മാനാട്ടുകുന്ന് വടിയന് ചിറ ബണ്ട് റോഡ് നാടിന് സമര്പ്പിച്ചു
ആളൂര് ഗ്രാമപഞ്ചായത്തിലെ മാനാട്ടുകുന്ന് വടിയന് ചിറ ബണ്ട് റോഡ് ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആര്. ബിന്ദു ഉദ്ഘാടനം ചെയ്യുന്നു.
ആളൂര്: ആളൂര് ഗ്രാമപഞ്ചായത്തിലെ മാനാട്ടുകുന്ന് വടിയന് ചിറ ബണ്ട് റോഡ് ഉന്നത വിദ്യാഭ്യാസ വകുപ്പ് മന്ത്രി ഡോ. ആര്. ബിന്ദു ഉദ്ഘാടനം ചെയ്തു. ബാക്കിയുള്ള റോഡിന്റെ ഭാഗങ്ങളും വേഗത്തില് നവീകരിക്കുമെന്നും റോഡ് ബന്ധിപ്പിക്കുന്ന വടിയന് ചിറ ഹരിത കേരളം മിഷന് പദ്ധതിയില് ഉള്പ്പെടുത്തി പുനരുദ്ധാരണം നടത്തുമെന്നും മന്ത്രി പറഞ്ഞു. 20 ലക്ഷം രൂപ വിനിയോഗിച്ചാണ് 500 മീറ്റര് നീളത്തിലും മൂന്നു മീറ്റര് വീതിയിലും റോഡ് ടാറിംഗ് ഉള്പ്പടെയുള്ള പ്രവര്ത്തികള് ചെയ്ത് നവീകരിച്ചത്. കൊമ്പൊടിഞ്ഞാമക്കലില് എത്തിച്ചേരുന്ന ആളൂര് ഗ്രാമപഞ്ചായത്തിലെ 18, 22 വാര്ഡുകള് തമ്മില് ബന്ധിപ്പിക്കുന്ന റോഡാണ് ഇത്.
ചിറയുടെ നവീകരണ പ്രവര്ത്തനങ്ങള് കൂടി പൂര്ത്തിയാകുന്നതോടെ വടിയന് ചിറ ഉള്പ്പെടുന്ന പ്രാദേശിക ടൂറിസം വികസനത്തിനും റോഡ് നവീകരണത്തിലൂടെ സാധിക്കും. വടിയന് ചിറ ബണ്ട് റോഡ് പരിസരത്ത് നടന്ന പരിപാടിയില് ആളൂര് ഗ്രാമപഞ്ചായത്ത് പ്രസിഡന്റ് കെ.ആര്. ജോജോ അധ്യക്ഷനായി. മാള ബ്ലോക്ക് പഞ്ചായത്ത് പ്രസിഡന്റ് സന്ധ്യ നൈസന്, മുന് ജില്ലാ പഞ്ചായത്ത് പ്രസിഡന്റും ആളൂര് ഡിവിഷന് ജില്ലാ പഞ്ചായത്ത് മെമ്പറുമായ പി.കെ. ഡേവിസ്, മുന് എംഎല്എ കെ.യു. അരുണ്, വാര്ഡ് മെമ്പര് കെ.ബി. സുനില്, ഗ്രാമപഞ്ചായത്ത് വൈസ് പ്രസിഡന്റ് ലതി സുരേഷ്, വാര്ഡ് വികസന സമിതി അംഗം പോളി തുണ്ടിയില് തുടങ്ങിയവര് പങ്കെടുത്തു.
About Author
പോലീസ് ജീപ്പിടിച്ച് അപകടം; വിദ്യാര്ഥിയായ ജുവിന് മരണത്തിന് കീഴടങ്ങി, അനന്തകൃഷ്ണന് ചികിത്സയില് 
സ്നേഹിക്കുക, ജീവിക്കുക, നയിക്കുക; കെസിവൈഎം ഇരിങ്ങാലക്കുട രൂപതയുടെ 2026 പ്രവര്ത്തന വര്ഷ ലോഗോ പ്രകാശനം 
കരുവന്നൂര് സെന്റ് ജോസഫ്സ് സ്കൂളില് ദീപിക നമ്മുടെ ഭാഷാ പദ്ധതി 
ഇരിങ്ങാലക്കുട സെന്റ് ജോസഫ്സ് കോളജില് വിദ്യാരംഭം കുറിച്ചു 
വിസ്മയം ഉണര്ത്തി 92 കാരന്റെ യോഗഭ്യാസ പ്രകടനം 
കുട്ടംകുളം സമരത്തിന് 80 വയസ് 
