റവന്യു ഇ-സേവനങ്ങളിലെ സാങ്കേതിക തകരാറുകള്‍ പരിഹരിക്കണം: കെആര്‍ഡിഎസ്എ
ഇരിങ്ങാലക്കുട: കരമടക്കുന്നതിനുള്‍പ്പടെ റവന്യു ഇ-സേവനങ്ങള്‍ തടസപ്പെടുത്തുന്ന സെര്‍വര്‍ തകരാര്‍ പരിഹരിക്കണമെന്നു റവന്യു ഡിപ്പാര്‍ട്ട്‌മെന്റ് സ്റ്റാഫ് അസോസിയേഷന്‍ മുകുന്ദപുരം താലൂക്ക് സമ്മേളനം സര്‍ക്കാരിനോടാവശ്യപ്പെട്ടു. വിവിധ ഓണ്‍ലൈന്‍ സേവനങ്ങള്‍ ലഭിക്കുന്നതിനു കാലതാമസം വരുത്തുന്ന വിധത്തില്‍ റെലിസ് വെബ്‌സൈറ്റും നെറ്റ് വര്‍ക്കുകളും ആഴ്ച്ചകളായി വളരെ സാവധാനത്തിലാണു പ്രവര്‍ത്തിച്ചുവരുന്നത്. ജനങ്ങള്‍ക്കു സ്മാര്‍ട്ട് സേവനങ്ങള്‍ നല്‍കുന്നതിനായി തടസമില്ലാത്ത നെറ്റ്‌വര്‍ക്ക്, വെബ്‌സൈറ്റ് സംവിധാനങ്ങളും ഗുണമേന്മയും വേഗതയുമുള്ള കംപ്യൂട്ടര്‍ ഉപകരണങ്ങളും അവയുടെ കൃത്യതയാര്‍ന്ന പരിപാലനവും ജീവനക്കാര്‍ക്കുള്ള സാങ്കേതിക പരിശീലനങ്ങളും കൂടി ആവശ്യമാണെന്ന വസ്തുത സര്‍ക്കാര്‍ പരിഗണിക്കണമെന്നു സമ്മേളനം ആവശ്യപ്പെട്ടു. കെആര്‍ഡിഎസ്എ സംസ്ഥാന വൈസ് പ്രസിഡന്റ് ബിന്ദുരാജന്‍ സമ്മേളനം ഉദ്ഘാടനം ചെയ്തു. പ്രസിഡന്റ് ഇ.ജി. റാണി അധ്യക്ഷത വഹിച്ചു. എ.എം. നൗഷാദ്, ടി.കെ. അനില്‍കുമാര്‍, പി.കെ. ഉണ്ണികൃഷ്ണന്‍, കെ.എക്‌സ്. വര്‍ഗീസ്, പി.എം. മനോജ്കുമാര്‍, ജി. പ്രസീത, സി.യു. ജയശ്രീ, അശ്വതി രാമകൃഷ്ണന്‍ എന്നിവര്‍ പ്രസംഗിച്ചു. ഭാരവാഹികളായി എം.എ. സജി (പ്രസിഡന്റ്), സി.യു. ജയശ്രീ, പി.എം. മനോജ് (വൈസ് പ്രസിഡന്റ്), ഇ.ജി. റാണി (സെക്രട്ടറി), കെ.എക്‌സ്. വര്‍ഗീസ്, ഇ.എ. ആശ (ജോയിന്റ് സെക്രട്ടറി), പി.എന്‍. പ്രേമന്‍ (ട്രഷറര്‍) എന്നിവരെ തെരഞ്ഞെടുത്തു.
About Author
ചാലക്കുടി നഗരസഭ ചെയര്‍മാന്‍ ചെയര്‍മാന്‍ ഷിബു വാലപ്പന് വാലപ്പന് ട്രസ്റ്റിന്റെ സ്വീകരണം 
കണ്‌ഠേശ്വരം ശിവ ക്ഷേത്രത്തില്‍ ശിവരാത്രി നൃത്തോത്സവം ആരംഭിച്ചു 
അല്‍കേഷ് രാജന് ആദരം നല്‍കി എഐവൈഎഫ് പ്രവര്‍ത്തകര്‍ 
എടതിരിഞ്ഞി ശിവകുമാരേശ്വര ക്ഷേത്രത്തിലെ തിരുവുത്സവത്തിന് കൊടിയേറി 
ചങ്ങാതിക്ക് ഒരു മനസ്; മാതൃവിദ്യാലയത്തിന് കമ്പ്യൂട്ടര്‍ കൈമാറി പൂര്‍വവിദ്യാര്‍ഥികള്‍ 
കാവടി പൂര മഹോത്സവത്തോടനുബന്ധിച്ച് മതസൗഹാര്‍ദ്ദ സമ്മേളനം നടത്തി 
