ക്രൈസ്റ്റ് കോളജിലെ ജലഗുണനിലവാര പരിശോധനാലാബിന് അംഗീകാരം
ഇരിങ്ങാലക്കുട: ക്രൈസ്റ്റ് കോളജിലെ ജല ഗുണനിലവാര പരിശോധനാ ലാബിന് സംസ്ഥാന മലിനീകരണ നിയന്ത്രണ ബോര്ഡിന്റെ അംഗീകാരം ലഭിച്ചു. ജലത്തിന്റെ വിവിധ ഗുണനിലവാര ഘടകങ്ങള് ഇവിടെ പരിശോധിക്കാന് സാധിക്കും. അക്വാ റിസര്ച്ച് ലാബ് എന്ന് നാമകരണം ചെയ്യപ്പെട്ട ലാബില് ഗാര്ഹികാവശ്യങ്ങള്ക്കും വ്യാവസായികാവശ്യങ്ങള്ക്കും ഉപയോഗിക്കുന്ന ജലത്തിന്റെ ഗുണനിലവാരം പരിശോധിച്ചറിയാം. എല്ലാ സര്ക്കാര് ലൈസന്സിംഗിനുമായി പൊതുജനങ്ങള്ക്കും വ്യവസായികള്ക്കും ഈ സൗകര്യം ഉപയോഗപ്പെടുത്താം. ജലത്തിന്റെ ഗുണനിലവാരം മെച്ചപ്പെടുത്താന് വേണ്ട മാര്ഗനിര്ദേശങ്ങളും ലാബിലെ ഗവേഷകര് നല്കുമെന്ന് കോളജ് പ്രിന്സിപ്പല് ഫാ. ജോളി ആന്ഡ്രൂസ് പറഞ്ഞു. കഴിഞ്ഞ അഞ്ചുവര്ഷമായി പൊതുജനങ്ങള്ക്ക് മിതമായ നിരക്കില് ഈ സേവനങ്ങള് നല്കുന്ന ലാബ് അന്താരാഷ്ട്ര സര്ട്ടിഫിക്കേഷനുള്ള ജില്ലയിലെ ഏക സ്ഥാപനമാണെന്നും പ്രിന്സിപ്പല് കൂട്ടിച്ചേര്ത്തു. പരിശോധിക്കേണ്ട ജല സാമ്പിളുകള് പ്രവൃത്തിദിവസങ്ങളില് രാവിലെ ഒന്പതിനും വൈകുന്നേരം നാലിനും ഇടയില് ലാബില് നേരിട്ടോ, കോളജിന്റെ ഭൂഗര്ഭ ശാസ്ത്ര പരിസ്ഥിതി ശാസ്ത്രവിഭാഗത്തിലോ ഏല്പ്പിക്കാവുന്നതാണ്.
About Author
ജനറല് ആശുപത്രിയില് ലഹരി വിരുദ്ധ ദിനാചരണം നടത്തി 
മൂര്ക്കനാട് സെന്റ് ആന്റണീസ് ഹൈസ്കൂളില് മെറിറ്റ് ഡേയും പിടിഎ പൊതുയോഗവും നടത്തി 
ഡോക്ടേഴ്സ് ഡേയോടനുബന്ധിച്ച് പറപ്പൂക്കര അസീസി ഹോസ്പിറ്റലിലെ ഡോക്ടര്മാരെ ആദരിച്ചു 
കാട്ടൂര് യൂഫ്രേഷ്യ ട്രെയിനിംഗ് കോളജില് ബിരുദദാന ചടങ്ങ് നടത്തി 
ഡോണ് ബോസ്കോ എല്പി സ്കൂളില് പിടിഎ വാര്ഷിക പൊതുയോഗം നടത്തി 
ഇരിങ്ങാലക്കുട വെസ്റ്റ് ലയണ്സ് ക്ലബ്ബ് ഡോക്ടേഴ്സ് ദിനാചരണം സംഘടിപ്പിച്ചു 
