നിരവധി കേസുകളിലെ പിടികിട്ടാപ്പുള്ളി പിടിയില്‍
ഇരിങ്ങാലക്കുട: നിരവധി കേസുകളിലെ പിടികിട്ടാപ്പുള്ളി പിടിയില്‍. ജില്ലയിലെ വിവിധ സ്റ്റേഷനുകളില്‍ ക്രിമിനല്‍ കേസുകളില്‍ പ്രതിയായ ഇരിങ്ങാലക്കുട പൊറത്തിശേരി സ്വദേശി മേപ്പുറത്ത് വീട്ടില്‍ റെമോ അപ്പു എന്നു വിളിക്കുന്ന ശിവപ്രസാദി (24) നെയാണു ഇരിങ്ങാലക്കുട ഡിവൈഎസ്പിയുടെ കീഴിലുള്ള ആന്റി ഗുണ്ടാ സ്‌ക്വാഡ് പിടികൂടിയത്. തൃശൂര്‍ റൂറല്‍ എസ്പി ജി. പൂങ്കുഴലിയുടെ നിര്‍ദേശപ്രകാരം ഡിവൈഎസ്പിമാരുടെ നേതൃത്വത്തില്‍ പിടികിട്ടാപ്പുള്ളികളെ പിടികൂടുന്നതിനു പ്രത്യേക അന്വേഷണ സംഘം രൂപികരിച്ചു നടത്തിയ ഓപ്പറേഷനിലാണു റെമോ അപ്പു അന്വേഷണ സംഘത്തിന്റെ പിടിയിലായത്. ഇരിങ്ങാലക്കുട ഡിവൈഎസ്പി ടി.ആര്‍. രാജേഷിന്റെ നേതൃത്വത്തില്‍ ഇരിങ്ങാലക്കുട സിഐ അനീഷ് കരീമും എസ്‌ഐ വി. ജീഷിലും അടങ്ങുന്ന പ്രത്യേക അന്വേഷണ സംഘമാണു പ്രതിയെ പിടികൂടിയത്. സോഷ്യല്‍ മീഡിയയിലൂടെ പരിചയപ്പെടുന്ന പെണ്‍കുട്ടികളെ വശീകരിച്ച് അവരുടെയും മറ്റു ബന്ധുക്കളുടേയും എടിഎം കാര്‍ഡുകള്‍ കൈവശപ്പെടുത്തി പണം തട്ടുന്നതില്‍ വിദഗ്ധനാണു ഇയാള്‍. അതുകൊണ്ടാണു ഇയാള്‍ ഗുണ്ടകള്‍ക്കിടയില്‍ റെമോ അപ്പു എന്നറിയപ്പെടുന്നത്. ലഹരി മരുന്നുകള്‍ക്കു അടിമപ്പെട്ട ഇയാള്‍ക്കെതിരെ ലഹരി മരുന്നുകള്‍ വിറ്റതിനും വധശ്രമത്തിനും അടക്കം ജില്ലയിലെ വിവിധ സ്റ്റേഷനുകളില്‍ കേസുകള്‍ നിലവിലുണ്ട്. പ്രതിയെ പിടികൂടിയ സംഘത്തില്‍ ഇരിങ്ങാലക്കുട ഡിവൈഎസ്പിയുടെ ആന്റി ഗുണ്ടാ സ്‌ക്വാഡ് അംഗങ്ങളായ അഡീഷ്ണല്‍ എസ്‌ഐ കെ. ശ്രീനി, സിപിഒമാരായ വൈശാഖ് മംഗലന്‍, ശ്രീജിത്ത് എന്നിവരും ഉണ്ടായിരുന്നു.
About Author
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
ബൈക്കുകളും സൈക്കിളും ലക്ഷ്യമിട്ടു കുട്ടി മോഷ്ടാക്കള്‍ പെരുകുന്നു 
തളിക്കുളം ഹാഷിദ കൊലപാതകം; പ്രതിയായ ഭര്‍ത്താവിന് ജീവപര്യന്തം തടവിനും 1,51,500 രൂപ പിഴ ഒടുക്കുന്നതിനും ശിക്ഷ വിധിച്ചു 
മൂര്‍ക്കനാട് ഇരട്ട കൊലപാതക ക്കേസിലെ പ്രതിയെ കാപ്പ ചുമത്തി തടങ്കലിലാക്കി 
തളിക്കുളം ഹാഷിദ കൊലക്കേസ്: പ്രതിയായ ഭര്‍ത്താവ് കുറ്റക്കാരനെന്ന് കോടതി; വിധി വെള്ളിയാഴ്ച 
ആനീസ് കൊല ചെയ്യപ്പെട്ടിട്ട് ഇന്നേക്ക് അഞ്ച് വര്‍ഷം, പ്രതികള്‍ ഇന്നും കണാമറയത്ത് 
