ബോട്ടില്‍ ആര്‍ട്ടില്‍ റെക്കോര്‍ഡ് നേടി ഇരിങ്ങാലക്കുടക്കാരി
ഇരിങ്ങാലക്കുട: ലോക്ഡൗണില്‍ ബോട്ടിലില്‍ ആര്‍ട്ടുകള്‍ ചെയ്ത പവിത്ര പി. മേനോന്‍ ഇന്ത്യ ബുക്ക് ഓഫ് റെക്കോര്‍ഡ് അവാര്‍ഡ് നേടി. ഇരിങ്ങാലക്കുട മണ്ണാത്തിക്കുളത്തിനു സമീപം അനിഴം വീട്ടില്‍ പ്രദീപ് മേനോന്റെയും സുസ്മിതയുടെയും മകളാണ് പവിത്ര. പുറനാട്ടുകര കേന്ദ്ര വിദ്യാലയത്തില്‍ 11-ാം ക്ലാസ് വിദ്യാര്‍ഥിയാണ്. ലോക് ഡൗണ്‍ കാലത്താണു പവിത്ര ബോട്ടിലില്‍ ആര്‍ട്ടുകള്‍ ചെയ്യാന്‍ തുടങ്ങിയത്. പാഴ് വസ്തുക്കള്‍ ഉപയോഗിച്ചു കഥകളിയുടെ പുരുഷ-സ്ത്രീ വേഷങ്ങള്‍ ബോട്ടിലില്‍ ചെയ്തതിനാണ് അവാര്‍ഡ്. ചിരട്ട, തെര്‍മോകോള്‍, കേക്കിന്റെ ബേസ്, ന്യൂസ് പേപ്പര്‍ തുടങ്ങിയവയാണ് ഇതിനായി ഉപയോഗിച്ചത്. കൂടാതെ കാന്‍വാസില്‍ മനോഹരമായ ചിത്രങ്ങളും പവിത്ര വരക്കാറുണ്ട്. ആദ്യം കേക്കിന്റെ ബേസിലാണു ചിത്രങ്ങള്‍ വരച്ചുതുടങ്ങിയത്. പിന്നീട് അതു കാന്‍വാസിലേക്കു മാറുകയായിരുന്നു. ചെറുപ്പത്തില്‍തന്നെ ഡാന്‍സില്‍ വളരെ താല്‍പര്യമുണ്ടായിരുന്നതിനാല്‍ മൂന്നു വയസു മുതല്‍ കുച്ചുപ്പുടി, മോഹിനിയാട്ടം, ഭരതനാട്യം എന്നിവയില്‍ മികവു തെളിയിക്കുകയും കുച്ചുപ്പുടിയില്‍ ഹൈദരാബാദില്‍ നിന്നും നാട്യബാല അവാര്‍ഡ് നേടുകയും ചെയ്തിട്ടുണ്ട്. ഭാരത് സേവക് സമാജ് നാട്യപൂര്‍ണ ഡിപ്ലോമയും നേടിയിട്ടുണ്ട്. കായിക രംഗത്ത് ഫുട്‌ബോള്‍, ഖോഖോ എന്നിവയില്‍ റീജിയണല്‍ തലത്തില്‍ പോയിട്ടുണ്ട്. തുണികളില്‍ മ്യൂറല്‍ പെയിന്റിംഗ്, പേപ്പറില്‍ പെന്‍സില്‍ ആര്‍ട്ട് എന്നിവയില്‍ മികവ് തെളിയിച്ചിട്ടുണ്ട്. മോഹല്‍ലാല്‍, മമ്മൂട്ടി, പൃഥ്വിരാജ്, ജയസൂര്യ, ദുല്‍കര്‍ സല്‍മാന്‍ തുടങ്ങിയ നടന്മാരുടെ ചിത്രങ്ങള്‍ മനോഹരമായി പവിത്ര വരച്ചിട്ടുണ്ട്. മുത്തശിമാരായ തൃശൂര്‍ മോഡല്‍ ഗേള്‍സ് സ്‌കൂള്‍ റിട്ട. പ്രിന്‍സിപ്പല്‍ ഓ. ഭവാനി സുകുമാരന്‍, പ്രകാശിനി സി. മേനോന്‍, ഏക സഹോദരന്‍ ക്രൈസ്റ്റ് എന്‍ജിനീയറിംഗ് വിദ്യാര്‍ഥി പ്രണവ് പി. മേനോന്‍ എന്നിവരാണു പവിത്രയുടെ ഈ കരവിരുതുകള്‍ക്കു പ്രചോദനമായുള്ളത്.
അഭിനന്ദങ്ങൾ നേരുവാൻ-7907193507
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
