ആക്രി കടയിലെ മോഷണം മോഷ്ടാക്കള്‍ അറസ്റ്റില്‍
ഇരിങ്ങാലക്കുട: കിഴുത്താണിയില്‍ ആക്രി ഗോഡൗണില്‍ നിന്ന് അലുമിനിയം മോഷണം പോയ സംഭവത്തില്‍ മൂന്നു തമിഴ് മോഷ്ടാക്കള്‍ അറസ്റ്റിലായി. തെങ്കാശി തെക്ക് പനവടലി സ്വദേശികളായ മാടസ്വാമി (37), വിജയരാജ് എന്ന ഉദയകുമാര്‍ (23), വടക്ക് പനവടലി സ്വദേശി പഴനി സ്വാമി(23) എന്നിവരെയാണ് ഇരിങ്ങാലക്കുട ഡി.വൈ.എസ് പി. ഫേമസ് വര്‍ഗ്ഗീസിന്റെ നേതൃത്വത്തില്‍ കാട്ടൂര്‍ എസ്.ഐ. വി.വി. വിമലും സംഘവും പിടികൂടിയത്. ജൂലൈ 31 ന് പുലര്‍ച്ചെയാണ് കേസിനാസ്പദമായ സംഭവം. തമിഴ്‌നാടു സ്വദേശി വെളിയപ്പന്‍ എന്നയാളുടെ ആക്രി കട കുത്തി തുറന്ന് 80000 രൂപയോളം വിലമതിക്കുന്ന പഴയ അലുമിനിയങ്ങള്‍ ഇവരടങ്ങുന്ന നാലംഗ സംഘം പിക്ക് അപ് വാനില്‍ കടത്തി കൊണ്ടുപോകുകയായിരുന്നു. തൃശൂര്‍ പുത്തൂരില്‍ വില്‍പന നടത്തി തമിഴ് നാട്ടിലേക്ക് മുങ്ങുവാന്‍ ശ്രമിച്ച പ്രതികളെ കുറിച്ച് സൂചന ലഭിച്ച പോലീസ് സംഘം മഫ്തിയിലെത്തി തന്ത്ര പരമായി കുടുക്കുകയായിരുന്നു. മോഷണത്തിന് ഉപയോഗിച്ച പിക് അപ് വാന്‍ ഇന്നലെ തന്നെ നടത്തറയില്‍ നിന്ന് കസ്റ്റഡിയില്‍ എടുത്തിരുന്നു. കേസിലെ ഒരു പ്രതി തമിഴ് നാട്ടിലേക്ക് മുങ്ങിയതായി സൂചനയുണ്ട്. പിടിയിലായ പ്രതികളെ വീഡിയോ കോണ്‍ഫറന്‍സ് വഴി മജിസ്‌ട്രേറ്റിനു മുന്‍പില്‍ ഹാജരാക്കും. അന്വേഷണ സംഘത്തില്‍ എസ്.ഐ. ഷാജു എടത്താടന്‍, സീനിയര്‍ സി.പി.ഒ.മാരായ പ്രസാദ്, ധനേഷ്, ഇ.എസ്. ജീവന്‍, മുരുകദാസ്, സി.പി. ഒമാരായ പ്രദോഷ്, നിഖില്‍ ജോണ്‍, വിജേഷ്, സന്ദീപ് എന്നിവരുമുണ്ടായിരുന്നു.
About Author
കാട്ടൂരില്‍ വന്‍ സ്പിരിറ്റ് ശേഖരം പിടികൂടി; 3220 ലിറ്റര്‍ സ്പിരിറ്റ് പിടിച്ചെടുത്തു. പ്രതിയെ ഉടന്‍ പിടികൂടുമെന്ന് അന്വേഷണ സംഘം 
അസഭ്യം പറഞ്ഞത് ചോദ്യം ചെയ്തതിലുള്ള വൈരാഗ്യത്താല്‍ അയല്‍വാസിയെ ആക്രിച്ച് പരിക്കേല്‍പ്പിച്ച കേസില്‍ സ്റ്റേഷന്‍ റൗഡി അറസ്റ്റില്‍ 
യുവാവിനെ ആക്രമിച്ച് പരിക്കേല്‍പ്പിച്ച കേസ്; കൊലക്കേസ് പ്രതിയായ സ്റ്റേഷന്‍ റൗഡി അറസ്റ്റില്‍ 
യുവാക്കളെ ആക്രമിച്ച് പരിക്കേല്‍പ്പിച്ച് പണവും മൊബൈല്‍ ഫോണും കവര്‍ച്ച ചെയ്ത കേസില്‍ മൂന്ന് പ്രതികള്‍ അറസ്റ്റില്‍ 
സൈബര്‍ സെല്‍ ഉദ്യോഗസ്ഥനെന്ന വ്യാജേന ഭീഷണി; യുവതിയെക്കൊണ്ട് നഗ്‌നവീഡിയോകള്‍ അയപ്പിച്ച കേസില്‍ പ്രതി അറസ്റ്റില്‍ 
എംഡിഎംഎയും ഡിജിറ്റല്‍ ത്രാസും ലഹരിവില്‍പ്പനയിലൂടെ അനധികൃതമായി സമ്പാദിച്ച പണവുമായി പ്രതി പിടിയില്‍ 
