സേഫ് ഇരിങ്ങാലക്കുട എന്ന പേരില് പദ്ധതി നടപ്പിലാക്കുവാന് ജെസിഐ
ജെസിഐ ഇരിങ്ങാലക്കുടയുടെ പുതിയ ഭാരവാഹികളുടെ സ്ഥാനാരോഹണവും കുടുംബ സംഗമവും സിന്ധു കണ്വെന്ഷന് സെന്ററില് വച്ച് പ്രശസ്ത സിനിമാതാരം ജയരാജ് വാര്യര് ഉദ്ഘാടനം ചെയ്യുന്നു.
ഇരിങ്ങാലക്കുട: ഇരിങ്ങാലക്കുടയില് റോഡുകളില് കുഴിമൂലം അപകടങ്ങളും മരണങ്ങളും സംഭവിക്കുന്നതിനാല് അതിനു പരിഹാരമായി സേഫ് ഇരിങ്ങാലക്കുട എന്ന പേരില് പുതിയ പദ്ധതി നടപ്പിലാക്കുന്നു. മുനിസിപ്പല് റോഡുകളിലോ ഇരിങ്ങാലക്കുടയിലെ പിഡബ്ല്യുഡി റോഡുകളിലോ കുഴികള് രൂപപ്പെടുകയാണെങ്കില് അത് ഒരു ദിവസത്തിനുള്ളില് അടയ്ക്കുന്ന രീതിയിലുള്ള പുതിയ പദ്ധതി മുനിസിപ്പാലിറ്റിയുടേയും പിഡബ്ല്യുഡിയുടേയും സഹകരണത്തോടെ നടപ്പിലാക്കുന്നതാണ് സേഫ് ഇരിങ്ങാലക്കുട പദ്ധതി.
ജെസിഐ ഇരിങ്ങാലക്കുടയുടെ പുതിയ ഭാരവാഹികളുടെ സ്ഥാനാരോഹണവും കുടുംബ സംഗമവും നടന്ന ചടങ്ങില് വച്ചാണ് പുതിയ പദ്ധതിയുടെ പ്രഖ്യാപനം നടന്നത്. പ്രശസ്ത സിനിമാതാരം ജയരാജ് വാര്യര് കുടുംബ സംഗമം ഉദ്ഘാടനം ചെയ്തു. ജെസിഐ പ്രസിഡന്റ് മെജോ ജോണ്സണ് അധ്യക്ഷത വഹിച്ച സമ്മേളനത്തില് ജെസിഐ സോണ് പ്രസിഡന്റ് അരുണ് ജോസ് മുഖ്യാതിഥിയായിരുന്നു ജെസിഐ മുന് സോണ് പ്രസിഡന്റ് ജോബിന് കുര്യാക്കോസ്, പ്രോഗ്രാം ഡയറക്ടര് ലിഷോണ് ജോസ്, സെക്രട്ടറി ഷൈജോ ജോസ്, ട്രഷറര് സാന്റോ വിസ്മയ, ചാപ്റ്റര് മുന് പ്രസിഡന്റ്് മാരായ ഡയസ് കാരാത്രക്കാരന്, ടെല്സണ് കോട്ടോളി. അഡ്വ. ഹോബി ജോളി, ജെയിംസ് അക്കരക്കാരന്, ഡോ. സിജോ പട്ടത്ത് എന്നിവര് പ്രസംഗിച്ചു.
ജെസിഐ ഇരിങ്ങാലക്കുടയുടെ പുതിയ ഭാരവാഹികളായി പ്രസിഡന്റ് ലിയോപോള്, സെക്രട്ടറി സഞ്ജു പട്ടത്ത്, ട്രഷറര് കെ.കെ. ഷിജു, ലേഡി ജെസിഐ വിംഗ് ചെയര്പേഴ്സണ് രമ്യ ലിയോ, ജെജെ ചെയര്പേഴ്സണ് മെര്ലിന് പട്ടത്ത് എന്നിവര് സത്യപ്രതിജ്ഞ ചെയ്ത് അധികാരമേറ്റെടുത്തു.

37-ാമത് ഉപജില്ലാ സ്കൂള് കലോത്സവത്തില് മികച്ച വിജയം കരസ്ഥമാക്കി മൂര്ക്കനാട് സെന്റ് ആന്റണീസ് എല്പി സ്കൂള്
ഐടിയു ബാങ്ക്; തോമസ് ഉണ്ണിയാടന് എംഎല്എ ആര്ബിഐ റീജണല് ഡയറക്ടറുമായി കൂടിക്കാഴ്ച നടത്തി
ഗാര്ഹിക പീഡനങ്ങള്ക്കെതിരെ സ്ത്രീകള്ക്ക് ശബ്ദമുയര്ത്താം; സ്പീക് അപ്പ് പദ്ധതിക്ക് തൃശൂര് റൂറല് ജില്ലയില് തുടക്കമായി
ക്രൈസ്റ്റ് കോളജ് ആതിഥേയരായ ആര്ട്സ് കേരള കലോത്സവം സമാപിച്ചു
സെന്റ് ജോസഫ്സ് കോളജില് സെലെസ്റ്റാ സെസ്റ്റ് 2കെ26 സംഘടിപ്പിച്ചു
ഡോ. കെ.എന്. പിഷാരടി സ്മാരക കഥകളി ക്ലബ് ഒരുക്കിയ നവ്യം 2026ല് അശോകവനികാങ്കം കൂടിയാട്ടം അരങ്ങേറി