സമൂഹത്തിന് മാതൃകയായി ക്രൈസ്റ്റ് എന്ജിനീയറിംഗ് കോളജ് വിദ്യാര്ഥികള്
ഇരിങ്ങാലക്കുട: കേരളത്തിലെ വിദ്യാര്ഥി സമൂഹത്തിനു മാതൃകയായി ക്രൈസ്റ്റ് എന്ജിനീയറിംഗ് കോളജ് മെക്കാനിക്കല് എന്ജിനീയറിംഗ് വിഭാഗത്തിലെ 2021 പാസ്ഔട്ട് ബാച്ച് വിദ്യാര്ഥികള്. തങ്ങളുടെ കലാലയത്തില് നിന്നും പുറത്തു പോകുമ്പോള് കോളജിനായി ഒരു ഓപ്പണ് ജിം നിര്മിച്ചു നല്കി മറ്റു വിദ്യാര്ഥികള്ക്കും പരിസരവാസികള്ക്കും സാമൂഹിക സേവനത്തിന്റെ ഒരു പുതിയ പാത തുറന്നിരിക്കുകയാണ് ഇവര്. കോവിഡ് കാലത്ത് വ്യായാമങ്ങളിലൂടെ ആരോഗ്യം സംരക്ഷിക്കേണ്ടതിന്റെ ആവശ്യകത ചൂണ്ടി കാണിക്കുക കൂടിയാണ് ഈ ചുണ കുട്ടന്മാര്. ജോണ് വര്ഗീസിന്റെ കീഴില് 20 ഓളം യുവ എന്ജീനീയര്മാരുടെ രണ്ടാഴ്ചത്തെ പ്രയത്ന ഫലമായാണ് ഇതു പൂര്ത്തിയായത്. ക്രൈസ്റ്റ് ആശ്രമാധിപന് ഫാ. ജേക്കബ് ഞെരിഞ്ഞാമ്പിളി ഓപ്പണ് ജിം ഉദ്ഘാടനം ചെയ്തു. ക്രൈസ്റ്റ് എന്ജിനീയറിംഗ് കോളജ് എക്സിക്യുട്ടീവ് ഡയറക്ടര് ഫാ. ജോണ് പാലിയേക്കര, ജോയിന്റ് ഡയറക്ടര് ഫാ. ജോയി പയ്യപ്പള്ളി, പ്രിന്സിപ്പല് ഡോ. സജീവ് ജോണ് എന്നിവര് സന്നിഹിതരായി. സ്ത്രീകള്ക്കും കുട്ടികള്ക്കും ഉള്പ്പടെ ഉപയോഗിക്കാവുന്ന നിരവധി ആരോഗ്യ സംരക്ഷണ വ്യായാമ ഉത്പന്നങ്ങള് പൊതുജനങ്ങള്ക്കു ആവശ്യാനുസരണം നിര്മിച്ചു നല്കാന് തയാറാണെന്നു കോളജ് മാനേജ്മെന്റ് അറിയിച്ചു.
About Author
ഠാണാ ചന്തക്കുന്ന് വികസനം വേഗത്തില് പൂര്ത്തീകരിക്കും 
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
എല്ലാവര്ക്കും വീട് എന്ന പദ്ധതിയുമായി കേരള വ്യാപാരി വ്യവസായി ഏകോപന സമിതി തൃശൂര് ജില്ലാ കമ്മിറ്റി 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
ജനമൈത്രി പൊലിസിന്റെ എന്റെ യാത്ര സുരക്ഷിതം ക്യാമ്പയിന് 
വീടില്ലാത്തവര്ക്ക് വീട് പദ്ധതിക്ക് തുടക്കം കുറിച്ച് മര്ച്ചന്റ് അസോസിയേഷന് 
