ജില്ലയിലെ ബെസ്റ്റ് കൗണ്‍സിലര്‍ പുരസ്‌കാരം ചാലക്കുടി നഗരസഭ 20-വാര്‍ഡ് കൗണ്‍സിലര്‍ വി.ജെ. ജോജിക്ക്
ഇരിങ്ങാലക്കുട: വെസ്റ്റ് ലയണ്‍സ് ക്ലബിന്റെ ആഭിമുഖ്യത്തില്‍ സംഘടിപ്പിച്ച തൃശൂര്‍ ജില്ലയിലെ ബെസ്റ്റ് കൗണ്‍സിലര്‍ അവാര്‍ഡിനു ചാലക്കുടി നഗരസഭ 20ാം വാര്‍ഡ് കൗണ്‍സിലര്‍ വി.ജെ. ജോജി അര്‍ഹനായി. പൊതുരംഗത്തും ചാലക്കുടി നഗരസഭയിലും പ്രത്യേകിച്ച് വാര്‍ഡിലും നടത്തിയിട്ടുളള പ്രവര്‍ത്തനങ്ങളെ മുന്‍നിറുത്തിയാണു ജില്ലയിലെ ബെസ്റ്റ് കൗണ്‍സിലര്‍ അവാര്‍ഡിനു അര്‍ഹനായത്. ശില്‍പവും പതിനായിരം രൂപയും അടങ്ങുന്നതാണ് അവാര്‍ഡ്. അഞ്ചു വര്‍ഷം കൊണ്ടു 21 കോടി രൂപയുടെ വികസന പ്രവര്‍ത്തികള്‍ സ്വന്തം വാര്‍ഡില്‍ നടത്തി ശ്രദ്ധേയനായ ജോജി, മാലിന്യ സംസ്‌കരണം, വിവിധ റോഡുകളുടെ വികസനം, സ്‌കൂള്‍ കെട്ടിടങ്ങളുടെ നിര്‍മാണം, കനാല്‍ പുറമ്പോക്കിലുള്ളവരെ പുനരധിവസിപ്പിക്കല്‍, അര്‍ഹരായ മുഴുവന്‍ പേര്‍ക്കും സര്‍ക്കാര്‍ ആനുകൂല്യങ്ങള്‍ നേടികൊടുത്തും നഗരസഭയില്‍ മാതൃകയായി. സ്വന്തം വാര്‍ഡിലെ പടിഞ്ഞാറേ കുരുശിനു സമീപം കനാല്‍ പുറമ്പോക്കിലെ 13 വീട്ടുകാരെയാണു സ്ഥലവും വീടും നല്കി പുനരധിവസിപ്പിച്ചത്. നഗരസഭ അതിര്‍ത്തിയില്‍ തന്നെ സ്ഥലം വാങ്ങി വീടുവച്ച് നല്കിയാണു ഇവരെ പുനരധിവസിപ്പിച്ചത്. സുമനസുകളുടേയും സര്‍ക്കാരിന്റേയും സഹകരണത്തോടെയാണു ഈ പദ്ധതി നടപ്പിലാക്കിയത്. ഇതിനു പുറമെ കണ്ണംമ്പുഴ ക്ഷേത്രത്തിന് സമീപത്തെ ഒരു നിര്‍ധനയായ വിധവയക്കും വീട് നിര്‍മിച്ചു നല്കി. കെഎസ്ആര്‍ടിസി റോഡ്, സെന്റ് മേരീസ് ഫൊറോന ചര്‍ച്ച് റോഡ്, ഈസ്റ്റ് സ്‌കൂള്‍ റോഡ്, പാലസ് ബൈ ലൈന്‍ റോഡ് എന്നിവിടങ്ങളിലേതടക്കമുള്ള റോഡുകള്‍ ടൈല്‍ വിരിച്ച് നവീകരിച്ചു. രൂക്ഷമായ വെള്ളക്കെട്ട് അനുഭവപ്പെട്ടിരുന്ന ഹൗസിംഗ് ബോര്‍ഡ് കോളനിയില്‍ ശാസ്ത്രീയമായ രീതിയില്‍ കാന നിര്‍മിച്ച് വെള്ളക്കെട്ടിനു ശാശ്വത പരിഹാരം കണ്ടു. ഗവ. എല്‍പി സ്‌കൂളിന്റെ പുതിയ കെട്ടിടത്തിന്റെ നിര്‍മാണം അവസാനഘട്ടത്തിലാണ്.
About Author
നഗരസഭയുടെ ഭരണപരാജയം; ആം ആദ്മി പാര്‍ട്ടി പന്തംകൊളുത്തി പ്രകടനം നടത്തി 
ഗാന്ധി തിരസ്‌കാരം ഇന്ത്യയെ ഛിദ്രമാക്കും, ഡോ. അജിതന്‍ മേനോത്ത് 
ഇരിങ്ങാലക്കുട കോണ്‍ഗ്രസ് മണ്ഡലം കമ്മിറ്റി നെഹ്‌റു ജന്മദിനാചരണം നടത്തി 
പൂമംഗലം പഞ്ചായത്ത് കുടുംബാരോഗ്യ കേന്ദ്രത്തില്‍ ഫിസിയോ തെറാപ്പി വിഭാഗം ഉദ്ഘാടനം ചെയ്തു 
ബസുകളുടെ മത്സരയോട്ടം; പൊറത്തിശേരി മണ്ഡലം കോണ്‍ഗ്രസ് കമ്മിറ്റി പ്രതിഷേധ ധര്‍ണ നടത്തി 
മുരിയാട് മണ്ഡലം കോണ്‍ഗ്രസ് കമ്മിറ്റി ഇന്ദിരാഗാന്ധി അനുസ്മരണം നടത്തി 
