കനല്വഴികളില് നിന്ന് നാലാമത്തെ പുസ്തകത്തിന്റെ വെളിച്ചവുമായി ഡോ. എം.വി. അമ്പിളി
ഡോ. എം.വി. അമ്പിളിയുടെ നാലാമത്തെ പുസ്തകവും ആദ്യ കവിതാ സമാഹാരവുമായ കാറ്റു പൊഴിക്കാതെ പോയത് ഇരിങ്ങാലക്കുട ക്രൈസ്റ്റ് കോളജിലെ സെന്റ് ചാവറ സെമിനാര് ഹാളില് വെച്ച് പ്രശസ്ത കവി എസ്. ജോസഫ് പ്രകാശനം ചെയ്യുന്നു.
ഇരിങ്ങാലക്കുട: ഇസ്തിരിക്കടയിലെ ജോലികള്ക്കിടയില്നിന്ന് ഡോക്ടറേറ്റ് നേടിയ ഡോ. എം.വി. അമ്പിളി അക്ഷരലോകത്ത് പുതിയ തെളിച്ചമായിരിക്കുന്നു. കുടുംബം സമകാല മലയാളനോവലില്, വ്യക്തിയും പൊതുമണ്ഡലവും കുടുംബവും മലയാള ചെറുകഥകളില്, ഫാ. ടെജി തോമസുമായി ചേര്ന്ന് എഡിറ്റ് ചെയ്ത പന്തുരുളുമ്പോള് എന്നീ പുസ്തകങ്ങള്ക്കു ശേഷം അമ്പിളിയുടെ നാലാമത്തെ പുസ്തകവും ആദ്യ കവിതാ സമാഹാരവുമായ കാറ്റു പൊഴിക്കാതെ പോയത് ഇരിങ്ങാലക്കുട ക്രൈസ്റ്റ് കോളജിലെ സെന്റ് ചാവറ സെമിനാര് ഹാളില് വെച്ച് പ്രശസ്ത കവി എസ്. ജോസഫ് പ്രകാശനം ചെയ്തു. ഇരിങ്ങാലക്കുട ക്രൈസ്റ്റ് കോളജിലെ മലയാളവിഭാഗം അധ്യാപികയാണ് ഇപ്പോള് ഡോ. എം.വി. അമ്പിളി. കോളജ് പ്രിന്സിപ്പല് റവ.ഡോ. ജോളി ആന്ഡ്രൂസ് അധ്യക്ഷതവഹിച്ചു. ഇരിങ്ങാലക്കുട സെന്റ് ജോസഫ്സ് കോളജിലെ മലയാള വിഭാഗം അധ്യാപിക എന്. ഉര്സുല പുസ്തകം പരിചയപ്പെടുത്തി. ക്രൈസ്റ്റ് കോളജിലെ ഹിന്ദി വിഭാഗം അസോസിയേറ്റ് പ്രൊഫസറും (റിട്ട) എച്ച്ആര് മാനേജറുമായ പ്രഫ. ഷീബ വര്ഗീസ്, മലയാളവിഭാഗം അധ്യക്ഷന് ഫാ. ടെജി കെ. തോമസ് എന്നിവര് സംസാരിച്ചു.
About Author
ഇരിങ്ങാലക്കുട സപ്ലൈകോയില് ഓണച്ചന്ത ആരംഭിച്ചു 
കാട്ടൂര് പഞ്ചായത്തില് ചെണ്ടുമല്ലി പൂ, പച്ചക്കറി വിളവെടുപ്പ് സംഘടിപ്പിച്ചു 
കണ്ണ് പോയിട്ടും കാണാത്ത നീതി 
നാട്യശാസ്ത്രത്തിന് ആത്മീയ അടിത്തറ വിജ്ഞാന ഭൈരവ തന്ത്രം: വേണുജി 
ഡോണ് ബോസ്കോ സെന്ട്രല് സ്കൂളില് സിഐഎസ്സിഇ ദേശീയ ടേബിള് ടെന്നീസ് ചാമ്പ്യന്ഷിപ്പിന് തുടക്കം 
ഡിഗ്രി പഠനത്തോടൊപ്പം തൊഴില് സാധ്യതയും വര്ധിപ്പിക്കാനുള്ള വിവിധ കര്മ പദ്ധതികള് ഗവണ്മെന്റ് നടപ്പാക്കും: ഉന്നത വിദ്യാഭ്യാസ മന്ത്രി റോജി എം. ജോണ് 
