മന്ത്രി ഡോ. ആര്‍. ബിന്ദുവിന്റെ നേതൃത്വത്തില്‍ സ്മിതക്കും കുടുംബത്തിനും പുതുജീവിതം
ഇരിങ്ങാലക്കുട: ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദുവിന്റെ നേതൃത്വത്തില്‍ ഇരിങ്ങാലക്കുട പെരുവല്ലിപ്പാടം സ്വദേശി ഗുരുവിലാസം സ്മിത ചന്ദ്രനു സ്വന്തമായി വീടെന്ന സ്വപ്നം യഥാര്‍ഥ്യമാകുന്നു. സ്‌നേഹ ഭവന പദ്ധതിയുടെ നിര്‍മാണോദ്ഘാടനം മന്ത്രി ഡോ. ആര്‍. ബിന്ദു കൊരിമ്പിശേരിയില്‍ നിര്‍വഹിച്ചു. നാഷണല്‍ സര്‍വീസ് സ്‌കീം ടെക്‌നിക്കല്‍ സെല്ലും ജനകീയ സമിതിയും സംയുക്തമായാണു സ്‌നേഹഭവനം നിര്‍മിച്ചു നല്‍കുന്നത്. സുരക്ഷിതത്വത്തോടെ സ്വന്തമായൊരു വീടെന്ന സാധാരക്കാരന്റെ സ്വപ്‌നമാണു മന്ത്രിയുടെ ഇടപെടലിനെ തുടര്‍ന്നു പൂവണിയുന്നത്. വിദ്യാര്‍ഥികള്‍, അധ്യാപകര്‍, സാമൂഹ്യപ്രതിബദ്ധതയുള്ള പൊതുജനങ്ങള്‍ എന്നിവരുടെ കൂട്ടായ പരിശ്രമത്തിലൂടെയാണു കഷ്ടത അനുഭവിക്കുന്ന സഹജീവികള്‍ക്കു കൈത്താങ്ങായി മാറുന്ന പദ്ധതിയുടെ പ്രഥമ സ്‌നേഹഭവനം ഒരുങ്ങുന്നത്. യോഗത്തില്‍ എന്‍എസ്എസ് ടെക്ക്‌നിക്കല്‍ സെല്‍ കോ-ഓര്‍ഡിനേറ്റര്‍ ഡോ. എസ്. അജിത അധ്യക്ഷത വഹിച്ചു. മുനിസിപ്പല്‍ കൗണ്‍സിലര്‍മാരായ അഡ്വ. കെ.ആര്‍. വിജയ, അമ്പിളി ജയന്‍, പ്രോഗ്രാം കമ്മിറ്റി ചെയര്‍മാന്‍ ജയന്‍ അരിമ്പ്ര, പ്രോഗ്രാം കമ്മിറ്റി കണ്‍വീനര്‍ ഷൈലജ ടീച്ചര്‍ എന്നിവര്‍ പ്രസംഗിച്ചു.
About Author
ഇരിങ്ങാലക്കുട ലിറ്റില്‍ ഫ്ലവര്‍ സ്‌കൂള്‍ വാര്‍ഷികം രൂപത വികാരി ജനറല്‍ മോണ്‍. ജോളി വടക്കന്‍ ഉദ്ഘാടനം ചെയ്തു 
കരാഞ്ചിറ സെന്റ് ജോര്‍ജസ് സിയുപി സ്‌കൂളില്‍ വാര്‍ഷികാഘോഷവും യാത്രയയപ്പ് സമ്മേളനവും 
കവര്‍ച്ച കേസിലെ പ്രതിയെ കാപ്പ ചുമത്തി ജയിലിലടച്ചു 
സമഗ്രശിക്ഷ കേരള ഇരിങ്ങാലക്കുട ബിആര്‍സിയുടെ നേതൃത്വത്തില്‍ ഏകദിന അധ്യാപക ശില്പശാല സംഘടിപ്പിച്ചു 
പൂമംഗലം പഞ്ചായത്തില്‍ മുട്ടകോഴി വിതരണം ചെയ്തു 
ഇരിങ്ങാലക്കുട ഗവ. ഗേള്‍സ് ഹയര്‍സെക്കന്‍ഡറി സ്‌കൂളിന്റെ 134-ാം വാര്‍ഷികവും വിരമിക്കുന്നവര്‍ക്കുള്ള യാത്രയയപ്പും നല്‍കി 
