കൂടല്‍മാണിക്യം ക്ഷേത്രം; പടിഞ്ഞാറേ നടപ്പന്തല്‍ നവീകരണം വേഗത്തിലാക്കും
ഇരിങ്ങാലക്കുട: കൂടല്‍മാണിക്യം ക്ഷേത്രത്തിലെ ആയിരത്തിലധികം വര്‍ഷം പഴക്കമുള്ള പടിഞ്ഞാറേ നടപ്പന്തലിന്റെ നവീകരണപ്രവര്‍ത്തനങ്ങള്‍ വേഗത്തിലാക്കാന്‍ ദേവസ്വം വിളിച്ച ഭക്തജനങ്ങളുടെ യോഗത്തില്‍ തീരുമാനം. പടിഞ്ഞാറേ നടപ്പുരയുടെ പൈതൃകസ്വഭാവം സംരക്ഷിക്കുകയും പരിപാലിക്കുകയും ചെയ്യുകയെന്ന ലക്ഷ്യത്തോടെയാണ് ദേവസ്വം ഭക്തജനങ്ങളുടെ യോഗം വിളിച്ചുചേര്‍ത്തത്. ഒന്നരക്കോടിയുടെ എസ്റ്റിമേറ്റ് ആണ് കണക്കാക്കിയിരിക്കുന്നത്. എന്നാല്‍, രണ്ട് കോടിയോളം വേണ്ടിവരുമെന്നാണ് ഭക്തജനങ്ങളുടെ വിലയിരുത്തല്‍. പന്തലിന്റെ മേല്‍ക്കൂര പൊളിച്ചിറക്കിയാല്‍ മാത്രമേ കൃത്യമായി കണക്കാക്കാനാകൂവെന്ന് വിദഗ്ദ്ധര്‍ പറഞ്ഞു.
യോഗത്തില്‍ പങ്കെടുത്ത ഭക്തജനങ്ങള്‍ പദ്ധതിയോട് ഐക്യദാര്‍ഢ്യം പ്രഖ്യാപിച്ചു. പടിഞ്ഞാറേ ഊട്ടുപുരയില്‍ നടന്ന യോഗത്തില്‍ ദേവസ്വം ചെയര്‍മാന്‍ പ്രദീപ് മേനോന്‍ അധ്യക്ഷനായി. കൂടല്‍മാണിക്യം ദേവസ്വം കണ്‍സള്‍ട്ടന്റ് പ്രഫ. ലക്ഷ്മണന്‍ നായരുടെ നേതൃത്വത്തില്‍ കണ്‍സര്‍വേഷന്‍ ആര്‍ക്കിടെക്ട് സൂര്യ പ്രശാന്ത്, ആര്‍ക്കിടെക്ട് അര്‍ജുന്‍ രാജന്‍ എന്നിവര്‍ യോഗത്തില്‍ പ്രസംഗിച്ചു.
About Author
യുവാവിനെ ആക്രമിച്ച് പരിക്കേല്‍പ്പിച്ച കേസ്; കൊലക്കേസ് പ്രതിയായ സ്റ്റേഷന്‍ റൗഡി അറസ്റ്റില്‍ 
യുവാക്കളെ ആക്രമിച്ച് പരിക്കേല്‍പ്പിച്ച് പണവും മൊബൈല്‍ ഫോണും കവര്‍ച്ച ചെയ്ത കേസില്‍ മൂന്ന് പ്രതികള്‍ അറസ്റ്റില്‍ 
മുരിയാട് പഞ്ചായത്തില്‍ കേരളോത്സവം 2026 ഉദ്ഘാടനം ചെയ്തു 
പുല്ലൂര്‍ നാടക രാവിന് അരങ്ങുണര്‍ന്നു 
വനിതാ വ്യവസായ കേന്ദ്രം ഉദ്ഘാടനം കഴിഞ്ഞിട്ട് ആറുവര്‍ഷം; പേരിനുപോലുമില്ല സംരംഭം 
മാപ്രാണം ഫാത്തിമ മാത ദേവാലയത്തിൽ തിരുനാൾ: ദിവ്യബലിക്ക് ബിഷപ് മാർ അംബ്രോസ് പുത്തൻവീട്ടിൽ മുഖ്യകാർമികത്വം വഹിച്ചു 
