കാട്ടൂര്‍ പൊഞ്ഞനം ക്ഷേത്രത്തില്‍ വലിയമ്പലം, ചുറ്റമ്പലം സമര്‍പ്പണവും ഉത്രം വിളക്ക് ആഘോഷവും
കാട്ടൂര്‍ പൊഞ്ഞനം ഭഗവതീക്ഷേത്രത്തിലെ വലിയമ്പലം, ചുറ്റമ്പലം സമര്‍പ്പണം തന്ത്രി മണക്കാട്ട് പരമേശ്വരന്‍ നമ്പൂതിരി ഉദ്ഘാടനം ചെയ്യുന്നു
കാട്ടൂര്‍: പൊഞ്ഞനം ഭഗവതീക്ഷേത്രത്തിലെ വലിയമ്പലം, ചുറ്റമ്പലം സമര്‍പ്പണം ക്ഷേത്രംതന്ത്രി മണക്കാട്ട് പരമേശ്വരന്‍ നമ്പൂതിരി ഉദ്ഘാടനം ചെയ്തു. ക്ഷേത്ര ഉപദേശകസമിതി പ്രസിഡന്റ് തിലകന്‍ തെയ്യശ്ശേരി അധ്യക്ഷനായി. കാട്ടൂര്‍ പഞ്ചായത്ത് പ്രസിഡന്റ് ടി.വി. ലത, സാഹിത്യ അക്കാദമി വൈസ് പ്രസിഡന്റ് അശോകന്‍ ചരുവില്‍, സെക്രട്ടറി കെ. സതീഷ്‌കുമാര്‍, കൂടല്‍മാണിക്യം ദേവസ്വം ഭരണസമിതി അംഗം അഡ്വ. കെ.ജി. അജയകുമാര്‍, ദേവസ്വം റവന്യൂ ഇന്‍സ്‌പെക്ടര്‍ കെ.വി. വിനീത, ഓഫീസര്‍ ടി. സുരേഷ് കുമാര്‍ എന്നിവര്‍ പ്രസംഗിച്ചു. പൂര മഹോത്സനത്തോട് അനുബന്ധിച്ച് ഉത്രം വിളക്ക് ആഘോഷിച്ചു. വിവിധ സമുദായക്കാരുടെ അനുഷ്ഠാന കലാരൂപങ്ങള്‍ അരങ്ങേറി. കുതിരക്കളി, മുടിയാട്ടം, മൂക്കന്‍ചാത്തന്‍, വടിതല്ല്, തട്ടുമക്കളി തുടങ്ങിയ കലാരൂപങ്ങളാണ് പൂരത്തോട് അനുബന്ധിച്ച് അരങ്ങേറിയത്. രാവിലെ വിവിധ സമുദായ തറകളില്‍ നടന്ന പൂജകള്‍ക്ക് ശേഷം കലാരൂപങ്ങളുടെ അവതരണം ആരംഭിച്ച് പള്ളിവേട്ട ആല്‍ത്തറചുറ്റി ക്ഷേത്രമതില്‍ കെട്ടിനകത്തേക്ക് പ്രവേശിച്ചു. പിന്നീട് ക്ഷേത്രം വലംവച്ചതോടെ അനുഷ്ഠാന കലാരൂപങ്ങളുടെ അവതരണത്തിന് പരിസമാപ്തിയായി. വൈകീട്ട് നടക്കുന്ന ആറാട്ടോടെ പൂരാഘോഷത്തിന് സമാപനമായി.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
