മഴകൊണ്ടുപോയി, വിളഞ്ഞ നെല്ല്; നിസഹായരായി കര്‍ഷകര്‍
കാട്ടൂര്‍: മഴ തുടരുന്നതിനാല്‍ വിളഞ്ഞ നെല്ല് കൊയ്‌തെടുക്കാന്‍ കഴിയാതെ നിസഹായരായി കര്‍ഷകര്‍. കാട്ടൂര്‍ തെക്കുംപാടം എടതിരിഞ്ഞി പാടശേഖരത്തിലെ 80 ഏക്കറിലെ വിളഞ്ഞ നെല്ലാണു കഴിഞ്ഞ ദിവസങ്ങളിലുണ്ടായ മഴയില്‍ വീണത്. പലയിടത്തും വീണുകിടക്കുന്ന നെല്ല് കൊയ്‌തെടുക്കാനാകാതെ മുളച്ചുതുടങ്ങി. പാടശേഖരങ്ങളില്‍ വെള്ളം നില്‍ക്കുന്നതിനാല്‍ കൊയ്ത്തുയന്ത്രം ഇറക്കാന്‍ കഴിയാത്ത സ്ഥിതിയാണ്. മഴയ്ക്കു മുമ്പു കൊയ്തു ചാക്കിലാക്കിയ അഞ്ചു ടണ്‍ നെല്ല് കെഎല്‍ഡിസി ബണ്ടില്‍ കിടക്കുകയാണ്. ഇതു കരയ്‌ക്കെത്തിക്കാന്‍ ഒരു വഴിയുമില്ലെന്നും കര്‍ഷകര്‍ പറഞ്ഞു. കെഎല്‍ഡിസി കനാല്‍ ആഴം വര്‍ധിപ്പിക്കുന്നതിന്റെ ഭാഗമായി കനാലില്‍ നിന്നു ബണ്ടിലേക്കു കോരിയിട്ട മണ്ണു മുഴുവന്‍ മഴയില്‍ ചെളിയായി. ഇതുമൂലം ട്രാക്ടര്‍ക്കോ, കാല്‍നടക്കാര്‍ക്കോ കടന്നുപോകാന്‍ പോലും കഴിയാത്ത അവസ്ഥയിലാണെന്നു കര്‍ഷകര്‍ പറഞ്ഞു. ബണ്ടിന്റെ ഓരത്തുള്ള നെല്ല് കൊയ്‌തെടുക്കാന്‍ കഴിയുന്നില്ല. ടെന്‍ഡറെടുത്ത കരാറുകാരന്‍ ഉത്തരവാദിത്വത്തോടെ പണി പൂര്‍ത്തിയാക്കാത്തതാണ് ഈ അവസ്ഥയ്ക്കു കാരണമെന്നു പാടശേഖരം സെക്രട്ടറി വിജയന്‍ തേവര്‍ക്കാട്ടില്‍ പറഞ്ഞു. ഇതിനായി പലതവണ കെഎല്‍ഡിസി ഓഫീസില്‍ കയറിയിറങ്ങിയെങ്കിലും ഫലമുണ്ടായില്ല. ഒരാഴ്ചയായുള്ള മഴയും കാറ്റുമാണ് ഈ പ്രതിസന്ധിക്കു കാരണമെന്നു കര്‍ഷകസംഘം പടിയൂര്‍ പഞ്ചായത്ത് സെക്രട്ടറി കെ.എം. സജീവന്‍ പറഞ്ഞു. അടിയന്തരമായി കൃഷിവകുപ്പും കെഎല്‍ഡിസി അധികൃതരും ജില്ലാഭരണകൂടവും ഇടപെട്ട് പ്രശ്‌നം പരിഹരിക്കണമെന്നു സജീവന്‍ ആവശ്യപ്പെട്ടു.
About Author
ടൂര്‍ണ്ണമെന്റില്‍ ജേതാക്കളായ കാരുമാത്ര ഗവ. യുപി സ്‌കൂള്‍ ഫുട്‌ബോള്‍ ടീമിനെ അനുമോദിച്ചു 
മുനമ്പം ജനതയുടെ റവന്യൂ അവകാശങ്ങള്‍ പുന:സ്ഥാപിക്കും വരെ സമരം തുടരും സി.എല്‍.സി. 
മണ്ണിനടിയിലെ മൃതദേഹങ്ങള്‍ മണത്തറിയും; നായപരിശീലകര്‍ക്ക് പരിശീലനവുമായി കെ. നയന്‍ സ്‌ക്വാഡ് 
സിഐഎസ്‌സിഇ അണ്ടര്‍ 14 ദേശീയ ഹാന്‍ഡ്‌ബോള്‍ ചാമ്പ്യന്‍ഷിപ്പില്‍ അഭിമാന നേട്ടവുമായി ക്രിസ്റ്റോ 
ഞാറ്ററിവിന്റെ പാഠങ്ങള്‍തേടി ഗവ. ഗേള്‍സ് ഹയര്‍ സെക്കന്‍ഡറി സ്‌ക്കൂളിലെ എന്‍എസ്എസ് വിദ്യാര്‍ഥികള്‍ 
ദേശീയ പല്ലാവൂര്‍ താള വാദ്യോത്സവത്തിന്റെ ഭാഗമായി നല്‍കുന്ന പുരസ്‌കാരങ്ങള്‍ പ്രഖ്യാപിച്ചു 
