കൊടുങ്ങല്ലൂര് മൈലാപ്പൂര് മാര്തോമാ കബറിട തീര്ഥാടനം
ആളൂര്: ഭാരത അപ്പസ്തോലന് മാര്തോമാശ്ലീഹായുടെ രക്തസാക്ഷിത്വത്തിന്റെ 19ാം ശതോത്തര സുവര്ണ ജൂബിലിയുടെ ഭാഗമായി ഇരിങ്ങാലക്കുട രൂപതയില് നടക്കുന്ന വിവിധ പരിപാടികള്ക്ക് തുടക്കം കുറിച്ചു. ഇതിന്റെ ഭാഗമായി ഇരിങ്ങാലക്കുട രൂപത മുഖപത്രം ‘കേരളസഭ’യുടെ നേതൃത്വത്തില് ബിഷപ് മാര് പോളി കണ്ണൂക്കാടനും വൈദികരും അല്മായരും ഉള്പ്പെട്ട 52 പേരുടെ തീര്ഥാടകസംഘം വിശുദ്ധന്റെ രക്തസാക്ഷിത്വ ഭൂമിയായ മൈലാപ്പൂരിലേക്ക് ട്രെയിന് മാര്ഗം പുറപ്പെട്ടു. മൈലാപ്പൂരിലെ സാന്തോം കത്തീഡ്രലില് വിശുദ്ധന്റെ കബറിടത്തില് ബിഷപ് മാര് പോളി കണ്ണൂക്കാടന്റെ മുഖ്യകാര്മികത്വത്തില് ദിവ്യബലിയര്പ്പിക്കും. തുടര്ന്ന് ചിന്നമല, പെരിയമല തുടങ്ങിയ തീര്ഥാടന കേന്ദ്രങ്ങള് സന്ദര്ശിച്ചു വൈകീട്ട് ട്രെയിന് മാര്ഗം തന്നെ സംഘം കേരളത്തിലേക്ക് യാത്ര തിരിക്കും. തീര്ഥാടനത്തിനു മുന്നോടിയായി കൊടുങ്ങല്ലൂര് സെന്റ് മേരീസ് ദേവാലയത്തില് ബിഷപ് മാര് പോളി കണ്ണൂക്കാടന്റെ നേതൃത്വത്തില് നടന്ന ദിവ്യബലിയര്പ്പണത്തിലും അഴീക്കോട് തീര്ഥാടന കേന്ദ്രത്തില് നടന്ന തോമാശ്ലീഹായുടെ തിരുശേഷിപ്പ് വണക്കത്തിലും തീര്ഥാടകസംഘം പങ്കെടുത്തു.
About Author
കലകളിലൂടെ ക്രൈസ്തവ സന്ദേശങ്ങള് മറ്റുള്ളവരിലേക്ക് പകരുവാന് ബൈബിള് കലോത്സവങ്ങള് സഹായകരമാകണം, ബിഷപ് മാര് പോളി കണ്ണൂക്കാടന് 
സെന്റ് തോമസ് കത്തീഡ്രലില് കുരിശിന്റെ പുകഴ്ചയുടെ തിരുനാള് ഭക്തിസാന്ദ്രമായി 
ഗൂഢാലോചനയുടെ ഭാഗമായാണ് പാര്ട്ടി യോഗത്തില് അക്രമണം അഴിച്ചുവിട്ടത്, കേരള കോണ്ഗ്രസ് ജില്ലാ പ്രസിഡന്റ് സി.വി. കുര്യാക്കോസ് 
വീടില്ലാത്തവര്ക്ക് വീട് പദ്ധതിക്ക് തുടക്കം കുറിച്ച് മര്ച്ചന്റ് അസോസിയേഷന് 
ഇരിങ്ങാലക്കുട റെയില്വേ സ്റ്റേഷന് വികസനം: സഹൃദയ ഗ്രൂപ്പ് വിദ്യാഭ്യാസ സ്ഥാപനങ്ങളെ ഉള്പ്പെടുത്തി ഒപ്പ് ശേഖരണം 
സംസ്ഥാന പാതയില് നടവരമ്പ് ഭാഗത്തെ കാന നിര്മ്മാണം; അപാകതകള് പരിഹരിക്കണം എന്നാവശ്യപ്പെട്ട് സുരേഷ് ഗോപിക്ക് നിവേദനം നല്കി 
