വീണ്ടെടുക്കുമോ പടിയൂരിലെ തോടുകള്; ചണ്ടിയും കുളവാഴയും നിറഞ്ഞതോടെ തോടുകളിലെ നീരൊഴുക്ക് നിലച്ചു
പടിയൂര്: നെല്പാടങ്ങളാലും കനാലുകളാലും പ്രകൃതി രമണീയമാണ് ഗ്രാമപ്പഞ്ചായത്ത്. ഈ നെല്പാടങ്ങളോട് ചേര്ന്ന് ഒഴുകുന്ന ചെറുതും വലുതുമായ തോടുകള് ഗ്രാമീണ ഭംഗിക്ക് മാറ്റുകൂട്ടുന്നവയാണ്. ഒരുകാലത്ത് തെളിനീരോടെ ജലസമൃതിയായി ഒഴുകിയിരുന്ന തോടുകളില് ഇന്ന് കുളവാഴയും ചണ്ടിയും നിറഞ്ഞ് നീരൊഴുക്ക് നിലച്ച നിലയിലാണ്.
പടിയൂര് ഗ്രാമപ്പഞ്ചായത്ത് ഒന്നാം വാര്ഡിലെ ഫാം തോട്, നാലാം വാര്ഡിലെ തേമാലിത്തറ തോട്, 13ാം വാര്ഡിലെ പോട്ടോത്ത് പാലത്തിന് താഴെ ഷണ്മുഖം കനാലിലേക്ക് പോകുന്ന കോച്ചാംതോട് എന്നിവിടങ്ങളിലാണ് നീരൊഴുക്ക് തടസപ്പെട്ടിരിക്കുന്നത്. പലകൃഷിയിടങ്ങളിലേക്കും ഇതുമൂലം നീരൊഴുക്ക് തടസപ്പെട്ടിരിക്കുകയാണ്.
കിഴക്കന് മേഖലകളില് നിന്ന് കെഎല്ഡിസി കനാല് വഴി വരുന്ന വെള്ളം കൂത്തുമാക്കല് ഷട്ടര് വഴി മുഴുവനായി കനോലി കനാലിലേക്ക് ഒഴുകിപ്പോകാത്തതും തിരിച്ചടിയായിട്ടുണ്ട്. ഈ തോടുകളില് നിന്നുള്ള വെള്ളം സാധാരണ കനാലിലേക്കാണ് പോകേണ്ടത്. പലതോടുകളിലും ചെളിയും മാലിന്യങ്ങളും നിറഞ്ഞിരിക്കുകയാണ്. പ്ലാസ്റ്റിക് മാലിന്യങ്ങളും ജൈവമാലിന്യങ്ങളും ഒരുപോലെ തോടുകളില് വലിച്ചെറിയുന്നതും ഭീഷണിയായിട്ടുണ്ട്.
ചണ്ടി നീക്കിയാല് മാത്രമേ വെള്ളം ശരിയായ ദിശയില് ഒഴുകു. പടിയൂര് പഞ്ചായത്തിന്റെയും പൂമംഗലം പഞ്ചായത്തിന്റെയും അതിരിലൂടെ പോകുന്ന തേമാലിത്തറ തോട്ടില് ഒഴുക്കു നിലച്ച അവസ്ഥയിലാണ്. ഒഴുക്കു നിലച്ചതോടെ ജീവന് നഷ്ടപ്പെട്ട അവസ്ഥയിലാണ് പല തോടുകളും. ഫലമോ, വെള്ളം ഒഴുകി പോകാതെ മലിനീകരണത്തിന് കാരണമാകും. ഇത് തോടിനു സമീപത്തെ കിണറുകളിലേക്കും വ്യാപിക്കും. ചണ്ടിയും കുഴവാഴയും നീക്കി വെള്ളത്തിന്റെ ഒഴുക്ക് സുഗമമാക്കണമെന്നാണ് നാട്ടുക്കാരുടെ ആവശ്യം.
About Author
ഭവനരഹിതര്ക്ക് ഭവനപദ്ധതിയുമായി താഴെക്കാട് മേജര് ആര്ക്കി എപ്പിസ്കോപ്പല് തീര്ഥാടന കേന്ദ്രം 
ഇരിങ്ങാലക്കുട ടൗണ് അര്ബന് കോ ഓപ്പറേറ്റീവ് ബാങ്കിലെ പ്രതിസന്ധി; പുനര്ജീവനപദ്ധതിയുമായി അഡ്മിനിസ്ട്രേറ്റീവ് കമ്മിറ്റി 
ഓപ്പറേഷന് തൂഫാന്: കയ്പമംഗലത്ത് ഹാഷിഷ് ഓയില് പിടികൂടിയ കേസില് പ്രതികളുടെ ലക്ഷങ്ങള് വിലമതിക്കുന്ന സ്വത്തുക്കള് കണ്ടുകെട്ടി 
സഷ്മിര മേനോന് മിസ് ടീന് പ്രൈഡ് ഓഫ് കേരള സെക്കന്ഡ് റണ്ണറപ്പ് പട്ടം 
ഇരിങ്ങാലക്കുട റെയില്വേ സ്റ്റേഷന് വികസനം: ഒരു ലക്ഷം പേരുടെ ഭീമഹര്ജിക്ക് ഒപ്പുശേഖരണം തുടങ്ങി 
സഖാവ് പി.കെ. ചാത്തന് മാസ്റ്റര് കമ്യൂണിസ്റ്റുകാരുടെ വഴികാട്ടി: ബിനോയ് വിശ്വം 
