളജ് ജേതാക്കള്‍ 
ദി എഐ ടേണ്‍ ത്രിദിന അന്താരാഷ്ട്ര സമ്മേളനം സമാപിച്ചു 
പി.കെ. ചാത്തന്‍ മാസ്റ്ററുടെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണം: കുമ്മനം രാജശേഖരന്‍ 
