ആരോഗ്യവകുപ്പ് ജീവനക്കാരുടെ സുരക്ഷ ഉറപ്പാക്കണം: എന്ജിഒ ഫ്രണ്ട്
ഇരിങ്ങാലക്കുട: കോവിഡ്-19 പ്രതിരോധ പ്രവര്ത്തനങ്ങളിലും രോഗിപരിചരണത്തിലും പങ്കാളികളാവുന്ന സംസ്ഥാന ജീവനക്കാരുടെ ആരോഗ്യസുരക്ഷ ഉറപ്പുവരുത്താന് നടപടി സ്വീകരിക്കണമെന്നു കേരള എന്ജിഒ ഫ്രണ്ട് സംസ്ഥാന സമിതി സര്ക്കാരിനോടാവശ്യപ്പെട്ടു. കോവിഡ് പശ്ചാത്തലത്തില് ജന്മനാട്ടില് നിന്നും അന്യ ജില്ലയില് ജോലി ചെയ്യുന്ന ജീവനക്കാരെ അതാതു ജില്ലകളിലെ ഒഴിവുകളിലേക്കു മാറ്റി നിയമിക്കണമെന്നും ആരോഗ്യവകുപ്പിലെ ഒഴിവുകള് യുദ്ധകാലാടിസ്ഥാനത്തില് നികത്തുവാന് നടപടി സ്വീകരിക്കണമെന്നും യോഗം ആവശ്യപ്പെട്ടു. യോഗത്തില് പ്രസിഡന്റ് ഷിജു വി. കുര്യന് അധ്യക്ഷത വഹിച്ചു. മുന് എംഎല്എ സ്റ്റീഫന് ജോര്ജ് യോഗം ഉദ്ഘാടനം ചെയ്തു. ചെറിയാന് പോളച്ചിറയ്ക്കല്, ജേക്കബ് തോമസ്, ഷാജി മാധവന്, ആര്.പി. അനീഷ്, കെ.എം. സാബുക്കുട്ടി, ബോബി കെ. ജോസഫ്, ഡെന്നി തോമസ്, ശൂരനാട് ഷാജി എന്നിവര് പ്രസംഗിച്ചു. കേരള എന്ജിഒ ഫ്രണ്ട് പ്രസിഡന്റായി ഷിജു വി. കുര്യന് (കോട്ടയം), ജനറല് സെക്രട്ടറിയായി ജോബി യൂസിഫെന് (തൃശൂര്) എന്നിവരെ തെരഞ്ഞെടുത്തു. സംസ്ഥാന കമ്മിറ്റി യോഗത്തില് ഷാജി മാധവന് റീട്ടേണിംഗ് ഓഫീസറായിരുന്നു. സജി സിറിയക് (വൈസ് പ്രസിഡന്റ്), ശൂരനാട് ഷാജി, ഷിജോ തോമസ് (സെക്രട്ടറിമാര്), കെ.പി. സെമീര് (ട്രഷറര്) എന്നിവരെയും തെരഞ്ഞെടുത്തു.
About Author
വിശുദ്ധ ജോണ് മരിയ വിയാനിയുടെ തിരുനാളിനോടനുബന്ധിച്ച് പുല്ലൂര് സെന്റ് സേവിയേഴ്സ് ഇടവകയില് വൈദികരെ ആദരിച്ചു 
0480 കലാസാംസ്കാരിക സംഘടനയുടെ 2026ലെ വാര്ഷികാഘോഷത്തിന് തുടക്കമായി 
ക്രൈസ്റ്റ് കോളജിലെ വിദ്യാര്ഥിക്ക് ഏഷ്യന് ബുക്ക് ഓഫ് റെക്കോര്ഡ്സിന്റെ അംഗീകാരം 
സെന്റ് മേരീസ് ഹയര്സെക്കന്ഡറി സ്കൂളില് ആദരണീയം സംഘടിപ്പിച്ചു 
കോ ഓപ്പറേറ്റീവ് എംപ്ലോയീസ് ഫ്രണ്ട് താലൂക്ക് സമ്മേളനം നടത്തി 
എന്എസ്എസ് താലൂക്ക് യൂണിയന്റെ സമ്പൂര്ണ രാമായണ പാരായണ സമര്പ്പണം ഉദ്ഘാടനം ചെയ്തു 
