ഇരിങ്ങാലക്കുട നഗരസഭ ചെയര്‍പേഴ്‌സണ്‍ സുജ സഞ്ജീവ്കുമാര്‍ രാജിവച്ചു; രാജി ധാരണപ്രകാരം
ഇരിങ്ങാലക്കുട: ഇരിങ്ങാലക്കുട നഗരസഭ ചെയര്‍പേഴ്‌സണ്‍ സുജ സഞ്ജീവ്കുമാര്‍ രാജിവച്ചു. ഭരണകക്ഷിയായ കോണ്‍ഗ്രസിലെ ധാരണപ്രകാരമാണ് രാജി. രാജിക്കത്ത് നഗരസഭാ സെക്രട്ടറി എം.എച്ച്. ഷാജിക്കിന് കൈമാറി. സ്ഥാനത്തിരുന്ന പതിനഞ്ച് മാസത്തിനുള്ളില്‍ വിവിധ പദ്ധതികള്‍ക്ക് തുടക്കമിടാന്‍ കഴിഞ്ഞതായി നേരത്തെ മാധ്യമപ്രവര്‍ത്തകരോട് സുജ സഞ്ജീവ്കുമാര്‍ ചൂണ്ടിക്കാട്ടി.
നഗരസഭാപരിധിയിലെ ഭവനരഹിതര്‍ക്കായി 700ല്‍ അധികം വീടുകള്‍ നിര്‍മിച്ചുനല്‍കാന്‍ കഴിഞ്ഞു. ട്രഞ്ചിംഗ് ഗ്രൗണ്ടില്‍ ചുറ്റുമതില്‍ നിര്‍മാണത്തിനായി ഒന്നരക്കോടിരൂപയുടെ പദ്ധതിക്ക് രൂപം നല്‍കി. ആധുനികരീതിയില്‍ 15.5 കോടി രൂപയുടെ ടൗണ്‍ഹാള്‍ ഷോപ്പിംഗ് കോംപ്ലക്‌സ്, 18.5 കോടി രൂപ ചെലവുവരുന്ന അറവുശാല, രണ്ടുകോടിയുടെ ആധുനിക ക്രിമിറ്റോറിയം, അഞ്ചുകോടി രൂപ ചെലവില്‍ ആധുനിക മാര്‍ക്കറ്റ് തുടങ്ങിയ വന്‍പദ്ധതികള്‍ നിര്‍മാണഘട്ടങ്ങളിലാണ്. അമൃത് പദ്ധതിയില്‍ നിരവധി കുടുംബങ്ങള്‍ക്ക് സൗജന്യ കുടിവെള്ള കണക്ഷന്‍ നല്‍കാനും കഴിഞ്ഞു.
നേരത്തെ കാറളം പഞ്ചായത്ത് അംഗമായിരുന്ന സുജ സഞ്ജീവ്കുമാര്‍ നഗരസഭയിലെ വാര്‍ഡ് 31ല്‍ നിന്നാണ് തെരഞ്ഞെടുക്കപ്പെട്ടത്. കഴിഞ്ഞ ഭരണസമിതിയിലും അംഗമായിരുന്നു. മഹിള കോണ്‍ഗ്രസ് നിയോജകമണ്ഡലം പ്രസിഡന്റായും പ്രവര്‍ത്തിച്ചു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
