യാത്രക്കാര്‍ക്കു വിരുന്നൊരുക്കി പുല്ലൂര്‍ അണ്ടിക്കമ്പനി ജംഗ്ഷനിലെ ആ കിണര്‍
പുല്ലൂര്‍ ജംഗ്ഷനില്‍ കാഴ്ചയൊരുക്കിയത് ഓട്ടോ ഡ്രൈവര്‍മാര്‍
പുല്ലൂര്‍: ഇരിങ്ങാലക്കുട-ചാലക്കുടി റോഡില്‍ പുല്ലൂര്‍ അണ്ടിക്കമ്പനി ജംഗ്ഷനിലെ യാത്രക്കാര്‍ക്കു കാഴ്ച വിരുന്നൊരുക്കി ഓട്ടോറിക്ഷ ഡൈവര്‍മാരുടെ പൂത്തുലഞ്ഞ കിണര്‍. പുല്ലൂര്‍ ജംഗ്ഷനിലെ കപ്പേളക്കു മുമ്പിലെ അധികം ആരും ഉപയോഗിക്കാതെ കിടന്ന കിണറാണ് സമീപത്തെ ഓട്ടോറിക്ഷ പേട്ടയിലെ ഡ്രൈവര്‍മാരുടെ അധ്വാനത്തില്‍ പൂന്തോട്ടമായി മാറിയത്. 15 വര്‍ഷത്തോളമായി ആരും ഉപയോഗിക്കാതെ കാടുപിടിച്ച കിണറിലാണ് ഓട്ടോ ഡ്രൈവര്‍മാര്‍ പൂന്തോട്ടം ഒരുക്കിയത്. കിണറിനു മുകളിലെ ഗ്രില്ലിനു മുകളില്‍ പോളിത്തീന്‍ ഷീറ്റ് വിരിച്ചാണ് 10 മണി ചെടികള്‍ നട്ടത്. കിണറ്റില്‍ നിന്നു വെള്ളം കോരാന്‍ ചെറിയൊരു ഭാഗം ഒഴിച്ചിട്ടു. കിണറിന്റെ ആള്‍ മറയ്ക്ക് ചുറ്റും കേബിള്‍ വലിച്ച് കെട്ടി അതില്‍ തൂക്കിയിടുന്ന ചെടിച്ചട്ടികളും സ്ഥാപിച്ചു. 4000 രൂപയോളം ചെലവഴിച്ചാണു പൂന്തോട്ടം ഒരുക്കിയത്. കൂട്ടത്തോടെ പൂക്കള്‍ വിരിഞ്ഞതോടെ കിണര്‍ പൂന്തോട്ടം യാത്രക്കാരുടെ ശ്രദ്ധാകേന്ദ്രമായി. കിണറ്റില്‍ നിന്നെടുക്കുന്ന വെള്ളം ഉപയോഗിച്ചാണ് ദിവസവും പൂന്തോട്ടം നനയ്ക്കുന്നത്.
About Author
ആളൂര്‍ പൊലിസ് സ്റ്റേഷന്‍ നിര്‍മാണത്തിന് ഭൂമി ഒരുങ്ങി 
തൃശൂര്‍ കൊടുങ്ങല്ലൂര്‍ റോഡ്; ചിറവളവിലെ 190 മീറ്റര്‍ ഭാഗം ഇന്ന് കോണ്‍ക്രീറ്റിംഗ് തുടങ്ങും 
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
കുട്ടന്‍കുളം നവീകരണം വീണ്ടും തുടങ്ങുന്നു; മാര്‍ച്ചില്‍ പൂര്‍ത്തിയാക്കും 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
സാവിത്രി വധം: കുറ്റവാളിക്ക് പരമാവധി ശിക്ഷ വാങ്ങി നല്‍കുമെന്ന് മന്ത്രി രമേശ് ചെന്നിത്തല 
