പായമ്മല്‍-തോപ്പ് പ്രദേശത്ത് വീടുകളില്‍ സാമൂഹ്യവിരുദ്ധന്റെ അഴിഞ്ഞാട്ടം
അരിപ്പാലം: പൂമംഗലം പഞ്ചായത്തിലെ പായമ്മല്‍-തോപ്പ് പ്രദേശത്ത് വീടുകളില്‍ സാമൂഹ്യവിരുദ്ധന്റെ അഴിഞ്ഞാട്ടം. പായമ്മല്‍ ചാര്‍ത്താംകുടത്ത് സഞ്ചയന്റെ വീട്ടില്‍ എടക്കുളം ചാച്ചേരി ചന്ദ്രദാസ് എന്ന വ്യക്തി കഴിഞ്ഞ ദിവസം മദ്യപിച്ചെത്തി അസഭ്യം പറയുകയും കുടുംബാംഗങ്ങളെ വധിക്കുമെന്നു ഭീഷണിപ്പെടുത്തുകയും മാരകായുധം ഉപയോഗിച്ചു വീട് ആക്രമിക്കുകയും ജനല്‍ചില്ലുകള്‍ അടിച്ചു തകര്‍ക്കുകയും ചെയ്തു. ഇതിനു ശേഷം തോപ്പ് പ്രദേശത്തു താമസിക്കുന്ന കവണിയാട്ടില്‍ പരേതനായ ഗോപിയുടെ ഭാര്യ ചന്ദ്രികയെ കൊല്ലുമെന്ന് അലറിക്കൊണ്ടു മാരകായുധവുമായി പാഞ്ഞടുക്കുകയും ഒഴിഞ്ഞുമാറിയതിനാല്‍ കൊടുവാള്‍ തൊട്ടടുത്ത ഗേറ്റില്‍ കൊള്ളുകയും ചെയ്തു. ഇതേ തുടര്‍ന്നു ചന്ദ്രികയുടെ വീട്ടില്‍ നിര്‍ത്തിയിട്ടിരുന്ന വാഹനം അടിച്ചു തകര്‍ക്കുകയും കനത്ത നാശനഷ്ടം ഉണ്ടാക്കുകയും ചെയ്തു. ഈ സംഭവത്തില്‍ ബോധരഹിതയായി ചന്ദ്രിക ഗോപി തളര്‍ന്നു വീഴുകയും ശരീരത്തിന്റെ ഒരു ഭാഗം തളര്‍ന്നു തൃശൂര്‍ ജൂബിലി മിഷന്‍ മെഡിക്കല്‍ കോളജില്‍ ഐസിയു വിഭാഗത്തില്‍ ചികിത്സയിലുമാണ്. അതിനു ശേഷം എടക്കുളം ഭാഗത്തും പലരേയും ആക്രമിക്കുകയും ഭീകരാന്തരീക്ഷം സൃഷ്ടിക്കുകയും ചെയ്തു. ഈ കേസ് കാട്ടൂര്‍ സര്‍ക്കിള്‍ ഇന്‍സ്‌പെക്ടറുടെ നേതൃത്വത്തില്‍ അന്വേഷിച്ചു വരുന്നതാണ്. കുറ്റവാളിക്കെതിരെ നിയമപരമായ നടപടി സ്വീകരിക്കണമെന്നും സമാധാനാന്തരീക്ഷം പുനസ്ഥാപിക്കണമെന്നും സിപിഎം പൂമംഗലം ലോക്കല്‍ കമ്മിറ്റി ആവശ്യപ്പെട്ടു.
About Author
നഗരസഭയുടെ ആധുനിക അറവുശാല പദ്ധതി; കിഫ്ബി/അമൃത് എജന്‍സിയില്‍ നിന്നും ഗ്രാന്റ് ലഭിക്കില്ല 
നഗരസഭയുടെ ഈവനിംഗ് മാര്‍ക്കറ്റിന്റെ പ്രവര്‍ത്തനം അവസാനിപ്പിച്ചു 
നിറഞ്ഞ സദസ്സില്‍ ബിയോണ്ട് ഹേട്രഡ് ആന്‍ഡ് പവര്‍, വീ കീപ്പ് സിങ്ങിങ്ങ്; ലിംഗപരമായ ബന്ധങ്ങളെ ആവിഷ്‌ക്കരിക്കുന്നതില്‍ സമൂഹത്തിന്റേത് ഇപ്പോഴും യാഥാസ്ഥിക നിലപാടെന്ന് മന്ത്രി ഡോ. ആര്‍. ബിന്ദു 
നഗരസഭ ഓഫീസിനു മുന്‍വശത്തെ പൊതുവഴി വീണ്ടും അടയ്ക്കാൻ ശ്രമമെന്ന് ആശങ്ക, പ്രതിഷേധ ബോര്‍ഡുകള്‍ ഉയര്‍ന്നു 
വര മാഞ്ഞു, തലവര രക്ഷ!! ഇരിങ്ങാലക്കുടയില്‍ സീബ്രാ ലൈന്‍ സിഗ്‌നല്‍ ബോര്‍ഡിലുണ്ട്; റോഡിലില്ല 
ഇരിങ്ങാലക്കുട വാട്ടര്‍ അഥോറിറ്റിയില്‍ കുടിശിക 6.5 കോടി; വാട്ടര്‍ അഥോറിറ്റി വെള്ളത്തില്‍….! 
