ഓണ്‍ലൈന്‍ ട്രേഡിംഗിന്റെ മറവില്‍ റിട്ടയേഡ് അധ്യാപകനില്‍ നിന്ന് ലക്ഷങ്ങള്‍ തട്ടിയെടുത്തു; യുവതി അറസ്റ്റില്‍
സൈബര്‍ തട്ടിപ്പിലുടെ ഓണ്‍ലൈന്‍ ട്രേഡിംഗിന്റെ മറവില്‍ റിട്ടയേഡ് അധ്യാപകനില്‍ നിന്ന് ലക്ഷങ്ങള്‍ തട്ടിയെടുത്തു; യുവതി അറസ്റ്റില്‍
കാട്ടൂര്‍: സൈബര്‍ തട്ടിപ്പിലുടെ ഓണ്‍ലൈന്‍ ട്രേഡിംഗിന്റെ മറവില്‍ റിട്ടയേഡ് അധ്യാപകനില്‍ നിന്ന് ലക്ഷങ്ങള്‍ തട്ടിയെടുത്ത സംഭവത്തില്‍ യുവതി അറസ്റ്റില്‍. കോഴിക്കോട് ചെറുവണ്ണൂര്‍ കൊളത്തറ സ്വദേശി മരക്കാന്‍കടവ്പറമ്പില്‍ വീട്ടില്‍ ഫെമീന (29) യാണ് അറസ്റ്റിലായ്. ആദിത്യ ബിര്‍ള മണി ലിമിറ്റഡ് എന്ന ട്രേഡിംഗ് കമ്പനിയുടെ മേല്‍വിലാസവും ലോഗോയും ഉപയോഗിച്ച് വ്യാജ ഓണ്‍ലൈന്‍ ട്രേഡിംഗ് സൈറ്റ് നിര്‍മ്മിച്ചാണ് തട്ടിപ്പ്.
എടത്തിരിഞ്ഞി ചെട്ടിയാല്‍ സ്വദേശിയായ റിട്ടയേഡ് അധ്യാപകനായ പരാതിക്കാരനില്‍ നിന്ന് ഓണ്‍ലൈന്‍ ട്രോഡിംഗ് നടത്തിയാല്‍ ഉയര്‍ന്ന ലാഭവിഹിതം നല്‍കാമെന്ന് വിശ്വസിപ്പിച്ച് 44,97,516 (നാല്പത്തിനാല് ലക്ഷത്തി തൊള്ളൂറ്റിയേഴായിരത്തി അഞ്ഞൂറ്റി പതിനാറ്) രൂപ നിക്ഷേപിക്കുകയായിരുന്നു. ലാഭ വിഹിതമോ, നിക്ഷേപിച്ച പണമോ തിരികെ നല്‍കാതെ തട്ടിപ്പ് നടത്തുകയായിരുന്നു. ഈ പണത്തില്‍ നിന്ന് 7,50,000 (ഏഴു ലക്ഷത്തി അമ്പതിനായിരം രൂപ) ഫെമീന യുടെ കോഴിക്കോട് ബേപ്പൂര്‍ ഉള്ള ബാങ്ക് അക്കൗണ്ടിലേക്ക് അയച്ച് വാങ്ങി ഈ തുക ചെക്ക് ഉപയോഗിച്ച് പിന്‍വലിച്ച് ബന്ധുവായ ജാസിര്‍ എന്നയാള്‍ക്ക് നല്‍കുകയും ആയതിന് 5000 രൂപ കൈപറ്റി തട്ടിപ്പ് സംഘത്തില്‍ ഉള്‍പ്പെട്ടതിനാണ് ഫെമീനയെ അറസ്റ്റ് ചെയ്തത്.
തട്ടിപ്പ് നടന്നത് ഇങ്ങനെ
പരാതിക്കാരന്‍ ഗ്രോ ആപ്പ് വഴി ഓണ്‍ലൈന്‍ ട്രേഡിംഗ് നടത്തി വരുന്നതിനിടയില്‍ 2024 നവംബറില്‍ മാസത്തില്‍ ആദിത്യ ബിര്‍ള മണി ലിമിറ്റഡ് എന്ന സൈറ്റില്‍ ലോഗിന്‍ ചെയ്ത് ഷെയര്‍ ലിങ്ക് ചെയ്തപ്പോള്‍ പരാതിക്കാരന്റെ വാട്ട്‌സപ്പിലേക്ക് വന്ന ലിങ്ക് ക്ലിക്ക് ചെയ്തതിനെ തുടര്‍ന്ന് ഒരുവാട്‌സ്പ്പ് ഗ്രൂപ്പില്‍ ചേര്‍ന്നു.
ഈ ഗ്രൂപ്പിലൂടെയും മൊബൈല്‍ നമ്പറിലേക്ക് മെസേജ് അയച്ചും ഓണ്‍ലൈന്‍ ട്രേഡിംഗ് നടത്തിയാല്‍ ഉയര്‍ന്ന ലാഭവിഹിതം നല്‍കാമെന്ന് പ്രതികള്‍ പരാതിക്കാരനെ വിശ്വസിപ്പിച്ച് ട്രേഡിംഗ് നടത്തിച്ച് 2024 ഡിസംബര്‍ ആറ് മുതല്‍ 2025 ഡിസംബര്‍ ആറ് വരെയുള്ള കാലയളവില്‍ പരാതിക്കാരന്റെ എടതിരിഞ്ഞിയിലുള്ള ബാങ്ക് അക്കൗണ്ടില്‍ നിന്നും പല തവണകളായി പല അക്കൗണ്ടിലേക്ക് 44,97,516 (നാല്പത്തിനാല് ലക്ഷത്തി തൊള്ളൂറ്റിയേഴായിരത്തി അഞ്ഞൂറ്റി പതിനാറ്) രൂപ നിക്ഷേപിപ്പിക്കുകയായിരുന്നു. നിക്ഷേപത്തിന്റെ ലാഭവിഹിതം പിന്‍വലിക്കാനായി ശരമിച്ചപ്പോള്‍ സര്‍വ്വീസ് ചാര്‍ജ് ഇനത്തില്‍ വീണ്ടും പണം ആവശ്യപ്പെടുകയും ലാഭവിഹിതത്തില്‍ നിന്നും സര്‍വ്വീസ് ചാര്‍ജ് എടുത്തതിന് ശേഷം നിക്ഷേപിച്ച പണവും ലഭവിഹിതവും തിരികെ നല്‍കാന്‍ ആവശ്യപ്പെട്ടപ്പോള്‍ ലഭിക്കാതായപ്പോഴാണ് തട്ടിപ്പാണെന്ന് മനസ്സിലാക്കി കാട്ടൂര്‍ പോലീസ് സ്റ്റേഷനില്‍ പരാതി നല്‍കിയത്.
പരാതിയുടെ അടിസ്ഥാനത്തില്‍ കാട്ടൂര്‍ പോലീസ് നടത്തിയ അന്വേഷണത്തില്‍ നിന്നും ഈ കേസിലെ പ്രതികള്‍ തട്ടിപ്പ് നടത്തിയ പണം പെട്ടെന്ന് തന്നെ രാജ്യത്തിന്റെ വിവിധ സ്ഥലങ്ങളിലുള്ള വിവിധ ബാങ്കുകളിലേക്ക് അയച്ച് വിവിധ രീതിയില്‍ കൈപറ്റിയിട്ടുള്ളതാണെന്ന് മനസിലാക്കുകയും ഇത്തരത്തില്‍ അയച്ച തട്ടിപ്പ് പണത്തിലെ 7,50,000 (ഏഴു ലക്ഷത്തി അമ്പതിനായിരം രൂപ) ഫെമീനയുടെ കോഴിക്കോട് ബേപ്പൂര്‍ ഉള്ള ബാങ്ക് അക്കൗണ്ടിലേക്ക് അയച്ച് ലഭിക്കുകയും ഈ തുക ചെക്ക് ഉപയോഗിച്ച് പിന്‍വലിച്ച് ബന്ധുവായ ജാസിര്‍ എന്നയാള്‍ക്ക് നല്‍കുകയും ആയതിന് കമ്മീഷനായി ഫെമീന 5000 രൂപ കൈപറ്റിയതായും കണ്ടെത്തുകയായിരുന്നു.
ഫെമീന കേരള ഹൈക്കോടതിയില്‍ മുന്‍കൂര്‍ ജാമ്യത്തിന് സമര്‍പ്പിച്ച അപേക്ഷ നിരസിക്കുകയും രണ്ടാഴ്ചക്കുള്ളില്‍ അന്വേഷണ ഉദ്ദ്യോഗസ്ഥന് മുമ്പാകെ ഹാജരാകണമെന്ന് ത്തരവായിരുന്നു. എന്നാല്‍ ഫെമീന ഹാജരാകാതിരുന്നതിനെ തുടര്‍ന്ന് കോഴിക്കോട് നിന്ന് കൂട്ടിക്കൊണ്ട് വന്ന് വിശദമായി ചോദ്യം ചെയ്തതിന് ശേഷമാണ് ഫെമീനയെ അറസ്റ്റ് ചെയ്തത്. കോടതിയില്‍ ഹാജരാക്കിയ ഫെമീനയെ റിമാന്റ് ചെയ്തു. തൃശൂര്‍ റൂറല്‍ ജില്ലാ പോലീസ് മേധാവി ബി.കൃഷ്ണകുമാര്‍ ഐപിഎസ് ന്റെ മാര്‍ഗനിര്‍ദ്ദേശാനുസരണം കാട്ടൂര്‍ പോലീസ് സ്റ്റേഷന്‍ ഇന്‍സ്‌പെക്ടര്‍ ഇ.ആര്‍ ബൈജു, സബ് ഇന്‍സ്‌പെക്ടര്‍ ബാബു ജോജ്, എ എസ് ഐ മിനി, സീനിയര്‍ സിവില്‍ പോലീസ് ഓഫീസര്‍ ധനേഷ്, സിവില്‍ പോലീസ് ഓഫീസര്‍ കിരണ്‍ എന്നിവര്‍ അന്വേഷണ സംഘത്തില്‍ഉണ്ടായിരുന്നു.
About Author
വി കെയര്‍ പദ്ധതി: ജില്ലാ തല ഉദ്ഘാടനം നടത്തി 
ഇരിങ്ങാലക്കുടയില്‍ സ്‌നേഹക്കൂടിന്റെ തണലിലേക്ക് ആറാമത്തെ കുടുംബവും 
നെന്മണിയല്ല; ഇത് കണ്ണീര്‍ക്കണം. കൊയ്‌തെടുത്ത പ്രതീക്ഷകളും പൊലിയുന്നുവോ…? കണ്ണീരോടെ കര്‍ഷകര്‍ 
കടം ചോദിച്ചത് കൊടുക്കാത്തതിനുള്ള വിരോധം; യുവാവിനെ കൊലപ്പെടുത്താന്‍ ശ്രമിച്ച രണ്ടു പേര്‍ അറസ്റ്റില്‍ 
കേരള വണിക വൈശ്യ മഹിളാ ഫെഡറേഷന്‍ പ്രവര്‍ത്തനങ്ങള്‍ ശ്ലാഘനീയം; അഡ്വ. തോമസ് ഉണ്ണിയാടന്‍ 
ലഹരിക്കെതിരെ യൂത്ത് കോണ്‍ഗ്രസ് പൊറത്തിശേരി മണ്ഡലം കമ്മിറ്റി ഫുട്‌ബോള്‍ ടൂര്‍ണമെന്റ് നടത്തി 
