കളത്തുംപടി പാലം നിര്മ്മാണത്തിന്റെ പ്രാരംഭ പ്രവര്ത്തനങ്ങള് ആരംഭിച്ചു മണ്ണ് പരിശോധനയുടെ സ്വിച്ച് ഓണ് മന്ത്രി ഡോ. ആര്. ബിന്ദു നിര്വഹിച്ചു
കളത്തുംപടി പാലം നിര്മ്മാണത്തിന്റെ പ്രാരംഭ പ്രവര്ത്തനങ്ങള് ആരംഭിക്കുന്നതിന്റെ ഭാഗമായി മണ്ണ് പരിശോധനയുടെ സ്വിച്ച് ഓണ് മന്ത്രി ഡോ. ആര്. ബിന്ദു നിര്വഹിക്കുന്നു.
ഇരിങ്ങാലക്കുട: കളത്തുംപടി പാലം നിര്മ്മാണത്തിന്റെ പ്രാരംഭ പ്രവര്ത്തനങ്ങള് ആരംഭിച്ചു മണ്ണ് പരിശോധനയുടെ സ്വിച്ച് ഓണ് മന്ത്രി ഡോ. ആര്. ബിന്ദു നിര്വഹിച്ചു. സംസ്ഥാന സര്ക്കാര് 2024 25 വര്ഷത്തെ ബജറ്റില് നിന്നും 2 കോടി രൂപയാണ് പാലം നിര്മ്മാണത്തിനായ് അനുവദിച്ചിട്ടുള്ളത്. ഇരിങ്ങാലക്കുട നിയോജക മണ്ഡലത്തിലെ ഷണ്മുഖം കനാലിന് കുറുകെ പൂമംഗലം ഗ്രാമപ്പഞ്ചായത്തിനേയും ഇരിങ്ങാലക്കുട നഗരസഭയേയും തമ്മില് ബന്ധിപ്പിക്കുന്ന പാലമാണ് കളത്തുംപടി പാലം. അപകടാവസ്ഥയിലായ നിലവിലെ പാലം പൊളിച്ചുമാറ്റി അതേ സ്ഥലത്ത് തന്നെയാണ് പുതിയ പാലം നിര്മ്മിക്കുക.
നിലവില് ചവിട്ടുപടികളോടുകൂടിയ പാലം കാല്നടയാത്രക്കാര്ക്ക് മാത്രമാണ് ഉപയോഗിക്കാനാവുന്നത്. പുതിയ പാലം വരുന്നതോടെ വാഹനങ്ങളില് വേളൂക്കര, പൂമംഗലം പഞ്ചായത്തുകളില് നിന്നും നഗരത്തിലേക്കും തിരിച്ചും ഉള്ള യാത്ര എളുപ്പമാകും. നിര്മ്മാണത്തിന്റെ പ്രാരംഭ പ്രവര്ത്തനമായ മണ്ണ് പരിശോധനയാണ് ഇപ്പോള് നടക്കുന്നത് ആരംഭിച്ചത്. തുടര്ന്ന് പ്ലാനും, എസ്റ്റിമേറ്റും തയ്യാറാക്കി ഭരണാനുമതിയും സാങ്കേതിക അനുമതിയും ലഭ്യമാക്കി ഉടന് പാലം നിര്മ്മാണം പൂര്ത്തിയാക്കുമെന്ന് മന്ത്രി പറഞ്ഞു. പൊതുമരാമത്ത് പാലം വിഭാഗത്തിനാണ് നിര്വഹണ ചുമതല.
About Author
ഇരിങ്ങാലക്കുട സപ്ലൈകോയില് ഓണച്ചന്ത ആരംഭിച്ചു 
കാട്ടൂര് പഞ്ചായത്തില് ചെണ്ടുമല്ലി പൂ, പച്ചക്കറി വിളവെടുപ്പ് സംഘടിപ്പിച്ചു 
കണ്ണ് പോയിട്ടും കാണാത്ത നീതി 
നാട്യശാസ്ത്രത്തിന് ആത്മീയ അടിത്തറ വിജ്ഞാന ഭൈരവ തന്ത്രം: വേണുജി 
ഡോണ് ബോസ്കോ സെന്ട്രല് സ്കൂളില് സിഐഎസ്സിഇ ദേശീയ ടേബിള് ടെന്നീസ് ചാമ്പ്യന്ഷിപ്പിന് തുടക്കം 
ഡിഗ്രി പഠനത്തോടൊപ്പം തൊഴില് സാധ്യതയും വര്ധിപ്പിക്കാനുള്ള വിവിധ കര്മ പദ്ധതികള് ഗവണ്മെന്റ് നടപ്പാക്കും: ഉന്നത വിദ്യാഭ്യാസ മന്ത്രി റോജി എം. ജോണ് 
