പ്രായത്തെ നിഷ്പ്രഭമാക്കി സദനം കൃഷ്ണന്‍കുട്ടിയുടെ രാവണപ്രഭാവം
ഇരിങ്ങാലക്കുട: 80 ലും 20 ന്റെ ചുറുചുറുക്കോടെ രാവണന്റെ പ്രഭാവപൂര്‍ണിമയില്‍ സദനം കൃഷ്ണന്‍കുട്ടി നിറഞ്ഞാടിയപ്പോള്‍ ആസ്വാദകര്‍ ആവേശഭരിതരായി. സദനം കൃഷ്ണന്‍കുട്ടിയുടെ അശീതി ആഘോഷമായ കൃഷ്ണനാദത്തിന്റെ ഒന്നാംഘട്ട പരിപാടിയിലാണ് അദ്ദേഹം ബാലിവിജയത്തില്‍ രാവണനായി അരങ്ങുനിറഞ്ഞത്. കോവിഡ് കാലയളവിനുശേഷം ആദ്യമായിട്ടാണ് ആശാന്‍ ഇത്രയും ദൈര്‍ഘ്യമേറിയ വേഷം അവതരിപ്പിക്കുന്നത്. നാലുമണിക്കൂര്‍ നീണ്ട കഥകളിയില്‍ രാവണനും മണ്ഡോദരിയുമായുള്ള ശൃംഗാരപദവും നാരദനുമായുള്ള ആട്ടവും ബാലിയുമൊത്തുള്ള രംഗവും കൃഷ്ണന്‍കുട്ടി അവിസ്മരണീയമാക്കി. ചിട്ടപ്രധാനവും വളരെ അധ്വാനം വേണ്ടതുമായ രാവണനെ അതിന്റെ പൂര്‍ണതയില്‍ ആശാന്‍ ആവിഷ്‌കരിച്ചു. കൈലാസോദ്ധാരണം, പാര്‍വതീവിരഹം ആട്ടങ്ങള്‍ കൃഷ്ണന്‍കുട്ടി ജനപ്രിയമായി അവതരിപ്പിച്ചു. മണ്ഡോദരിയായി കലാമണ്ഡലം ചമ്പക്കര വിജയകുമാറും നാരദനായി സദനം ഭാസിയും രംഗത്തെത്തി. ബാലിയായി വേഷമിട്ടത് ആശാന്റെ പ്രധാനശിഷ്യനും താടി വേഷത്തിന്റെ ആചാര്യനുമായ കലാമണ്ഡലം രാമചന്ദ്രന്‍ ഉണ്ണിത്താനാണ്. കോട്ടയ്ക്കല്‍ നാരായണന്‍, വേങ്ങേരി നാരായണന്‍ എന്നിവര്‍ സംഗീതമൊരുക്കി. സദനം രാമകൃഷ്ണന്‍, ദേവദാസ് എന്നിവരായിരുന്നു മേളം. കലാനിലയം സജി ചുട്ടിയിലും എം.എന്‍. നാരായണന്‍നായര്‍ അണിയറയിലും നേതൃത്വം നല്കി. ഇരിങ്ങാലക്കുട രംഗഭൂഷയായിരുന്നു ചമയം.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
