കെഎസ്ആര്‍ടിസിയുടെ അണ്‍ലിമിറ്റഡ് സ്റ്റോപ്പ് ബസ് സര്‍വീസ് തുടങ്ങി
Warning: Attempt to read property "post_excerpt" on null in /var/www/wptbox/wp-content/themes/magnitude/inc/hooks/hook-single-header.php on line 109
ഇരിങ്ങാലക്കുട: കെഎസ്ആര്‍ടിസിയുടെ അണ്‍ലിമിറ്റഡ് സ്റ്റോപ്പ് ബസ് സര്‍വീസ് ഇരിങ്ങാലക്കുടയിലും പ്രവര്‍ത്തനമാരംഭിച്ചു. എവിടെ നിന്നു കയറാനും ഇറങ്ങാനും കഴിയുന്ന കെഎസ്ആര്‍ടിസിയുടെ പ്രത്യേക സര്‍വീസാണിത്. ഇരിങ്ങാലക്കുട തൃപ്രയാര്‍ ചാലക്കുടി റൂട്ടിലാണു സര്‍വീസ് ആരംഭിച്ചത്. രാവിലെ ഇരിങ്ങാലക്കുടയില്‍ നിന്നു എടമുട്ടം വഴി തൃപ്രയാര്‍ക്കും തിരിച്ച് ഇരിങ്ങാലക്കുട തൊമ്മാന കല്ലേറ്റുംകര ആളൂര്‍ വഴി ചാലക്കുടിയിലേക്കും സര്‍വീസ് നടത്തും. രാവിലെ 6.30 നു ഇരിങ്ങാലക്കുടയില്‍ നിന്നും തൃപ്രയാര്‍ക്കാണു ആദ്യ ട്രിപ്പ്. എട്ടിനു തൃപ്രയാറില്‍ നിന്നു ചാലക്കുടിക്കും 11 നു ചാലക്കുടിയില്‍ നിന്നു തൃപ്രയാര്‍ക്കും ഉച്ചയ്ക്കു രണ്ടിനു തൃപ്രയാറില്‍ നിന്നു ചാലക്കുടിയിലേക്കും വൈകുന്നേരം അഞ്ചിനു ചാലക്കുടിയില്‍ നിന്നു തൃപ്രയാര്‍ക്കും രാത്രി 7.55 നു തൃപ്രയാറില്‍ നിന്നു ഇരിങ്ങാലക്കുട എത്തി സര്‍വീസ് അവസാനിപ്പിക്കും. ബസ് സ്റ്റാന്‍ഡില്‍ നടന്ന ചടങ്ങില്‍ പ്രഫ. കെ.യു. അരുണന്‍ എംഎല്‍എ ഫ്ളാഗ് ഓഫ് നിർവഹിച്ചു. ഇരിങ്ങാലക്കുട ബ്ലോക്ക് പഞ്ചായത്ത് പ്രസിഡന്റ് വി.എ. മനോജ്കുമാര്‍, ഇരിങ്ങാലക്കുട നഗരസഭ പ്രതിപക്ഷ നേതാവ് പി.വി. ശിവകുമാര്‍, കെഎസ്ആര്‍ടിസി ചാലക്കുടി എടിഒ ടി.കെ. സന്തോഷ്, ഇരിങ്ങാലക്കുട സ്റ്റേഷന്‍ ഇന്‍ചാര്‍ജ് പി. അജിത്കുമാര്‍ എന്നിവര്‍ പ്രസംഗിച്ചു. കെഎസ്ആര്‍ടിസി ജീവനക്കാര്‍, യൂണിയന്‍ പ്രതിനിധികള്‍, നാട്ടുകാര്‍ തുടങ്ങിയവര്‍ പങ്കെടുത്തു.
About Author
ആളൂര്‍ പൊലിസ് സ്റ്റേഷന്‍ നിര്‍മാണത്തിന് ഭൂമി ഒരുങ്ങി 
തൃശൂര്‍ കൊടുങ്ങല്ലൂര്‍ റോഡ്; ചിറവളവിലെ 190 മീറ്റര്‍ ഭാഗം ഇന്ന് കോണ്‍ക്രീറ്റിംഗ് തുടങ്ങും 
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
കുട്ടന്‍കുളം നവീകരണം വീണ്ടും തുടങ്ങുന്നു; മാര്‍ച്ചില്‍ പൂര്‍ത്തിയാക്കും 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
സാവിത്രി വധം: കുറ്റവാളിക്ക് പരമാവധി ശിക്ഷ വാങ്ങി നല്‍കുമെന്ന് മന്ത്രി രമേശ് ചെന്നിത്തല 
