ഉത്സവ ആഘോഷ കമ്മറ്റിക്കാരായ രണ്ട് പേരെ കത്രിക കൊണ്ട് കുത്തിക്കൊലപ്പെടുത്താന്‍ ശ്രമം; അഞ്ച് യുവാക്കള്‍ അറസ്റ്റില്‍
ആളൂര്‍: ഉത്സവ ആഘോഷ കമ്മറ്റിക്കാരായ രണ്ട് പേരെ കത്രിക കൊണ്ട് കുത്തിക്കൊലപ്പെടുത്താന്‍ ശ്രമിച്ച കേസില്‍ അഞ്ച് യുവാക്കള്‍ അറസ്റ്റില്‍. മുരിയാട് സ്വദേശി മുല്ലശ്ശേരി വീട്ടില്‍ അജീഷ് (39), സുഹൃത്ത് രാജേഷ് (30) എന്നിവരെയാണ് കത്രിക കൊണ്ട് കുത്തിക്കൊലപ്പെടുത്താന്‍ ശ്രമിച്ചത്. സംഭവത്തില്‍ ആശാരിമൂല സ്വദേശി മാമ്പ്രക്കാരന്‍ വീട്ടില്‍ ലിബിന്‍ (18), കല്ലേറ്റുംകര വടക്കുമുറി സ്വദേശി വടക്കേടന്‍ വീട്ടില്‍ ശിവന്‍ (19), കല്ലേറ്റുകര ആശാരിമൂല സ്വദേശികളായ കന്നിമേല്‍ വീട്ടില്‍ ഫ്‌ലെമിങ്ങ് (19), തുളുവത്ത് വീട്ടില്‍ എറിക് (18), താഴെക്കാട് കുണ്ടുപാടം സ്വദേശിയായ പൂക്കില്ലത്തു വീട്ടില്‍ നെബില്‍ (18) എന്നിവരെയാണ് ആളൂര്‍ പോലീസ് അറസ്റ്റ് ചെയ്തത്. കഴിഞ്ഞ ദിവസം രാത്രിയില്‍ കല്ലേറ്റുംകര വടക്കുമുറി സുബ്രഹ്മണ്യസ്വാമി ക്ഷേത്രത്തിലെ ഉത്സവത്തിനോടനുബന്ധിച്ച് കാവടിസെറ്റില്‍ ഉന്തും തള്ളും പ്രശ്‌നങ്ങളും ഉണ്ടായത് ചോദ്യം ചെയ്ത് പറഞ്ഞയച്ചതിന്റെ വൈരാഗ്യത്താലാണ് ക്ഷേത്രത്തിന് മുന്‍വശം വെച്ച് പുലര്‍ച്ചെ മൂന്നു മണിയോടെ മാരകായുധമായ കത്രിക കയ്യില്‍ വെച്ച് അജീഷിനെയും രാജേഷിനെയും സംഘത്തെയും തടഞ്ഞുനിര്‍ത്തി കുത്തിക്കൊലപ്പെടുത്താന്‍ ശ്രമിച്ചത്. ലിബിന്‍ അജീഷിനോട് നിന്നെ ഞാന്‍ തീര്‍ക്കുമെന്ന് പറഞ്ഞ് നെഞ്ചിന് നേരെ കുത്തുകയും അജീഷ് ജീവന്‍ രക്ഷിക്കുന്നതിന് വേണ്ടി വെട്ടിതിരിഞ്ഞ് ഒഴിഞ്ഞു മാറിയതില്‍ പുറത്ത് കത്രിക കയറി മാരകമായി പരിക്ക് പറ്റുകയായിരുന്നു തുടര്‍ന്ന് ശിവന്‍ കൈകൊണ്ട് അജീഷിന്റെ ഇടത് കണ്ണില്‍ ഇടിച്ചു പരിക്കേല്‍പ്പിച്ചു മറ്റുള്ള പ്രതികള്‍ അജീഷിന്റെ ദേഹത്തിന്റെ പല ഭാഗത്തും ഇടിച്ചും ചവിട്ടിയും പരിക്കേല്‍പ്പിക്കുകയും രാജേഷിന്റെ പുറത്ത് കത്രിക കൊണ്ട് കുത്തിയും ദേഹത്ത് ചവിട്ടിയും ഇടിച്ചും പരിക്കേല്‍പ്പിക്കുകയുമായിരുന്നു. സംഭവത്തില്‍ അജീഷിന്റെ പരാതിയില്‍ ആളൂര്‍ പോലീസ് സ്റ്റേഷനില്‍ രജിസ്റ്റര്‍ ചെയ്തു. അന്വേഷണം നടത്തി വരുന്നതിനിടയില്‍ കല്ലേറ്റുംകരയില്‍ നിന്നാണ് പ്രതികളെ അറസ്റ്റ് ചെയ്തത്. ഫ്‌ലമിങ്ങിന് ആളൂര്‍ പോലീസ് സ്റ്റേഷനില്‍ 2025 ല്‍ കഞ്ചാവ് ബീഡി വലിച്ചതിന് കേസുണ്ട്. എറിക്കിന് 2024 ല്‍ ചാലക്കുടി പോലീസ് സ്റ്റേഷനിലും, ആളൂര്‍ പോലീസ് സ്റ്റേഷനിലും കഞ്ചാവ് ബീഡി വലിച്ചതിന് ഒരോ കേസുകളുണ്ട്. നെബിലിന് ആളൂര്‍ പോലീസ് സ്്‌റേഷനില്‍ 2024 ല്‍ കഞ്ചാവ് ബീഡി വലിച്ചതിന് കേസുണ്ട്. ആളൂര്‍ സബ്ബ് ഇന്‍സ്‌പെക്ടര്‍ അഫ്‌സലിനെ കൂടാതെ സബ്ബ് ഇന്‍സ്‌പെക്ടര്‍മാരായ സുമേഷ്, സുരേന്ദ്രന്‍, ഗിരീഷ്, സിവില്‍ പോലീസ് ഓഫിസര്‍മാരായ സവീഷ് , ജിബിന്‍ ഹരികൃഷ്ണന്‍,ബിലഹരി, ആഷിക്,എന്നിവര്‍ ചേര്‍ന്നാണ് പ്രതികളെ അറസ്റ്റ് ചെയ്തത്. കോടതിയില്‍ ഹാജരാക്കിയ അഞ്ച് പ്രതികളെയും റിമാന്റ്‌ചെയ്തു.
About Author
ലോണ്‍ ടേക്ക് ഓവര്‍ ചെയത് മറ്റൊരു ലോണ്‍ ശരിയാക്കി കൊടുക്കാമെന്ന് പറഞ്ഞ് പരാതിക്കാരിയുടെ പേരില്‍ കാര്‍ വാങ്ങി തട്ടിപ്പ്; യുവാവ് അറസ്റ്റില്‍. 
തീര്‍ഥാടനപുണ്യം നേടി അഴീക്കോട് മാര്‍തോമാ തീര്‍ഥകേന്ദ്രത്തിലേക്ക് പദയാത്ര നടത്തി 
ഓണ്‍ലൈന്‍ ട്രേഡിംഗിന്റെ മറവില്‍ റിട്ടയേഡ് അധ്യാപകനില്‍ നിന്ന് ലക്ഷങ്ങള്‍ തട്ടിയെടുത്ത കേസില്‍ രണ്ട് പേര്‍ കൂടി അറസ്റ്റില്‍ 
ഓപ്പറേഷന്‍ കാപ്പ; നാലു ഗുണ്ടകള്‍ക്കെതിരേ നടപടി 
ജോണ്‍ ബ്രിട്ടാസ് പറയുന്നിടത്ത് പോയാല്‍ എന്നെ നിങ്ങള്‍ക്ക് ഇനി ഒരിക്കലും കിട്ടില്ലസുരേഷ് ഗോപി എംപി 
ഓണ്‍ലൈന്‍ ട്രേഡിംഗിന്റെ മറവില്‍ റിട്ടയേഡ് അധ്യാപകനില്‍ നിന്ന് ലക്ഷങ്ങള്‍ തട്ടിയെടുത്തു; യുവതി അറസ്റ്റില്‍ 
