പടിയൂര് കൂത്തുമാക്കല് ഷട്ടര് അടച്ചു; താഴ്ന്നപ്രദേശങ്ങളില് വെള്ളക്കെട്ട്. കൂത്തുമാക്കല്, മേനാലി പ്രദേശവാസികള് ആശങ്കയില്
എടതിരിഞ്ഞി: കെഎല്ഡിസി കനാലിലെ കൂത്തുമാക്കല് ഷട്ടര് അടച്ചതോടെ പടിയൂര് പഞ്ചായത്ത് ഒന്നാംവാര്ഡിലെ കൂത്തുമാക്കല്, മേനാലി, കാക്കാത്തുരുത്തി പ്രദേശങ്ങള് വെള്ളക്കെട്ടിലായി. പഞ്ചായത്തിലെ ഏറ്റവും താഴ്ന്നപ്രദേശമാണ് കാക്കാത്തുരുത്തി, മേനാലി മേഖല. ഈ പ്രദേശങ്ങളിലെ ഇരുപതോളം വീടുകളിലാണ് വെള്ളക്കെട്ട് ഭീഷണിയുള്ളത്.

ഡാമുകളില് വെള്ളം കുറഞ്ഞതിനെത്തുടര്ന്ന് പാടശേഖരങ്ങളില് കൃഷിയൊരുക്കുന്നതിനായി ജില്ലാ കളക്ടറുടെ ഉത്തരവു പ്രകാരമാണ് വെള്ളം സംഭരിക്കുന്നതിനായി കൂത്തുമാക്കല് ഷട്ടര് അടച്ചത്. ഇതിനോടുചേര്ന്നുള്ള പള്ളിത്തോട്, കാക്കാത്തുരുത്തി ഫാം തോട് എന്നിവയില് ചീപ്പുകള് പുനഃസ്ഥാപിക്കാത്തതിനാല് അതുവഴി താഴ്ന്നപ്രദേശങ്ങളിലേക്ക് വെള്ളം കയറുകയാണെന്ന് പ്രദേശവാസികള് പറഞ്ഞു. പ്രദേശത്തെ റോഡുകളിലൂടെ വെള്ളം പരന്നൊഴുകുകയാണ്. വെള്ളംകയറിയ പ്രദേശങ്ങളിലെ കൃഷി നശിക്കുമെന്ന ആശങ്കയിലാണ് നാട്ടുകാര്.


37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി