മികച്ച ഭിന്നശേഷി സൗഹൃദ സ്ഥാപനത്തിനുള്ള സംസ്ഥാന സര്‍ക്കാര്‍ പുരസ്‌കാരം നിപ്മറിന്
കല്ലേറ്റുംകര: മികച്ച ഭിന്നശേഷി സൗഹൃദ സ്ഥാപനത്തിനുള്ള ഈ വര്‍ഷത്തെ സംസ്ഥാന സര്‍ക്കാര്‍ പുരസ്‌കാരം സാമൂഹ്യനീതി വകുപ്പിനു കീഴില്‍ കല്ലേറ്റുംകരയില്‍ പ്രവര്‍ത്തിക്കുന്ന നാഷണല്‍ ഇന്‍സ്റ്റിറ്റ്യൂട്ട് ഓഫ് ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷന്‍ (നിപ്മര്‍) കരസ്ഥമാക്കി. സെന്‍സറി ഗാര്‍ഡന്‍, സെന്‍സറി പാര്‍ക്ക്, ഏഴു നിലകളിലേക്കും തടസരഹിത പ്രവേശനത്തിനുള്ള സംവിധാനങ്ങള്‍, ഭിന്നശേഷി സൗഹൃദ വാഹന സൗകര്യം എന്നിവ സജീകരിച്ചാണു നിപ്മര്‍ ഈ നേട്ടം കൈവരിച്ചത്. നിപ്മര്‍ ഭിന്നശേഷി സൗഹൃദമാക്കുന്നതിനുള്ള സിവില്‍ വര്‍ക്കുകള്‍ ഏറ്റെടുത്തു സമയബന്ധിതമായി പൂര്‍ത്തിയാക്കിയതു സര്‍ക്കാര്‍ അംഗീകൃത ഏജന്‍സിയായ കോസ്റ്റ്‌ഫോര്‍ഡാണ്. ഡിസംബര്‍ മൂന്നിനു തൃശൂരില്‍ നടക്കുന്ന സംസ്ഥാനതല ലോക വൈകല്യ ദിനാചരണ ചടങ്ങില്‍ അവാര്‍ഡ് സമ്മാനിക്കും. പൊതു, സ്വകാര്യ മേഖലകളില്‍ ജോലി ചെയ്യുന്ന മികച്ച വികലാംഗ ജീവനക്കാരന്‍, വൈകല്യമുള്ള ജീവനക്കാരെ പ്രോത്സാഹിപ്പിക്കുന്ന സ്വകാര്യ സ്ഥാപനം, ഭിന്നശേഷിക്കാര്‍ക്കിടയില്‍ പ്രവര്‍ത്തിക്കുന്ന മികച്ച സന്നദ്ധ സംഘടന, സ്ഥാപനം, വൈകല്യമുള്ള മികച്ച മാതൃകാവ്യക്തി തുടങ്ങി 18 വിഭാഗങ്ങളിലാണു അവാര്‍ഡ് നല്കുന്നത്. അവാര്‍ഡിനായി സമര്‍പ്പിക്കപ്പെട്ട നിരവധി അപേക്ഷകളില്‍ നിന്നും നവംബര്‍ 23 നു ചേര്‍ന്ന സംസ്ഥാനതല അവാര്‍ഡ് നിര്‍ണയ സമിതിയാണ് അവാര്‍ഡ് ജേതാക്കളെ തെരഞ്ഞെടുത്തത്.
About Author
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
മുകുന്ദപുരം ചാലക്കുടി താലൂക്ക് തല വാരാഘോഷം ഉദ്ഘാടനം നടന്നു 
