ശ്രദ്ധിക്കുക…..റോഡിന് ഉയരമുണ്ട്, ഇരുചക്രവാഹനങ്ങള്‍ക്കു അപകടഭീഷണി
പടിയൂര്‍: മെക്കാഡം ടാറിംഗ് പൂര്‍ത്തിയായപ്പോള്‍ റോഡിന്റെ ഉയരം കൂടിയത് അപകട ഭീഷണി ഉയര്‍ത്തുന്നു. വെള്ളാങ്കല്ലൂര്‍-മതിലകം റോഡരികാണ് ഇരുചക്രവാഹന യാത്രക്കാര്‍ക്ക് ഭീഷണിയാകുന്നത്. പലയിടത്തും റോഡും നടപ്പാതയും തമ്മില്‍ ഒരടിയലധികം വ്യത്യാസമുണ്ട്. വശങ്ങളിലെ മണ്‍പാതയും ടാറിംഗും തമ്മിലുള്ള ഉയരവ്യത്യാസം അപകടങ്ങള്‍ക്കു കാരണമാകുന്നതായി യാത്രക്കാര്‍ പറയുന്നു. ഓട്ടോറിക്ഷയുടെയും ഒരു വശം ടാറിംഗില്‍ നിന്നു ഇറങ്ങി ഓടിയാല്‍ മറിയാന്‍ വരെ സാധ്യതയുണ്ട്. വളവനങ്ങാടി ഭാഗത്താണ് ഇതു കൂടുതല്‍. റോഡില്‍ നിന്നു തെന്നി വീണ് ഇരുചക്രവാഹനങ്ങള്‍ അപകടത്തില്‍പ്പെടുന്നതും ഉയരക്കൂടുതല്‍ മൂലം റോഡില്‍ തന്നെ വാഹനങ്ങള്‍ പാര്‍ക്ക് ചെയ്യുന്നതിനാല്‍ ഗതാഗതം തടസപ്പെടുന്നതും പതിവായിട്ടുണ്ട്. റോഡരികില്‍ മണ്ണിട്ട് ഉയര്‍ത്തിയാല്‍ മാത്രമേ അപകടഭീഷണി ഒഴിയൂ. വെള്ളാങ്കല്ലൂര്‍ മുതല്‍ മതിലകം ആറാട്ടുകടവ് വരെ 6.4 കിലോമീറ്റര്‍ റോഡാണ് 16 കോടിയോളം രൂപ ചെലവഴിച്ച് ടാറിംഗ് ചെയ്തത്
About Author
അമര്‍ജവാന്‍ യുദ്ധസ്മാരകത്തിന് സ്റ്റോപ്പ് മെമ്മോ 
യുവജന കൂട്ടായ്മയുടെ മാതൃകാപരമായ പ്രവര്‍ത്തനം; പൂവത്തുംകടവില്‍ ആധുനിക സൗകര്യങ്ങളോടെ വേറിട്ട ബസ് സ്റ്റോപ്പ് 
പ്ലാസ്റ്റിക് മാലിന്യങ്ങള്‍ കുറയ്ക്കുന്നതിനും പരിസ്ഥിതി സംരക്ഷണത്തിനുമായി സ്വയം നിര്‍മിച്ച പേപ്പര്‍ ക്യാരിബാഗുകള്‍ വിതരണം ചെയ്തു 
ഇരിങ്ങാലക്കുട ജനമൈത്രി പൊലിസ് ഓപ്പറേഷന്‍ തൂഫാന്‍ ഫുട്‌ബോള്‍ ടൂര്‍ണമെന്റ്; ക്രൈസ്റ്റ് കോളജ് ജേതാക്കള്‍ 
ദി എഐ ടേണ്‍ ത്രിദിന അന്താരാഷ്ട്ര സമ്മേളനം സമാപിച്ചു 
പി.കെ. ചാത്തന്‍ മാസ്റ്ററുടെ ജീവചരിത്രം പാഠ്യപദ്ധതിയില്‍ ഉള്‍പ്പെടുത്തണം: കുമ്മനം രാജശേഖരന്‍ 
