ജനാധിപത്യ സംവിധാനങ്ങളെ നോക്കുകുത്തികളാക്കുന്നു; പി എ അജയഘോഷ്
കെ പി എം എസ് ജില്ലാ നേതൃയോഗം പി എ. അജയഘോഷ് ഉദ്ഘാടനം ചെയ്യുന്നു.
കല്ലേറ്റുംകര : സാധാരണ ജനങ്ങള്‍ക്ക് ജനാധിപത്യ അവകാശങ്ങള്‍ പകുത്തു കൊടുക്കേണ്ട അധികാരസ്ഥാപനങ്ങളെ വെറും നോക്കുകുത്തികളാക്കുന്ന കാഴ്ചയാണ് കാണാനാകുന്നതെന്ന് കെപിഎംഎസ് വര്‍ക്കിംഗ് പ്രസിഡന്റ് പി.എ. അജയഘോഷ് പറഞ്ഞു. കല്ലേറ്റുംകരയില്‍ നടന്ന ജില്ലാ നേതൃയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സംസ്ഥാന സര്‍ക്കാരിന്റെ വികസന പരിപാടികള്‍ അവതരിപ്പിച്ചുകൊണ്ട് കേരളീയം പോലുള്ള ബൃഹത്തായ പരിപാടികള്‍ ആഘോഷിക്കുമ്പോഴും പട്ടികജാതി പട്ടികവര്‍ഗ്ഗ സമൂഹത്തോടുള്ള അനീതിയാണ് കാണാനാകുന്നത്. പല ത്രിതല പഞ്ചായത്തുകളിലും പദ്ധതിവിഹിതങ്ങള്‍ വെട്ടിക്കുറക്കുന്നതും വക മാറ്റി ചെലവഴിക്കുന്നതുമായ പ്രവണത തുടരുകയാണ്. മുരിയാട് പഞ്ചായത്തില്‍ കഴിഞ്ഞ പദ്ധതിവര്‍ഷം അനുമതി നല്‍കിയ ചേര്‍പ്പും കുന്ന് കോളനിയിലെ അയ്യങ്കാളി ഹാളിന്റെ നവീകരണ പ്രവര്‍ത്തനങ്ങള്‍ക്കായി വക കൊള്ളിച്ചിരുന്ന പദ്ധതി വിഹിതം അട്ടിമറിച്ചത് ഏറ്റവും ഒടുവിലത്തെ ഉദാഹരണമാണെന്നും ഇത്തരം നടപടി തുടര്‍ന്നാല്‍ ശക്തമായ പ്രതിഷേധങ്ങള്‍ക്ക് കെപിഎംഎസ് രൂപം കൊടുക്കുമെന്ന് അജയഘോഷ് കൂട്ടിച്ചേര്‍ത്തു. യോഗത്തില്‍ ഉപാധ്യക്ഷന്‍ പി.എന്‍. സുരന്‍ അധ്യക്ഷത വഹിച്ചു. നേതാക്കളായ ശശി കൊരട്ടി, പിസി രഘു, കെ.പി. ശോഭന, ബിനോജ് തെക്കേമറ്റത്തില്‍ തുടങ്ങിയവര്‍ സംസാരിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
കേരള വ്യാപാരി വ്യവസായി ഏകോപനസമിതി എം.ഓ. ജോണ്‍ ഓര്‍മ്മദിനം ആചരിച്ചു 
