ക്രൈസ്തവ ന്യൂനപക്ഷ ആനുകൂല്യങ്ങള്‍ ആരുടേയും ഔദാര്യമല്ല മറിച്ച് അവകാശമാണ്: വി.ഡി. സതീശന്‍
ഇരിങ്ങാലക്കുട രൂപതയുടെ ദേശീയ ന്യൂനപക്ഷ ദിനാഘോഷം നിയമസഭ പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്യുന്നു. ബിഷപ് മാര്‍ പോളി കണ്ണൂക്കാടന്‍, സനീഷ്കുമാര്‍ ജോസഫ് എംഎല്‍എ, മുഖ്യവികാരി ജനറാള്‍ മോണ്‍. വില്‍സന്‍ ഈരത്തറ, നഗരസഭ ചെയര്‍പേഴ്‌സണ്‍ സുജ സഞ്ജീവ്കുമാര്‍, രൂപത ന്യൂനപക്ഷ സമിതി ഡയറക്ടര്‍ ഫാ. നൗജിന്‍ വിതയത്തില്‍ തുടങ്ങിയവര് സമീപം.
ഇരിങ്ങാലക്കുട: രാജ്യത്തെ ക്രൈസ്തവ ന്യൂനപക്ഷങ്ങള്‍ക്കു ലഭിക്കുന്ന ആനുകൂല്യങ്ങള്‍ ആരുടേയും ഔദാര്യമല്ലെന്നും ഇത് അവകാശമാണെന്നും അതുനേടിയെടുക്കാന്‍ ക്രൈസ്തവര്‍ ഒറ്റക്കെട്ടായി നില്‍ക്കണമെന്നും പ്രതിപക്ഷ നേതാവ് വി.ഡി. സതീശന്‍. ഇരിങ്ങാലക്കുട രൂപതയുടെ നേതൃത്വത്തില്‍ നടന്ന ദേശീയ ന്യൂനപക്ഷ ദിനാഘോഷം ഉദ്ഘാടനം ചെയ്തു സംസാരിക്കുകയായിരുന്നു അദ്ദഹം. ബിഷപ് മാര്‍ പോളി കണ്ണൂക്കാടന്‍ അധ്യക്ഷത വഹിച്ചു. -സമുദായ ബോധവും ന്യൂനപക്ഷ സംരക്ഷണവും- എന്ന വിഷയത്തെ ആസ്പദമാക്കി സീറോമലബാര്‍ സഭാ വക്താവ് ചാക്കോ കാളംപറമ്പില്‍ സെമിനാര്‍ നയിച്ചു.
ക്രൈസ്തവ ന്യൂനപക്ഷങ്ങള്‍ക്ക് വേണ്ടിയുള്ള പോരാട്ടങ്ങളില്‍ മുന്നില്‍നിന്ന അമല്‍ സിറിയക്കിനെ യോഗം ആദരിച്ചു. രൂപതയുടെ പുതിയ പ്രോജക്ട് ആയ എവേക്കനിങ് 2028 ബിഷപ് ഉദ്ഘാടനം ചെയ്തു.
സനീഷ്കുമാര്‍ ജോസഫ് എംഎല്‍എ, കേരള സംസ്ഥാന ന്യൂനപക്ഷ വികസന കോര്‍പറേഷന്‍ ചെയര്‍മാര്‍ സ്റ്റീഫന്‍ ജോര്‍ജ്, രൂപത മുഖ്യവികാരി ജനറാള്‍ മോണ്‍. വില്‍സന്‍ ഈരത്തറ, നഗരസഭ ചെയര്‍പേഴ്‌സണ്‍ സുജ സഞ്ജീവ്കുമാര്‍, രൂപത ന്യൂനപക്ഷസമിതി ഡയറക്ടര്‍ ഫാ. നൗജിന്‍ വിതയത്തില്‍, പ്രസിഡന്‍റ് അഡ്വ. ഇ.ടി. തോമസ്, ന്യൂനപക്ഷസമിതി ഡയറക്ടര്‍ ബോര്‍ഡ് മെമ്പര്‍ ഡോ. എം.ജെ. റാണി, രൂപത പാസ്റ്ററല്‍ കൗണ്‍സില്‍ സെക്രട്ടറി ഡേവിസ് ഊക്കന്‍, ന്യൂനപക്ഷസമിതി ലീഗല്‍ സെല്‍ പ്രസിഡന്‍റ് അഡ്വ. ബേബി മാണിക്കത്തുപറമ്പില്‍ എന്നിവര്‍ പ്രസംഗിച്ചു. ഇടവകകളില്‍ നിന്നുള്ള കുടുംബ സമ്മേളന കേന്ദ്രസമിതി അംഗങ്ങള്‍, പാസ്റ്ററല്‍ കൗണ്‍സില്‍ അംഗങ്ങള്‍, ഇടവക ന്യൂനപക്ഷസമിതി അംഗങ്ങള്‍, യുവജന പ്രതിനിധികള്‍ എന്നിവര്‍ യോഗത്തില്‍ പങ്കെടുത്തു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
സെന്റ് ജോസഫ്‌സ് കോളജിലെ സുവോളജി വിഭാഗം ശില്‍പ്പശാല സംഘടിപ്പിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
നവീകരിച്ച ഇരിങ്ങാലക്കുട ക്രൈസ്റ്റ് ആശ്രമദേവാലയത്തിന്റെ വെഞ്ചിരിപ്പ് നിര്‍വഹിച്ചു 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
