സംഗമേശനു മുന്നില്‍ ശ്രീരാമനായി കലാനിലയം ഗോപി
കൂടല്‍മാണിക്യം ക്ഷേത്രം കിഴക്കേ നടപ്പുരയില് അരങ്ങേറിയ ശ്രീരാമ പട്ടാഭിഷേകം കഥകളിയില്‍ ശ്രീരാമനായി കലാനിലയം ഗോപിയും സീതയായി കലാമണ്ഡലം ചമ്പക്കര വിജയകുമാറും എത്തിയപ്പോള്
ഇരിങ്ങാലക്കുട: പിറന്നാള്‍ ദിനത്തില്‍ ശ്രീരാമ പട്ടാഭിഷേകം കഥകളിയില്‍ സംഗമേശന് വഴിപാടായി ശ്രീരാമ വേഷത്തില്‍ എത്തി കലാനിലയം ഗോപി. കൂടല്‍മാണിക്യം ഉത്സവത്തില്‍ വലിയവിളക്ക് ദിവസം നടക്കുന്ന ശ്രീരാമപട്ടാഭിഷേകം കഥകളിയില്‍ കഴിഞ്ഞ 30 വര്‍ഷമായി ഹനുമാന്‍ വേഷം അവതരിപ്പിക്കുന്ന കലാനിലയം ഗോപി ആദ്യമായാണ് ശ്രീരാമ വേഷത്തില്‍ കൂടല്‍മാണിക്യത്തില്‍ അരങ്ങിലെത്തിയത്. സംഗമേശന് വഴിപാടായി കഴിഞ്ഞ വര്‍ഷം നടത്താനിരുന്ന കഥകളി പ്രിയ ശിഷ്യന്‍ കലാനിലയം ഗോപിനാഥന്റെ മരണത്തെതുടര്‍ന്ന് മാറ്റി വയ്ക്കുകയായിരുന്നു. കിഴക്കേ നടയില്‍ നിറഞ്ഞ സദസ്സില്‍ പട്ടാഭിഷേകം അരങ്ങേറും മുന്‍പേ ശ്രീരാമ വേഷത്തില്‍ താമരകൊണ്ട് തുലാഭാരം നടത്തി. പെരിങ്ങോട്ടുകര ആവണങ്ങാട്ടില്‍ കളരിയുടെ കീഴിലുള്ള സര്‍വതോ ഭദ്രം കലാ കേന്ദ്രത്തില്‍ പ്രധാന അധ്യാപകനായി പ്രവര്‍ത്തിക്കുന്ന ഗോപി 37 വര്‍ഷം ഉണ്ണായി വാരിയര്‍ കലാനിലയത്തില്‍ അധ്യാപകനായും പ്രവര്‍ത്തിച്ചിട്ടുണ്ട്. സര്‍വതോഭദ്രം കലാ കേന്ദ്രവുമായി ചേര്‍ന്നാണ് കഥകളി അവതരിപ്പിച്ചത്. കലാമണ്ഡലം വിജയകുമാര്‍ സീതയായും, സര്‍വതോഭദ്രം നന്ദന ലക്ഷ്മണനായും കലാനിലയം വിനോദ് ഹനുമാനായും വേഷമിട്ടു.
About Author
ആനന്ദപുരം ശ്രീകൃഷ്ണ ഹയര്‍സെക്കന്ററി സ്‌കൂളിന്റെ എഴുപത്തിരണ്ടാമത് വാര്‍ഷികാഘോഷം 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി കാട്ടൂര്‍ വില്ലേജ് ഓഫീസര്‍ ആഷ ഇഗ്നേഷ്യസ് 
മികച്ച വില്ലേജ് ഓഫീസര്‍ക്കുള്ള സംസ്ഥാന സര്‍ക്കാരിന്റെ പുരസ്‌കാരം നേടി മുരിയാട് വില്ലേജ് ഓഫീസര്‍ സിജു ജോസഫ് 
ക്രൈസ്റ്റ് കോളജിലെ കാര്‍ഷിക ഉദ്യാനത്തിന് അക്ഷയശ്രീ പുരസ്‌കാരം 
കേന്ദ്രബജറ്റ് ജനകീയം; ഇരിങ്ങാലക്കുടയില്‍ പ്രധാനമന്ത്രിക്ക് പോസ്റ്റ് കാര്‍ഡുകള്‍ അയച്ച് ബിജെപി 
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
