എന്‍സിസി വാര്‍ഷിക ക്യാമ്പില്‍ ഗ്രൂപ്പ് കമാന്‍ഡര്‍ സന്ദര്‍ശനം നടത്തി
ഇരിങ്ങാലക്കുട: സെന്റ് ജോസഫ്‌സ് കോളജില്‍ ഏഴാം കേരള ബറ്റാലിയന്‍ എന്‍സിസി നടത്തുന്ന വാര്‍ഷിക ക്യാമ്പില്‍ ഗ്രൂപ്പ് കമാന്‍ഡര്‍ സൈമണ്‍ മത്തായി സന്ദര്‍ശനം നടത്തി. ഗാര്‍ഡ് ഓഫ് ഓണര്‍ സ്വീകരിച്ച ശേഷം അദ്ദേഹം അമര്‍ ജവാനില്‍ റീത്ത് സമര്‍പ്പിച്ചു. അമര്‍ ജവാനില്‍ വൃക്ഷത്തൈ നട്ട ശേഷം കേഡറ്റുകളെ അഭിസംബോധന ചെയ്ത് സംസാരിച്ച അദ്ദേഹം വിവിധ പുരസ്‌കാരങ്ങള്‍ സമ്മാനിച്ചു. ക്യാമ്പ് കമാന്‍ഡന്റ് ലഫ്ടനന്റ് കേണല്‍ ബി. ബിജോയ്, സെന്റ് ജോസഫ്‌സ് കോളജ് മാനേജ് മെന്റ് പ്രതിനിധി സിസ്റ്റര്‍ ഡോ. റോസ് ബാസ്റ്റിന്‍ എന്നിവര്‍ സന്നിഹിതരായിരുന്നു. പത്ത് ദിവസമായി നടന്നുവന്ന ക്യാമ്പില്‍ ഡ്രില്‍, ആയുധ പരിശീലനം ഭൂപടപഠനം, ഫീല്‍ഡ്ക്രാഫറ്റ് ആന്‍ഡ് ബാറ്റില്‍ക്രാഫ്്റ്റ് തുടങ്ങിയവയില്‍ പരിശീലനം നല്‍കി. വിവിധ വിഷയങ്ങളില്‍ വിദഗ്ധര്‍ ക്ലാസ് നയിച്ചു. വിവിധ കലാമത്സരങ്ങളും ക്യാമ്പിന്റെ ഭാഗമായിരുന്നു. തൃശൂര്‍ ഏഴാം കേരള ഗേള്‍സ് ബറ്റാലിയനാണ് ക്യാമ്പ് സംഘടിപ്പിച്ചത്. കമാന്‍ഡിംഗ് ഓഫീസര്‍ ലഫ്‌നന്റ് കേണല്‍ ബിജോയ് ആയിരുന്നു ക്യാമ്പിന് നേതൃത്വം നല്‍കിയത്.
About Author
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
ഐടി മേളയില്‍ രണ്ടാം സ്ഥാനം എ ഗ്രേഡ് നേടിയ ജെസ്‌ലെറ്റ് ജോബി 
ഇരിങ്ങാലക്കുട ഗവ. എല്‍പി സ്‌കൂളില്‍ കിഡ്‌സ് ഫെസ്റ്റ് നടത്തി 
സെന്റ് ജോസഫ്‌സ് കോളജില്‍ ഫിസിക്‌സ് വിഭാഗം, ഐഎസ്ആര്‍ഒ സ്‌പേസ് എക്‌സ്‌പോ ഒരുക്കി 
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
റോഡ് സുരക്ഷ: മാതൃകയായി അവിട്ടത്തൂര്‍ സ്‌കൂളിലെ ഗൈഡ്‌സ് വിദ്യാര്‍ഥിനികള്‍ 
