കാറ്റിലും മഴയിലും മരം കട പുഴകി കോടതി കെട്ടിടത്തിലേക്ക് വീണു; വാഹനങ്ങള്‍ക്ക് നാശം, കോടതി നടപടികള്‍ നിറുത്തി വച്ചു
ഇരിങ്ങാലക്കുട കോടതി വളപ്പില്‍ വീണ മരം അഗ്‌നിശമനാ വിഭാഗത്തിന്റെ നേതൃത്വത്തില്‍ മുറിച്ചു മാറ്റുന്നു.
ഇരിങ്ങാലക്കുട: മരം കട പുഴകി വീണ് ഇരിങ്ങാലക്കുട ഠാണാ മെയിന്‍ റോഡില്‍ ജുഡീഷ്യല്‍ ഫസ്റ്റ് ക്ലാസ്സ് കോടതി അങ്കണത്തില്‍ പാര്‍ക്ക് ചെയ്തിരുന്ന നാല് കാറുകള്‍ക്കും ഒരു ബൈക്കിനും ഭാഗിക നാശം. ഇന്നലെ രാവിലെ 11.30 ഓടെയുണ്ടായ ശക്തമായ മഴയിലും കാറ്റിലുമാണ് അപകടം സംഭവിച്ചത്. ഈ സമയം ആരും തന്നെ കോടതി കെട്ടിടത്തിനു മുന്നില്‍ ഇല്ലാതിരുന്നതിനാല്‍ ആര്‍ക്കും അപകടം സംഭവിച്ചില്ല. കോടതി നടപടികള്‍ക്ക് എത്തിയ അഭിഭാഷകരുടെയും കക്ഷികളുടെയും വാഹനങ്ങളാണ് അപകടത്തില്‍ പെട്ടത്. ഈ സമയം കോടതി നടപടികള്‍ നടന്ന് കൊണ്ടിരിക്കുകയായിരുന്നു.
സംഭവത്തെ തുടര്‍ന്ന് കോടതി നടപടികള്‍ നിറുത്തി വച്ചു. അഗ്‌നിശമനാ വിഭാഗത്തിന്റെ നേതൃത്വത്തില്‍ മരം മുറിച്ച് മാറ്റി. വര്‍ഷങ്ങളുടെ പഴക്കമുള്ള കോടതി കെട്ടിടത്തിനും നാശം സംഭവിച്ചിട്ടുണ്ട്. അപകടാവസ്ഥയിലായ മരം മുറിച്ച് മാറ്റണമെന്ന് ആവശ്യപെട്ട് ഈ വര്‍ഷം മാര്‍ച്ചില്‍ നഗരസഭയ്ക്ക് കോടതി അധികൃതര്‍ കത്ത് നല്‍കിയിരുന്നു. കോടതി സമുച്ചയം ഉള്‍പെടുന്ന കച്ചേരി വളപ്പ് കൂടല്‍മാണിക്യം ദേവസ്വത്തിന്റെ അധീനതയില്‍ ഉള്ളതാണെന്നും വിഷയം സംബന്ധിച്ച് ദേവസ്വത്തിന് നോട്ടീസ് നല്‍കിയിട്ടുണ്ടെന്നും നഗരസഭ അറിയിച്ചതായി അഭിഭാഷകര്‍ പറഞ്ഞു. അഗ്‌നിശമനാ വിഭാഗം സ്‌റ്റേഷന്‍ ഓഫീസര്‍ കെ.എസ്. ഡിബിന്‍, സോനാംഗങ്ങളായ കെ.എ. ഷാജഹാന്‍, എ.വി. കൃഷ്ണരാജ്, എം.വി. ശിവ പ്രസാദ് എന്നിവര്‍ നേതൃത്വം നല്‍കി.
About Author
കാട്ടൂര്‍ പൊഞ്ഞനം പൈങ്കിണിക്കാവ് ക്ഷേത്രത്തില്‍ തീപ്പിടുത്തം; വലിയമ്പലത്തിന്റെ മേല്‍ക്കൂര കത്തി നശിച്ചു 
നിര്‍മ്മാണ പ്രവൃത്തിയില്‍ ന്യൂനതകള്‍ കണ്ടെത്തി; പുളിക്കലച്ചിറ പാലം പണി നിര്‍ത്തി 
ആള്‍ ഇന്ത്യ സെവന്‍സ് വനിത ഫുട്‌ബോള്‍ ടൂര്‍ണമെന്റില്‍ അണ്ടര്‍ 15 കാറ്റഗറിയില്‍ റണേഴ്‌സ്അപ്പ് ആയി അവിട്ടത്തൂര്‍ എല്‍ബിഎസ്എം ഗേള്‍സ് ഫുട്‌ബോള്‍ അക്കാദമി വിദ്യാര്‍ഥികള്‍ 
ആള്‍ ഇന്ത്യ സെവന്‍സ് വനിത ഫുട്‌ബോള്‍ ടൂര്‍ണമെന്റില്‍ സീനിയര്‍ കാറ്റഗറിയില്‍ റണേഴ്‌സ്അപ്പ് ആയി അവിട്ടത്തൂര്‍ എല്‍ബിഎസ്എം ഗേള്‍സ് ഫുട്‌ബോള്‍ അക്കാദമി വിദ്യാര്‍ഥികള്‍ 
മഴയിൽ വീട് തകർന്നു; രണ്ടുപേർക്കു പരിക്ക് 
അവധിക്കാല അധ്യാപക പരിശീലനം നടത്തി 
