പടിയൂര്‍ പഞ്ചായത്തില്‍ നാലു ചിക്കന്‍ സ്റ്റാളുകള്‍ക്കെതിരേ ആരോഗ്യ വകുപ്പിന്റെ നടപടി
പടിയൂര്‍: ലൈസന്‍സ് ഇല്ലാതെയും പൊതുജനാരോഗ്യത്തിനു ഹാനികരമാകുന്ന രീതിയിലും പ്രവര്‍ത്തിച്ചിരുന്ന നാലു ചിക്കന്‍ സ്റ്റാളുകള്‍ക്കെതിരേ നടപടിക്കു ശുപാര്‍ശ. അഞ്ചാം വാര്‍ഡില്‍ ചാര്‍ത്താംകുടത്ത് വീട്ടില്‍ ഹരിഹരന്‍, രമേശ് അണ്ടിക്കോട്ട്, ബാബു കളപ്പുരയ്ക്കല്‍, സിദ്ധാര്‍ഥന്‍ കളപ്പുരയ്ക്കല്‍ എന്നിവരുടെ ഉടമസ്ഥതയില്‍ പ്രവര്‍ത്തിച്ചിരുന്ന ചിക്കന്‍ സ്റ്റാളുകളാണ് അടച്ചുപൂട്ടാനും നടപടി സ്വീകരിക്കാനും പഞ്ചായത്ത് സെക്രട്ടറിക്കു ശുപാര്‍ശ നല്‍കിയത്. പുകയില നിയന്ത്രണനിയമപ്രകാരം ബോര്‍ഡ് സ്ഥാപിക്കാത്തതിന് ഒരു കടയില്‍നിന്നു പിഴയീടാക്കി. ഭക്ഷ്യസുരക്ഷയുടെ ഭാഗമായി ഹോട്ടലുകള്‍, കൂള്‍ ബാറുകള്‍, ബേക്കറികള്‍, ചിക്കന്‍ സ്റ്റാളുകള്‍ എന്നിവിടങ്ങളിലായിരുന്നു പരിശോധന. മറ്റു ചില കച്ചവട സ്ഥാപനങ്ങളില്‍ നിന്നു പിഴ ഈടാക്കുകയും ചെയ്തു. മെഡിക്കല്‍ ഓഫീസര്‍ ഡോ. കെ.സി. ജയചന്ദ്രന്‍, ജൂണിയര്‍ ഹെല്‍ത്ത് ഇന്‍സ്‌പെക്ടര്‍ ടി.വി. ജീന്‍വാസ്, എസ്. മായ, കെ.എസ്. അനു, പഞ്ചായത്ത് ക്ലാര്‍ക്ക് ലെനിന്‍ എന്നിവര്‍ പരിശോധനയില്‍ പങ്കെടുത്തു.
About Author
പൊറത്തിശേരി സ്വദേശി യുവാവ് ബൈക്ക് അപകടത്തില്‍ മരിച്ചു 
മന്നം സ്മാരക പ്രസംഗമത്സരം സംഘടിപ്പിച്ചു 
ഡല്‍ഹിയില്‍ നടക്കുന്ന ലോക പഞ്ചഗുസ്തി മത്സരത്തില്‍ യൂത്ത് 50 കിലോഗ്രാം വിഭാഗത്തില്‍ വെങ്കല മെഡല്‍ നേടി 
നാടന്‍ കലകള്‍ അന്യംനിന്നുപോകുന്നു; സര്‍ക്കാര്‍ പൂര്‍ണ പിന്തുണ നല്‍കണം, മന്ത്രി രമേശ് ചെന്നിത്തല 
റെസിഡന്റ്സ് അസോസിയേഷന്‍ കൂട്ടായ്മയുടെ പ്രസിഡന്റായി ഷാജു അബ്രാഹം കണ്ടംകുളത്തി തെരഞ്ഞെടുക്കപ്പെട്ടു 
ഠാണ ചന്തക്കുന്ന് റോഡിലെ അശാസ്ത്രീയ മീഡിയന്‍ നിര്‍മാണം; ആക്ഷന്‍ കൗണ്‍സില്‍ നിവേദനങ്ങള്‍ നല്‍കി 
