മാപ്രാണം വാതിൽമാടം കോളനിയിൽ മണ്ണിടിച്ചിൽ; ഏഴ് കുടുംബങ്ങളെ മാറ്റി പാർപ്പിച്ചു

നഗരസഭ ആരോഗ്യ വകുപ്പ് ഉദ്യോഗസ്ഥരെ തടഞ്ഞ് വച്ചു

ഇരിങ്ങാലക്കുട: മാപ്രാണം വാതിൽമാടം കോളനിയിൽ തുടർച്ചയായ മഴയിൽ മണ്ണിടിച്ചിൽ. തെക്കൂടൻ കൊച്ചക്കൻ മകൾ രേഖയുടെ വീടിന്റെ പുറകിലേക്കാണ് ഇന്നലെ പുലർച്ചെയോടെ മണ്ണിടിഞ്ഞത്. ഇതോടെ മണ്ണിടിച്ചിൽ ഭീഷണി നേരിടുന്ന കോളനിയിലെ ഏഴു വീട്ടുകാരും ആശങ്കയിലായി. ഇവരെ മാറ്റി താമസിപ്പിച്ചു. മുരിങ്ങത്ത് കുട്ടൻ, പാളയംകോട്ട് സുഹറ, ചേനത്ത് കാളിക്കുട്ടി, തെച്ചിൽ ഭവാനി, പേടിക്കാട്ടുപറമ്പിൽ ഗിരീഷ്, മുരിങ്ങത്ത് രേഖ, കാട്ടൂക്കാരൻ ജോബി എന്നിവരെയാണ് മാറ്റി താമസിപ്പിച്ചത്. സംഭവ സമയത്ത് ലൈഫ് പദ്ധതിയിൽ വീട് നിർമ്മിക്കുന്ന അടുത്ത വീട്ടുകാരായ കുട്ടനും ഭാര്യയുമാണ് ഇവിടെ ഉണ്ടായിരുന്നത്. മഴ കനത്താൽ ഈ കോളനി നിവാസികളുടെ നെഞ്ചിൽ തീയാണ്. ജീവൻ പോലും പണയം വച്ചാണ് ഓരോ ദിവസവും അവർ തള്ളിനീക്കുന്നത്. 40 അടിയോളം ഉയരത്തിൽ നിൽക്കുന്ന മണ്ണ് ഏതു നിമിഷവും താഴേക്ക് പതിക്കുമെന്ന ഭീതിയിൽ കഴിയുകയാണ് ഈ വീട്ടുകാർ. ഇതിനുമുമ്പ് മണ്ണിടിച്ചിൽ ഉണ്ടായത് പുലർച്ചെയായതിനാൽ രാത്രി സമയത്ത് മഴ കനത്താൽ ഉറക്കമൊഴിച്ച് കാവലിരിക്കേണ്ട ഗതികേടിലാണ് ഇവിടത്തുകാർ. മഴക്കാലമായാൽ പലരും ബന്ധുക്കളുടെ വീട്ടിൽ പോയി നിൽക്കുകയാണ് ചെയ്യുന്നത്. മാത്രവുമല്ല, ഏതു സമയവും വീഴാവുന്ന രീതിയിൽ കുന്നിന്റെ മേൽഭാഗം വിണ്ടു നിൽക്കുകയാണ്. വർഷങ്ങൾക്കു മുമ്പ് മണ്ണെടുപ്പ് നടത്തിയതിന്റെ ഭാഗമായി നിരവധി തവണ മണ്ണിടിയുകയും അതിന്റെ കെടുതികൾ നേരിടുകയും ചെയ്ത പരിസ്ഥിതി ദുർബല പ്രദേശങ്ങളിലൊന്നാണിത്. കൂലിപണി ചെയ്തു ജീവിക്കുന്ന സാമ്പത്തികമായി പിന്നോക്കം നിൽക്കുന്നവരാണ് ഈ വീടുകളിൽ താമസിക്കുന്നത്. വിവരമറിഞ്ഞ് എത്തിയ ആരോഗ്യ വകുപ്പ് ഉദ്യോഗസ്ഥരെ ഡിവൈഎഫ്‌ഐയുടെ നേത്യത്വത്തിൽ തടഞ്ഞ് വച്ചു.

വിഷയത്തിൽ നഗരസഭ ജാഗ്രത പുലർത്തിയില്ലെന്ന് ഇവരുടെ ആരോപണം. നഗരസഭ നഗരസഭ ചെയർപേഴ്‌സൺ സുജ സഞ്ജീവ് കുമാർ, കൗൺസിലർ ബൈജു കുറ്റിക്കാടൻ, മുകുന്ദപുരം താലൂക്ക് ഡെപ്യൂട്ടി കളക്ടർമാരായ മനോജ് നായർ, ശ്യാമള, വില്ലേജ് ഓഫീസർ യു.സി. സന്ദീപ് എന്നിവർ സ്ഥലം സന്ദർശിച്ചു. തുടർന്ന് കോളനിവാസികളുമായി ജനപ്രതിനിധികളും ഉദ്യോഗസ്ഥരും നടത്തിയ ചർച്ചയുടെ അടിസ്ഥാനത്തിൽ അപകട ഭീഷണി നേരിടുന്ന വീട്ടുകാരെ മാറ്റി പാർപ്പിക്കാനും അടിയന്തരമായി മണ്ണ് നീക്കുന്ന വിഷയം ജില്ലാ ഭരണകൂടത്തിന്റെ ശ്രദ്ധയിൽപ്പെടുത്താനും തീരുമാനിച്ചു. മുൻ പഞ്ചായത്ത് പ്രസിഡന്റ്് എം.ബി. രാജുമാസ്റ്റർ, വാർഡ് കൗൺസിലർ കെ.ആർ. ലേഖ, സിപിഎം ലോക്കൽ സെക്രട്ടറി ആർ.എൽ. ജീവൻലാൽ എന്നിവരും ചർച്ചകളിൽ പങ്കെടുത്തു.

വാ​തി​ൽ​മാ​ടം കോ​ള​നി​യെ​ച്ചൊ​ല്ലി ന​ഗ​ര​സ​ഭാ യോ​ഗ​ത്തി​ൽ ബ​ഹ​ളം
ഇ​രി​ങ്ങാ​ല​ക്കു​ട: മ​ണ്ണി​ടി​ച്ചി​ൽ ഭീ​ഷ​ണി നേ​രി​ടു​ന്ന മാ​പ്രാ​ണം വാ​തി​ൽ​മാ​ടം കോ​ള​നി​യെ​ച്ചൊ​ല്ലി ന​ഗ​ര​സ​ഭാ യോ​ഗ​ത്തി​ൽ ബ​ഹ​ളം. കോ​ള​നി നി​വാ​സി​ക​ളെ പു​ന​ര​ധി​വ​സി​പ്പി​ക്കു​ന്ന​തും കോ​ള​നി​യി​ൽ സം​ര​ക്ഷ​ണ​ഭി​ത്തി നി​ർ​മാ​ണം ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ൾ പ​രി​ഹ​രി​ക്കാ​ൻ രാ​ഷ്ട്രീ​യ​ത്തി​ന​തീ​ത​മാ​യി ഒ​രു​മി​ക്ക​ണ​മെ​ന്ന എ​ൽ​ഡി​എ​ഫ് അം​ഗം സി.​സി. ഷി​ബി​ന്‍റെ അ​ഭി​പ്രാ​യം ബി​ജെ​പി അം​ഗം ടി.​കെ. ഷാ​ജു എ​റ്റു​പി​ടി​ച്ച​താ​ണു ത​ർ​ക്ക​ത്തി​നി​ട​യാ​ക്കി​യ​ത്. എ​ഴ​ര വ​ർ​ഷം വാ​തി​ൽ​മാ​ടം വാ​ർ​ഡി​നെ പ്ര​തി​നി​ധീ​ക​രി​ച്ച​തും ക​ഴി​ഞ്ഞ ദി​വ​സം കോ​ള​നി​യി​ൽ മ​ണ്ണി​ടി​ഞ്ഞ സ​മ​യ​ത്ത് ജാ​ഥ​യും പ്ര​തി​ഷേ​ധ​വും ന​ട​ത്തു​ക​യും ന​ഗ​ര​സ​ഭ ആ​രോ​ഗ്യ വി​ഭാ​ഗ​ത്തെ ത​ട​ഞ്ഞ് വ​ച്ച​തും ആ​രാ​ണെ​ന്നും എ​ല്ലാ​വ​രും ക​ണ്ട​താ​ണെ​ന്ന് ടി.​കെ. ഷാ​ജു മ​റു​പ​ടി ന​ൽ​കി. ഇ​ടി​ഞ്ഞ മ​ണ്ണ് നീ​ക്കം ചെ​യ്ത​പ്പോ​ൾ മ​ണ്ണി​ന്‍റെ മു​ക​ളി​ൽ ബി​ജെ​പി കൊ​ടി നാ​ട്ടി​യെ​ന്നും സ​മൂ​ഹ മാ​ധ്യ​മ​ത്തി​ൽ വ​ന്ന ചി​ത്രം ഉ​യ​ർ​ത്തി​ക്കാ​ട്ടി ഷി​ബി​നും പ​റ​ഞ്ഞു. ബി​ജെ​പി​യു​ടെ വാ​തി​ൽ​മാ​ട രാ​ഷ്ട്രീ​യം ന​ട​ക്കി​ല്ലെ​ന്നും വ്യ​ത്തി​കെ​ട്ട രാ​ഷ്ട്രീ​യ​മാ​ണ് ക​ളി​ക്കു​ന്ന​തെ​ന്നും എ​ൽ​ഡി​എ​ഫ് പാ​ർ​ല​മെ​ന്‍റ​റി പാ​ർ​ട്ടി ലീ​ഡ​ർ അ​ഡ്വ കെ.​ആ​ർ. വി​ജ​യ പ​റ​ഞ്ഞു. ത​ർ​ക്ക​ത്തി​ൽ ഇ​ട​പെ​ട്ട ചെ​യ​ർ​പേ​ഴ്സ​ണ്‍ വാ​തി​ൽ​മാ​ടം കോ​ള​നി​വാ​സി​ക​ളു​ടെ പ്ര​ശ്ന​ങ്ങ​ൾ പ​രി​ഹ​രി​ക്കു​ന്നു​മാ​യി ബ​ന്ധ​പ്പെ​ട്ട് യോ​ഗം വി​ളി​ക്കാ​ൻ ഉ​ന്ന​ത വി​ദ്യാ​ഭ്യാ​സ മ​ന്ത്രി​ക്ക് ക​ത്ത് ന​ൽ​കി​യി​ട്ടു​ണ്ടെ​ന്നും കോ​ള​നി​വാ​സി​ക​ളെ പു​ന​ര​ധി​വ​സി​പ്പി​ക്കാ​നു​ള​ള സ്ഥ​ലം ക​ണ്ടെ​ത്താ​നും ഭി​ത്തി നി​ർ​മാ​ണ​ത്തി​നു ഫ​ണ്ടു ചെ​ല​വാ​ക്കു​ന്ന​ത് ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ൾ ച​ർ​ച്ച ചെ​യ്യു​മെ​ന്നും അ​റി​യി​ച്ചു. 2023 -24 വ​ർ​ഷ​ത്തെ പ​ദ്ധ​തി​യു​മാ​യി ബ​ന്ധ​പ്പെ​ട്ട വാ​ർ​ഡ് സ​ഭ​ക​ൾ ഈ ​മാ​സം പൂ​ർ​ത്തി​യാ​ക്കാ​ൻ തീ​രു​മാ​നി​ച്ചു. പ​ദ്ധ​തി നി​ർ​വ​ഹ​ണ​ത്തി​ലും വാ​ർ​ഡു​ക​ൾ​ക്കു ഫ​ണ്ട് അ​നു​വ​ദി​ക്കു​ന്ന​തി​ലും ക​ഴി​ഞ്ഞ വ​ർ​ഷം വ​ന്ന വീ​ഴ്ച​ക​ൾ ആ​വ​ർ​ത്തി​ക്കാ​തെ നോ​ക്ക​ണ​മെ​ന്നും നീ​തി​പൂ​ർ​വ​മാ​യ സ​മീ​പ​ന​മാ​ണ് പ്ര​തീ​്ഷി​ക്കു​ന്ന​തെ​ന്നും ബി​ജെ​പി അം​ഗം സ​ന്തോ​ഷ് ബോ​ബ​ൻ പ​റ​ഞ്ഞു. പ​ദ്ധ​തി​യു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന ക​ല​ണ്ട​ർ പ്ര​സി​ദ്ധീ​ക​രി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്ന് അ​ഡ്വ കെ.​ആ​ർ. വി​ജ​യ ആ​വ​ശ്യ​പ്പെ​ട്ടു. ന​ഗ​ര​സ​ഭ​യു​ടെ നി​യ​ന്ത്ര​ണ​ത്തി​ലു​ള്ള പാ​ർ​ക്കു​ക​ളു​ടെ അ​വ​സ്ഥ മോ​ശ​മാ​ണെ​ന്നും ക​ളി​യു​പ​ക​ര​ണ​ങ്ങ​ൾ ഉ​പ​യോ​ഗി​ക്കാ​ൻ പ​റ്റ​ത്ത അ​വ​സ്ഥ​യി​ലാ​ണെ​ന്നും പൊ​റ​ത്തി​ശേ​രി ക​ണ്ടാ​രം​ത്ത​റ പാ​ർ​ക്ക് ന​വീ​ക​രി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നും ഇ​രി​ങ്ങാ​ല​ക്കു​ട എം​ജി റോ​ഡി​ലു​ള്ള മ​ഹാ​ത്മ പാ​ർ​ക്കി​ന്‍റെ ബൈ​ലോ​യു​മാ​യി ബ​ന്ധ​പ്പെ​ട്ട ച​ർ​ച്ച​യി​ൽ സി.​സി. ഷി​ബി​ൻ ആ​വ​ശ്യ​പ്പെ​ട്ടു. ന​ഗ​ര​സ​ഭ പാ​ർ​ക്കി​ന് സ​മാ​ന​മാ​യി മ​ഹാ​ത്മ പാ​ർ​ക്ക് വി​ക​സി​പ്പി​ച്ചെ​ടു​ക്കാ​ൻ പ​ദ്ധ​തി ഫ​ണ്ടി​ൽ നി​ന്ന് ആ​വ​ശ്യ​മാ​യ തു​ക മാ​റ്റി​വ​യ്ക്കേ​ണ്ടി​വ​രു​മെ​ന്നു ന​ഗ​ര​സ​ഭാ സെ​ക്ര​ട്ട​റി പ​റ​ഞ്ഞു. സാ​ന്പ​ത്തി​ക ക്ര​മ​ക്കേ​ടു​ക​ളു​ടെ അ​ടി​സ്ഥാ​ന​ത്തി​ൽ സ​സ്പെ​ൻ​ഷ​നി​ലു​ള്ള ന​ഗ​ര​സ​ഭാ ജീ​വ​ന​ക്കാ​ര​ൻ ജ​യ​ശ​ങ്ക​റി​നെ​തി​രേ ക​ടു​ത്ത ന​ട​പ​ടി​ക​ൾ വേ​ണ​മെ​ന്നു നി​ർ​ദേ​ശി​ക്കു​ന്ന ന​ഗര​കാ​ര്യ ഡ​യ​റ​ക്ട​റു​ടെ ക​ത്ത് യോ​ഗം അം​ഗീ​ക​രി​ച്ചു. ചെ​യ​ർ​പേ​ഴ്സ​ണ്‍ സു​ജ സ​ഞ്ജീ​വ്കു​മാ​ർ അ​ധ്യ​ക്ഷ​ത വ​ഹി​ച്ചു.

About Author

IJK News Home

See author's posts