ഗ്രാമപഞ്ചായത്ത് 11-ാം വാര്‍ഡില്‍ വീടുകളിലേക്ക് പച്ചക്കറി കിറ്റുകള്‍ നല്‍കി
മുരിയാട്: കോവിഡ് പശ്ചാത്തലത്തില്‍ മുരിയാട് ഗ്രാമപഞ്ചായത്ത് 11-ാം വാര്‍ഡില്‍ വീടുകളിലേക്ക് പച്ചക്കറി കിറ്റുകള്‍ നല്‍കി. വാര്‍ഡ് മെമ്പര്‍ മനീഷ മനീഷിന്റെ നേതൃത്വത്തിലാണു കിറ്റ് വിതരണം നടത്തിയത്. വാര്‍ഡിലെ സാധാരണക്കാരായ 300 ല്‍ അധികം കുടുംബങ്ങള്‍ക്കാണു 14 ഇനം പച്ചക്കറികളും ഒരു പാക്കറ്റ് പപ്പടവും അടങ്ങുന്ന കിറ്റുകള്‍ നല്കിയത്. വാര്‍ഡിലെ പൊതുപ്രവര്‍ത്തകരുടെ സഹായത്തോടെ തയാറാക്കിയ കിറ്റുകള്‍ ഓട്ടോയില്‍ കയറ്റി പരമാവധി വീടുകളില്‍ നേരിട്ടെത്തിയാണു മെമ്പര്‍ വിതരണം ചെയ്തത്. കൂടുതല്‍ സഹായങ്ങള്‍ ആവശ്യമായ നിര്‍ധനര്‍ക്കു അരിയും പലചരക്ക് സാധനങ്ങളും മെമ്പറുടെ നേതൃത്വത്തില്‍ നല്‍കി. പച്ചക്കറികിറ്റുകളുടെ വിതരണോദ്ഘാടനം മുരിയാട് പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി നിര്‍വഹിച്ചു. ബ്ലോക്ക് പഞ്ചായത്ത് അംഗം മിനി വരിക്കശേരി, റിജു പോട്ടക്കാരന്‍, മനീഷ് പായില്‍, കൃഷ്ണപ്രസാദ് തുടങ്ങിയവര്‍ സന്നിഹിതരായി.
About Author
മുരിയാട് പഞ്ചായത്ത് ഭരണസമിതി നെല്‍കൃഷിയിലേക്ക് 
ഷണ്‍മുഖം കനാലില്‍ അറവുമാലിന്യം തള്ളി; രാത്രിയുടെ മറവില്‍ മാലിന്യ നിക്ഷേപം വ്യാപകം 
മുരിയാട് പഞ്ചായത്തില്‍ കേരളോത്സവം 2026 ഉദ്ഘാടനം ചെയ്തു 
പൂമംഗലം കുടുംബാരോഗ്യ കേന്ദ്രത്തില്‍ ഓപ്പണ്‍ ജിം ഉദ്ഘാടനം ചെയ്തു 
പൂമംഗലം പഞ്ചായത്ത് കേരളോത്സവം 2026 ഉദ്ഘാടനം ചെയ്തു 
പടിയൂരില്‍ കാട്ടുപന്നി ശല്യം രൂക്ഷം; നെല്‍കൃഷി കുത്തിയിളക്കി നശിപ്പിച്ചു 
