നിക്ഷേപങ്ങള്‍ പിന്‍വലിക്കാന്‍ എത്തിയവര്‍ തമ്മിലുള്ള തര്‍ക്കത്തെ തുടര്‍ന്ന് സംഘര്‍ഷം
150 ടോക്കണുവേണ്ടി എത്തിയത് ആയിരത്തോളം പേര്‍
കൈക്കുഞ്ഞുമായി എത്തിയവര്‍ വരിയില്‍
പ്രായമായവരും കുട്ടികളും വരിയില്‍
ഇരിങ്ങാലക്കുട: കോടികളുടെ വെട്ടിപ്പ് നടന്ന കരുവന്നൂര്‍ സര്‍വീസ് സഹകരണ ബാങ്കില്‍ നിക്ഷേപങ്ങള്‍ പിന്‍വലിക്കാന്‍ എത്തിയവര്‍ തമ്മിലുള്ള തര്‍ക്കത്തെ തുടര്‍ന്ന് സംഘര്‍ഷം. പണം പിന്‍വലിക്കുന്നതിന് ഇന്നലെ വൈകീട്ടും രാത്രിയിലുമായി ടോക്കണ്‍ നേടിയവരും ഇതറിയാതെ തിങ്കളാഴ്ച രാവിലെ തന്നെ ബാങ്കിനു മുന്നില്‍ എത്തിയവരും തമ്മിലാണു തര്‍ക്കം ഉടലെടുത്തിരിക്കുന്നത്.
അടുത്ത ആഴ്ചക്കുള്ള ടോക്കണിനായി വന്നവരും വരിയിലുണ്ട്. ഒരു ദിവസം 150 ടോക്കണാണ് അനുവദിക്കുന്നത്. ഒരു ടോക്കണ്‍ നേടിയവര്‍ക്ക് 10,000 രൂപയും. കഴിഞ്ഞ ദിവസം ടോക്കണ്‍ നേടിയവരെ പരിഗണിക്കാനായി ടോക്കണ്‍ വിതരണം അവസാനിച്ചതായി ബാങ്ക് അധികൃതര്‍ നോട്ടീസ് ഇട്ടതോടെ രാവിലെ വന്നവര്‍ ക്ഷുഭിതരാവുകയായിരുന്നു.
തര്‍ക്കം പരിഹരിക്കാനും സംഘര്‍ഷം ഒഴിവാക്കാനുള്ള ശ്രമങ്ങള്‍ പോലീസ് നടത്തി. നിക്ഷേപകര്‍ തമ്മിലുള്ള തര്‍ക്കങ്ങള്‍ രമ്യമായി പരിഹരിച്ചില്ലെങ്കില്‍ വരാനിരിക്കുന്ന മാര്‍ച്ച് കൂടി കണക്കിലെടുത്ത്, ബാങ്ക് അടച്ചിടേണ്ടി വരുമെന്നും ആര്‍ക്കും പണം ലഭിക്കാത്ത സാഹചര്യം ഉടലെടുക്കുമെന്നും പോലീസ് നിക്ഷേപകരുടെ ശ്രദ്ധയില്‍പ്പെടുത്തി.
അടുത്ത ആഴ്ചത്തേക്കുള്ള ടോക്കണിനായി വരിയില്‍ നില്ക്കുന്നവരോടു പിരിഞ്ഞുപോകാന്‍ പോലീസ് അഭ്യര്‍ഥിക്കുകയായിരുന്നു. കൈക്കുഞ്ഞുമായി നിക്ഷേപം പിന്‍വലിക്കാനെത്തിവര്‍ പൊരിവെയിലത്ത് നില്‍ക്കുകയാണ്. കുട്ടികളും പ്രായമായവരും വരിയില്‍ നില്‍ക്കുന്നുണ്ട്. 150 ടോക്കണുവേണ്ടി എത്തിയത് ആയിരത്തോളം പേരാണ്. ബാങ്കിന്റെ മുന്നിലേക്ക് യൂത്ത് കോണ്‍ഗ്രസ്, യുവമോര്‍ച്ച പ്രവര്‍ത്തകരുടെ മാര്‍ച്ച് കണക്കിലെടുത്ത് ഇരുന്നൂറോളം വരുന്ന പോലീസ് സംഘം സ്ഥലത്തെത്തിയിട്ടുണ്ട്.
About Author
നാടന്‍ കലകള്‍ അന്യംനിന്നുപോകുന്നു; സര്‍ക്കാര്‍ പൂര്‍ണ പിന്തുണ നല്‍കണം, മന്ത്രി രമേശ് ചെന്നിത്തല 
ഠാണ ചന്തക്കുന്ന് റോഡിലെ അശാസ്ത്രീയ മീഡിയന്‍ നിര്‍മാണം; ആക്ഷന്‍ കൗണ്‍സില്‍ നിവേദനങ്ങള്‍ നല്‍കി 
നാഷണല്‍ ക്വാളിറ്റി അഷ്വറന്‍സ് സ്റ്റാന്‍ഡേര്‍ഡ് സര്‍ട്ടിഫിക്കേഷന്‍: ഇരിങ്ങാലക്കുട ജനറല്‍ ആശുപത്രിയില്‍ ദേശീയതല മൂല്യനിര്‍ണയം 
പി.കെ. ചാത്തന്‍ മാസ്റ്റര്‍ സ്മൃതിസഭ: പ്രചരണത്തിന് തുടക്കം കുറിച്ച് കേന്ദ്രമന്ത്രി സുരേഷ് ഗോപി എംപി ഇരിങ്ങാലക്കുടയില്‍ ചുമരെഴുത്ത് നടത്തി 
16-ാമത് റവന്യൂ ജില്ലാ ശാസ്‌ത്രോത്സവത്തില്‍ തൃശൂര്‍ ഈസ്റ്റ് ഉപജില്ല ഓവറോള്‍ ചാമ്പ്യന്മാര്‍ 
ഠാണാ ചന്തക്കുന്ന് റോഡിലെ അശാസ്ത്രീയ ഡിവൈഡര്‍ നിര്‍മാണം; ആശങ്കകള്‍ പരിഹരിക്കാതെ പണികള്‍ പുനരാരംഭിക്കില്ലെന്ന് കെഎസ്ടിപി 
