വിഭവ സമാഹരണം നടത്തി; ഊട്ടുപുരയൊരുങ്ങി; കലോത്സവ സദ്യ കുശാലാകും
ഇരിങ്ങാലക്കുടയില്‍ നടക്കുന്ന റവന്യൂ ജില്ലാ സ്‌കൂള്‍ കലോത്സവത്തിന്റെ പാചകപ്പുരയില്‍ നടന്ന പാലു കാച്ചല്‍ ദേശീയ അധ്യാപക അവാര്‍ഡ് ജേതാവ് പി.കെ. ഭരതന്‍ മാസ്റ്റര്‍ ഉദ്ഘാടനം ചെയ്യുന്നു.
ഇരിങ്ങാലക്കുട: പ്രൈവറ്റ് ബസ് സ്റ്റാന്‍ഡിന് സമീപമുള്ള ഗായത്രി ഹാളിലാണ് ഭക്ഷണശാല. ഊട്ടുപുരയിലേക്കുള്ള വിഭവ സമാഹരണവും പാലുകാച്ചലും നടന്നു. നാലു ദിവസവും പപ്പടവും പായസവും ഉള്‍പ്പടെയുള്ള സദ്യയാണ് ഒരുക്കുന്നത്. രാവിലെ ലഘുഭക്ഷണം, ഉച്ചയ്ക്ക് സദ്യ, നാലിന് ചായ, രാത്രി ലഘുഭക്ഷണം എന്ന രീതിയിലാണ് ക്രമീകരിച്ചിരിക്കുന്നത്. കലോത്സവത്തിന്റെ ഭാഗമാകുന്ന എല്ലാവര്‍ക്കും ഭക്ഷണം നല്‍കുന്നുണ്ട്. ഓരോ ദിവസവും വ്യത്യസ്തമായ രീതിയിലാണ് ഭക്ഷണം തയാറാക്കുന്നത്. നാലു ദിവസത്തെ പായസത്തിന്റെ ചേരുവകളും വ്യത്യാസമുണ്ടാകും.
കൊടകര അയ്യപ്പദാസിന്റെ നേതൃത്വത്തില്‍ മുപ്പതോളം പേരാണ് പാചകത്തിന് നേതൃത്വം നല്‍കുന്നത്. സ്‌കൂള്‍ കലോത്സവങ്ങള്‍ക്ക് ഭക്ഷണം പാചകം ചെയ്തുള്ള മുന്‍പരിചയവും കൂട്ടിനുണ്ട്. കഴിഞ്ഞ വര്‍ഷം സംസ്ഥാന കായിക മേളയില്‍ പാചകം ചെയ്തിരുന്നത് ഇദ്ദേഹമാണ്. പാചകപ്പുരയില്‍ തയാറാക്കിയ അടുപ്പില്‍ ദേശീയ അധ്യാപക അവാര്‍ഡ് ജേതാവ് പി.കെ. ഭരതന്‍ മാസ്റ്റര്‍ പാലു കാച്ചി ഉദ്ഘാടനം ചെയ്തു. വിഭവ സമാഹരണത്തിന്റെ ഉദ്ഘാടനം ജില്ലാ വിദ്യഭ്യാസ ഓഫീസര്‍ പി.എം. ബാലകൃഷണന്‍ നിര്‍വഹിച്ചു.
About Author
ക്വാണ്ടം മെക്കാനിക്‌സിന്റെ നിഗൂഢതകള്‍ ശാസ്ത്ര വിജ്ഞാന ക്ലാസ് നടത്തി 
കരുവന്നൂര്‍ സെന്റ് മേരീസ് പള്ളിയില്‍ ജപമാല രാജ്ഞിയുടെ തിരുനാളിന് കൊടികയറി 
പനി ബാധിച്ച് വിദ്യാര്‍ഥിനി മരിച്ചു 
കാലിക്കറ്റ് യൂണിവേഴ്‌സിറ്റി ഡി സോൺ ഫുട്ബോൾ: ക്രൈസ്റ്റ് കോളേജ് ജേതാക്കൾ 
ഇരിങ്ങാലക്കുട ഉപജില്ലാ ശാസ്‌ത്രോത്സവം: ലോഗോ പ്രകാശനം ചെയ്തു 
വിദ്യാരംഗം കലാസാഹിത്യ വേദി ഇരിങ്ങാലക്കുട ഉപജില്ല സര്‍ഗോത്സവം ആരഭി സമാപിച്ചു 
