എസ്‌ഐആയും സൈബര്‍ സെല്‍ ഓഫീസറായും എത്തി മോഷണം നടത്തുന്ന വിരുതന്‍ അറസ്റ്റില്‍
ഇരിങ്ങാലക്കുട: ആളൂര്‍ പോലീസ് സ്റ്റേഷനില്‍ പുതുതായി വന്ന എസ്.ഐ. ആണ് എന്ന് പരിചയപ്പെടുത്തി കടയില്‍ നിന്ന് വിലപിടിപ്പുള്ള മൊബൈല്‍ ഫോണുകള്‍ മോഷ്ടിച്ചയാള്‍ അറസ്റ്റില്‍. കൊല്ലം അഞ്ചല്‍ സ്വദേശി അനില്‍ കുമാറിനെയണ് (36) തൃശൂര്‍ റൂറല്‍ ജില്ല പോലീസ് മേധാവി ഐശ്വര്യ ഡോങ്ങ്‌ഗ്രേ ഐ.പി.എസിന്റെ നിര്‍ദ്ദേശപ്രകാരം ഇരിങ്ങാലക്കുട ഡെപ്യൂട്ടി പോലീസ് സൂപ്രണ്ട് ശ്രീ.ടി.കെ.ഷൈജു, ആളൂര്‍ ഇന്‍സ്‌പെക്ടര്‍ ശ്രീ.എം.ബി. സിബിന്‍ എന്നിവര്‍ അറസ്റ്റു ചെയ്തത്. മുന്‍പും ഇയാള്‍ സി.ഐ. ആയും, എസ്.ഐ. ആയും, സൈബര്‍ സെല്‍ ഓഫീസറായും പരിചയപ്പെടുത്തി മോഷണം നടത്തിയിട്ടുണ്ട്. കഴിഞ്ഞ ദിവസം ഉച്ചയോടെ കല്ലേറ്റുംകരയിലെ മൊബൈല്‍ ഷോപ്പിലെത്തി ജീവനക്കാരിയോട് ആളൂരില്‍ പുതുതായി ചാര്‍ജ്ജെടുത്ത എസ്.ഐ. ആണന്ന് പരിചയപ്പെടുത്തി. ഒരു മാസമായിട്ടുള്ളു വന്നിട്ടെന്നു പറഞ്ഞ് ഒരു ക്ലോക്ക് വാങ്ങി. ക്ലോക്ക് പായ്ക്ക് ചെയ്യുന്നതിനിടെ ജീവനക്കാരിയുടെ കണ്ണൂ വെട്ടിച്ച് ഇയാള്‍ റിപ്പയറിങ്ങിനായി കൊണ്ടുവന്നതും ഉടമസ്ഥയുടേയും വിലപിടിപ്പുള്ള ഫോണുകളുമായി കടക്കുകയായിരുന്നു. ക്ലോക്ക് കവറിലാക്കി തിരിഞ്ഞു നോക്കിയപ്പോള്‍ എസ്.ഐ. ആയി എത്തിയാള്‍ സ്ഥലം വിട്ടിരുന്നു. സംഭവം അറിഞ്ഞെത്തിയ പോലീസ് സംഘം മോഷ്ടാവിന്റെ ദൃശ്യങ്ങള്‍ ശേഖരിച്ച് സമാനരീതിയിലുള്ള കുറ്റവാളികളുടെ ചിത്രങ്ങളുമായി താരതമ്യം ചെയ്താണ് പ്രതിയിലേക്കെത്തിയത്. ഇയാള്‍ മുന്‍പും ഇത്തരം കുറ്റകൃത്യങ്ങള്‍ ചെയ്തിട്ടുള്ളയാളാണ്. കൊല്ലം അഞ്ചല്‍, എറണാകുളം ടൗണ്‍ നോര്‍ത്ത്, ആളൂര്‍ സ്റ്റേഷനില്‍ ഇയാള്‍ക്ക് കേസ്റ്റുകളുണ്ട്. ഇന്നലെ രാവിലെ എറണാകുളം കെ.എസ്.ആര്‍ ടി.സി. പരിസരത്തു നിന്നാണ് പ്രതിയെ പിടികൂടിയത്. എസ്.ഐ. ക്ലീസന്‍ തോമസ്, സീനിയര്‍ സി.പി.ഒ. മാരായ ഇ.എസ്. ജീവന്‍, പി.ആര്‍. അനൂപ്, സിപിഒ കെ.എസ്. ഉമേഷ്, കടവന്തറ പോലീസ് സ്‌ക്വാഡ് അംഗങ്ങളായ കെ.എല്‍ അനീഷ്, എന്‍.ബി. ദിലീപ് കുമാര്‍ എന്നിവരടങ്ങിയ സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
