ഓപ്പറേഷന്‍ കാപ്പ തുടരുന്നു.. കുപ്രസിദ്ധ ഗുണ്ടയെ നാടു കടത്തി
വിപിന്.
ഇരിങ്ങാലക്കുട: ഓപ്പറേഷന്‍ കാപ്പ പ്രകാരം കുപ്രസിദ്ധ ഗുണ്ടയെ നാടു കടത്തി. ഇരിങ്ങാലക്കുട പോലീസ് സ്റ്റേഷന്‍ പരിധിയില്‍ താമസിക്കുന്ന വടിവാള്‍ വിപിന് എന്നറിയപ്പെടുന്ന പുല്ലൂര്‍ തുറവന്‍കാട് സ്വദേശി ഇളമ്പലകാട്ട് വീട്ടില്‍ വിപിന് (46) നെയാണ് കാപ്പ ചുമത്തി ആറ് മാസത്തേക്ക് നാടുകടത്തിയത്. വടിവാള്‍ വിപിന് എന്ന് വിളിക്കുന്ന വിപിന് ഇരിങ്ങാലക്കുട പോലീസ് സ്റ്റേഷനില്‍ 2003 ല്‍ രണ്ട് അടിപിടി കേസും 2006, 2014 എന്നീ വര്‍ഷങ്ങളില്‍ ഓരോ അടിപിടി കേസും ഇരിങ്ങാലക്കുട പോലീസ് സ്റ്റേഷനില്‍ 2009, 2013, 2016, 2021, 2024 എന്നീ വര്‍ഷങ്ങളിലും കാട്ടൂര്‍ പോലിസ് സ്റ്റേഷനില്‍ 2004 ലും തൃശൂര്‍ വെസ്റ്റ് പോലിസ് സ്റ്റേഷനില്‍ 2006 ലും ഓരോ വധശ്രമ കേസുകളും ആളൂര്‍ പോലീസ് സ്റ്റേഷനില്‍ തോക്ക് ഉപയോഗിച്ചുള്ള ഒരു വധശ്രമ കേസും അന്തിക്കാട് പോലീസ് സ്റ്റേഷനില്‍ 2003 ല്‍ ഒരു കൊലപാതക കേസും
2006 ല്‍ ഒരു റോബറി കേസും രണ്ട് അടിപിടി കേസുകളും ഇരിങ്ങാലക്കുട പോലീസ് സ്റ്റേഷനില്‍ 2007 ല്‍ ഒരു റോബറി കേസും ഒരു തട്ടിപ്പു കേസും 2024 ല്‍ ഒരു കഞ്ചാവു കേസും ചേര്‍പ്പ് പോലീസ് സ്റ്റേഷനില്‍ 2009 ല്‍ ഒരു റോബറി കേസും ഒല്ലൂര്‍ പോലീസ് സ്റ്റേഷനില്‍ 2009 ല്‍ ഒരു റോബറി കേസും ചാവക്കാട് പോലീസ് സ്റ്റേഷനില്‍ 2009 ല്‍ ഒരു അടിപിടികേസും വാടാനപ്പിള്ളി പോലീസ് സ്റ്റേഷനില്‍ 2006 ല്‍ ഒരു എക്‌സ്‌പ്ലോസിവ് കേസും അടക്കം 25 ഓളം ക്രിമിനല്‍ കേസുകളിലെ പ്രതിയാണ്. തൃശൂര്‍ റൂറല്‍ ജില്ല പോലീസ് മേധാവി ബി. കൃഷ്ണ കുമാര്‍ ഐപിഎസ് നല്കിയ ശുപാര്‍ശയില്‍ തൃശൂര്‍ റേഞ്ച് ഡിഐജി ഹരിശങ്കര്‍ ഐപിഎസ് ആണ് ഉത്തരവ് പുറപ്പെടുവിച്ചത്. ഇരിങ്ങാലക്കുട പോലീസ് ഇന്‍സ്‌പെക്ടര്‍ അനീഷ് കരീം, സീനിയര്‍ സിവില്‍ പോലീസ് ഓഫീസര്‍ വിജയകുമാര്‍ എന്നിവര്‍ കാപ്പ ചുമത്തുന്നതിലും ഉത്തരവ് നടപ്പാക്കുന്നതിലും പ്രധാന പങ്ക് വഹിച്ചു. 2025 ല്‍ മാത്രം തൃശൂര്‍ റൂറല്‍ ജില്ലയില്‍ ഇതുവരെ 45 ഗുണ്ടകളെ കാപ്പ ചുമത്തി. 29 പേര്‍ക്കെതിരെ കാപ്പ പ്രകാരം നാടു കടത്തിയും മറ്റുമളള നടപടികള്‍ സ്വീകരിച്ചും 16 പേരെ ജയിലിലടച്ചിട്ടുള്ളതുമാണ്.
About Author
രൂപത സോഷ്യല്‍ ആക്ഷന്‍ ഫോറം വനിത ദിനാഘോഷം സംഘടിപ്പിച്ചു 
ഫയല്‍ കാണാനില്ല; പ്രതിഷേധവുമായി ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്റെ ഒറ്റയാന്‍ കുത്തിയിരുപ്പു സമരം, പത്ത് മിനിറ്റിനകം ഫയല്‍ കണ്ടെത്തി 
കണ്‍കുളിര്‍ക്കെ കാണാം മുരിയാട് കായലിലെ വെള്ളത്താമരപ്പാടം 
റോഡു വികസനം; കെഎസ്ടിപി അധികൃതരുടെ നിസംഗതക്കെതിരെ കോണ്‍ഗ്രസ് പ്രതിഷേധം സംഘടിപ്പിച്ചു 
ബാബു ചിങ്ങാരത്ത് സംസ്ഥാനതല പട്ടികജാതി ഉപദേശക സമിതി അംഗം 
മുരിയാട് പഞ്ചായത്തില്‍ സ്‌നേഹത്തണല്‍ സീനേജ് ക്ലബ് കലാമേള 
