കുട്ടികളുടെ പാര്‍ലമെന്‍റില്‍ ഉയര്‍ന്ന പ്രശ്‌നങ്ങളുടെ പരിഹാരം 50 ലക്ഷത്തിലധികം രൂപയുടെ പദ്ധതികള്‍ പ്രഖ്യാപിച്ച് മുരിയാട് പഞ്ചായത്ത്
മുരിയാട് പഞ്ചായത്തില് നടന്ന കുട്ടികളുടെ പാര്‍ലമെന്‍റില്‍ പ്രസിഡന്‍റ് ജോസ് ജെ. ചിറ്റിലപ്പിള്ളി സര്‍ട്ടിഫിക്കറ്റ് വിതരണം ചെയ്യുന്നു.
മുരിയാട്: കുട്ടികളുടെ പാര്‍ലമെന്‍റില്‍ ഉയര്‍ന്ന പ്രശ്‌നങ്ങളുടെ പരിഹാരത്തിനായി 50 ലക്ഷത്തിലധികം രൂപയുടെ പദ്ധതികള്‍ മുരിയാട് പഞ്ചായത്ത് പ്രസിഡന്‍റ് ജോസ് ജെ. ചിറ്റിലപ്പിള്ളി പ്രഖ്യാപിച്ചു. കുട്ടികള്‍ ഉയര്‍ത്തിയ വിഷയങ്ങളില്‍ പന്ത്രണ്ടിൽപ്പരം ആവശ്യങ്ങളാണ് ഉടനെ അംഗീകരിക്കപ്പെട്ടത്. കൂടാതെ റോഡുകള്‍ സമയബന്ധിതമായി അറ്റകുറ്റപ്പണി നടത്തുമെന്നും അറിയിച്ചു. പ്രഖ്യാപിച്ച പദ്ധതികള്‍ ഒരു വര്‍ഷത്തിനുള്ളില്‍ പൂര്‍ത്തീകരിക്കുമെന്നും പ്രസിഡന്‍റ് ഉറപ്പുനല്‍കി. മറ്റു നിര്‍ദേശങ്ങള്‍ പഠിച്ചതിനുശേഷം പരിഗണിക്കാമെന്നും അറിയിച്ചു.
ജില്ലാ പഞ്ചായത്ത് തദ്ദേശസമേതം എന്ന പരിപാടിയുടെ ഭാഗമായാണു കുട്ടികളുടെ പാര്‍ലമെന്‍റ് മുരിയാട് പഞ്ചായത്ത് കോണ്‍ഫറന്‍സ് ഹാളില്‍ നടന്നത്. പഞ്ചായത്തിലെ 17 വാര്‍ഡുകളില്‍ നിന്നായി കുട്ടികളും അധ്യാപകരും ജനപ്രതിനിധികളും പങ്കെടുത്തു. കോ-ഓര്‍ഡിനേറ്റര്‍ പി.എസ്. സാഹിബ പദ്ധതി വിശദീകരണം നടത്തി. കുട്ടികള്‍ ഏഴ് ഗ്രൂപ്പുകളായി തിരിഞ്ഞ് പല വിഷയങ്ങളില്‍ ചര്‍ച്ചകളില്‍ ഏര്‍പ്പെട്ടു. കുട്ടികളുടെ പാര്‍ലമെന്‍റ് ജില്ലാതല കലോത്സവ ജേതാവ് കെ.ജി. ഗൗരികൃഷ്ണ ഉദ്ഘാടനം ചെയ്തു. എ.ജി. ഗായത്രി അധ്യക്ഷയായി.
കെ.ജെ. ആര്‍ദ്ര, കെ.ബി. മിഖ, ജോസ് ജെ. ചിറ്റിലപ്പിള്ളി, രതി ഗോപി, സരിത സുരേഷ്, കെ.യു. വിജയന്‍, എ.എസ്. സുനില്‍കുമാര്‍, ശ്രീജിത്ത് പട്ടത്ത്, സേവ്യര്‍ ആളൂക്കാരന്‍ എന്നിവര്‍ സംസാരിച്ചു. തെരഞ്ഞെടുക്കപ്പെട്ട രണ്ടു കുട്ടികള്‍ വീതം അവരുടെ കണ്ടെത്തലുകളുടെ അവതരണം നടത്തി. തുടര്‍ന്ന് സര്‍ട്ടിഫിക്കറ്റ് വിതരണവും നടന്നു.
About Author
കരൂപ്പടന്ന എന്‍എസ്എസ് വളണ്ടിയര്‍മാര്‍ പല്ലൊട്ടി സിനിമയുടെ അണിയറ പ്രവര്‍ത്തകരുമായി സംവദിച്ചു 
വാര്‍ഡ് വിഭജനം; കരട് വിജ്ഞാപനമായി; ഇരിങ്ങാലക്കുട നഗരസഭയില്‍ ഇനി 43 വാര്‍ഡുകള്‍ 
കരുതിയിരിക്കുക, ഓണ്‍ലൈന്‍ തട്ടിപ്പുകളില്‍ വീഴരുതേ……ആദ്യം ഫോണ്‍ വിളി, താങ്ങളുടെ പേരില്‍ ക്രൈം കേസുകളുണ്ടെന്നു മുന്നറിയിപ്പ് 
ടൗണ്‍ അമ്പ് ഫെസ്റ്റ് 2025 സ്വാഗത സംഘം ഓഫീസ് ഉദ്ഘാടനം ചെയ്തു 
പിടികിട്ടാപ്പുള്ളി 26 വര്‍ഷത്തിന് ശേഷം അറസ്റ്റില്‍ 
നവജാതശിശു സംരക്ഷണ വാരാചരണത്തിന് തുടക്കമായി 
