കേരള സര്‍ക്കാര്‍ പ്രഥമ ‘വയോസേവന പുരസ്‌കാര’ നേട്ടത്തില്‍ ഇരിങ്ങാലക്കുട മെയിന്റനന്‍സ് ട്രൈബ്യൂണല്‍
ഇരിങ്ങാലക്കുട: കേരള സര്‍ക്കാര്‍ സാമൂഹ്യനീതി വകുപ്പിന്റെ പ്രഥമ വയോസേവന പുരസ്‌കാരനേട്ടം ഇരിങ്ങാലക്കുട മെയിന്റനന്‍സ് ട്രൈബ്യൂണലിന്. വയോജന ക്ഷേമരംഗത്തു ശ്രേഷ്ഠ മാതൃകകള്‍ കാഴ്ചവയ്ക്കുന്ന ജില്ലാ പഞ്ചായത്ത്, ബ്ലോക്ക് പഞ്ചായത്ത്, ഗ്രാമപഞ്ചായത്ത്, മെയിന്റനന്‍സ് ട്രൈബ്യൂണല്‍, സന്നദ്ധ സംഘടന, വൃദ്ധസദനം എന്നിങ്ങനെയുള്ള സ്ഥാപനങ്ങള്‍ക്കും കായികരംഗം, കലാസാഹിത്യ സാംസ്‌കാരിക രംഗം എന്നീ മേഖലകളില്‍ വ്യക്തിമുദ്ര പതിപ്പിച്ച വയോജനങ്ങള്‍ക്കും ആജീവനാന്ത നേട്ടങ്ങള്‍ കൈവരിച്ച വ്യക്തികള്‍ക്കുമായി ഒമ്പത് ഇനങ്ങളിലായാണ് പ്രഥമ വയോസേവന പുരസ്‌കാരങ്ങള്‍ സമ്മാനിച്ചത്. ഇരിങ്ങാലക്കുട മെയിന്റനന്‍സ് ട്രൈബ്യുണല്‍ ആന്‍ഡ് ആര്‍ഡിഓ എം.എച്ച്. ഹരീഷ്, മെയിന്റനന്‍സ് ട്രൈബ്യൂണല്‍ ടെക്‌നിക്കല്‍ അസിസ്റ്റന്റ് മാര്‍ഷല്‍, സി. രാധാകൃഷ്ണന്‍, സെക്ഷന്‍ ക്ലാര്‍ക്ക് ഐ.ആര്‍. കസ്തൂര്‍ബായ്, റവന്യൂ ജീവനക്കാരായ എന്‍. രഞ്ജിത്, എം.കെ. ഫ്രാന്‍സിസ് എന്നിവരുടെ സംഘം വയോസേവന പുരസ്‌കാരവും പ്രശംസാപത്രവും ഏറ്റുവാങ്ങി. ഏറ്റവും മികച്ച രീതിയില്‍ വയോജന സംരക്ഷണ നിയമം 2007 നടപ്പിലാക്കിയതിനും, വയോജന സംരക്ഷണ ക്ഷേമപ്രവര്‍ത്തനങ്ങള്‍ കാര്യക്ഷമമായി കാഴ്ചവെച്ചതിനുമാണ് കേരളത്തിലെ 27 മെയിന്റനന്‍സ് ട്രൈബ്യൂണലുകളില്‍ നിന്നും ഇരിങ്ങാലക്കുട മെയിന്റനന്‍സ് ട്രൈബ്യൂണലിനെ ഈ നേട്ടത്തിന് അര്‍ഹമാക്കിയത്.
About Author
മഴുവഞ്ചേരി തുരുത്ത് ചക്കരപ്പാടം പാലം നിര്‍മാണം വേഗത്തിലാക്കും: അഡ്വ. തോമസ് ഉണ്ണിയാടന്‍ എംഎല്‍എ 
ഡബ്ലിന്‍ യൂണിവേഴ്‌സിറ്റി കോളജുമായി സഹകരിക്കാന്‍ ഇരിങ്ങാലക്കുട സെന്റ് ജോസഫ്‌സ് കോളജ്; പ്രഫ. ജെറമി സിംപ്‌സണ്‍ ക്യാമ്പസിലെത്തി 
പടിയൂരില്‍ കാട്ടുപന്നി ശല്യം രൂക്ഷം; നെല്‍കൃഷി കുത്തിയിളക്കി നശിപ്പിച്ചു 
കുച്ചിപ്പുടിയില്‍ വീണ്ടും കാറ്റ്‌ലിന്റെ വിജയത്തിളക്കം; സഹോദയ കലോത്സവത്തില്‍ ഒന്നാം സ്ഥാനം 
തെളിവ് മായ്ക്കാന്‍ മുളകുപൊടി വിതറി;പാക്കറ്റിലെ വിരലടയാളം പ്രതിയെ കുടുക്കി 
മുരിയാട് പഞ്ചായത്തില്‍ സഞ്ചാര സംരക്ഷണം ആവശ്യപ്പെട്ട് കോണ്‍ഗ്രസ് അംഗങ്ങള്‍ ധര്‍ണ നടത്തി 
