രണ്ടു മാസമായി കുടിവെള്ളമില്ല: പ്രതിഷേധവുമായി കൗണ്‍സിലര്‍മാര്‍
മാപ്രാണം സെന്ററില്‍ ഇരിങ്ങാക്കുട നഗരസഭാ കൗണ്‍സിലര്‍മാരും നാട്ടുകാരും ചേര്‍ന്ന് നടത്തിയ പ്രതിഷേധം.
പൊറത്തിശേരി പഞ്ചായത്ത് പ്രദേശത്ത് കുടിവെള്ളം മുട്ടിയിട്ട് 57 ദിവസം
ഇരിങ്ങാലക്കുട: നഗരസഭയിലെ പഴയ പൊറത്തിശേരി പഞ്ചായത്ത് പ്രദേശത്ത് കുടിവെള്ളം മുട്ടിയിട്ട് 57 ദിവസം കഴിഞ്ഞു. ഇതേ തുടര്‍ന്ന് മാപ്രാണം സെന്ററില്‍ നഗരസഭാ കൗണ്‍സിലര്‍മാരായ ടി.കെ. ഷാജു, സരിത സുഭാഷ്, മായ അജയന്‍ എന്നിവരും നാട്ടുകാരും ചേര്‍ന്ന് പ്രതിഷേധം സംഘടിപ്പിച്ചു. കുഴിക്കാട്ടുകോണം, മാടായികോണം, തളിയകോണം, മൂര്‍ക്കനാട്, മാപ്രാണം, കരുവന്നൂര്‍, ബ്ലോക്ക് ഓഫീസ് പ്രദേശങ്ങളിലാണ് കഴിഞ്ഞ രണ്ടു മാസത്തോളമായി കുടിവെള്ളം എത്താത്തത്.
മാപ്രാണം സെന്ററില്‍ നടക്കുന്ന പൈപ്പ് സ്ഥാപിക്കല്‍ പ്രവൃത്തികള്‍ പൂര്‍ത്തിയായാല്‍ മാത്രമേ കുടിവെള്ള വിതരമം പുനഃസ്ഥാപിക്കാന്‍ കഴിയൂവെന്ന് കഴിഞ്ഞ നാലിന് നഗരസഭാ കൗണ്‍സില്‍ യോഗത്തില്‍ ചര്‍ച്ചയ്‌ക്കെത്തിയ വാട്ടര്‍ അഥോറിറ്റി അസി. എന്‍ജിനീയര്‍ അറിയിച്ചിരുന്നു. അന്നത്തെ ചര്‍ച്ചയ്ക്ക് കെഎസ്ടിപി ഉദ്യോഗസ്ഥര്‍ സഹകരിച്ചിരുന്നില്ല. മൂന്ന് ദിവസത്തിനുള്ളില്‍ നിര്‍മാണം പൂര്‍ത്തീകരിക്കുമെന്ന് കെഎസ്ടിപി അറിയിച്ചതായി വാട്ടര്‍ അഥോറിറ്റി അസി. എന്‍ജിനീയര്‍ കൗണ്‍സിലില്‍ അറിയിച്ചിരുന്നു.
എന്നാല്‍ ദിവസങ്ങള്‍ പിന്നിട്ടിട്ടും പണി പൂര്‍ത്തീകരിക്കുകയോ, കുടിവെള്ളക്ഷാമത്തിന് പരിഹാരം കാണുകയോ ചെയ്യാത്ത സാഹചര്യത്തിലാണ് കൗണ്‍സിലര്‍മാരും നാട്ടുകാരും പ്രതിഷേധവുമായി രംഗത്തെത്തിയത്. കുടിവെള്ളം ലഭിക്കാന്‍ യാതൊരു മാര്‍ഗവുമില്ലാതെ നഗരസഭ സെക്രട്ടറിയെ സമീപിച്ചപ്പോള്‍ കഴിഞ്ഞ ദിവസം രാവിലെ ഒരു ടാങ്ക് വെള്ളം കൂടി എത്തിച്ചു. ഇനി ആവശ്യപ്പെട്ടാല്‍ വെള്ളമെത്തിക്കാന്‍ ഫണ്ട് ഇല്ലെന്ന് നഗരസഭ സെക്രട്ടറി അറിയിച്ചതായി കൗണ്‍സിലര്‍ ടി.കെ. ഷാജു പറഞ്ഞു.
കെഎസ്ടിപിയുടെയും വാട്ടര്‍ അഥോറിറ്റി ഉദ്യോഗസ്ഥരുടെയും എംഎല്‍എയുടേയും കടുത്ത അനാസ്ഥ കാരണമാണ് പ്രശ്‌നത്തിന് ശാശ്വത പരിഹാരമാകാത്തതെന്ന് ടി.കെ. ഷാജു ആരോപിച്ചു. അഞ്ചു ദിവസത്തോളമായി മാപ്രാണം സെന്ററില്‍ പൈപ്പുകള്‍ സ്ഥാപിക്കുന്ന പ്രവര്‍ത്തനങ്ങളും നടക്കിന്നില്ല. രൂക്ഷമായി കുടിവെള്ള ക്ഷാമം അനുഭവപ്പെടുന്ന സമയത്താണ് വാട്ടര്‍ അഥോറിറ്റി നിര്‍മാണം പൂര്‍ത്തീകരിക്കാത്തതെന്ന് നാട്ടുകാര്‍ കുറ്റപ്പെടുത്തി. എത്രയും വേഗം നിര്‍മാണം പൂര്‍ത്തീകരിച്ച് കുടിവെള്ളം വിതരണം പുനഃസ്ഥാപിക്കണമെന്നാണ് നാട്ടുകാരുടെ ആവശ്യം.
About Author
വെള്ളാങ്ങല്ലൂര്‍ സെന്റ് ജോസഫ് ദേവാലയത്തില്‍ ഊട്ടു തിരുനാള്‍ ആഘോഷിച്ചു 
മയക്കു മരുന്നിനെതിരെ വേട്ട തുടര്‍ന്ന് തൃശൂര്‍ റൂറല്‍ പോലിസ്….. ഒരു മാസത്തിനുള്ളില്‍ 1763 പേരെ പരിശോധിച്ചു 
ഇറിഡിയം നിക്ഷേപ തട്ടിപ്പ്; പോലീസ് കേസെടുത്തു. തട്ടിപ്പിന് ഇരയായവരില്‍ പ്രവാസികളും 
കൂടല്‍മാണിക്യത്തിലെ കാരായ്മ അവകാശം സംരക്ഷിക്കണം: വാര്യര്‍ സമാജം 
ഡോ. മിഥില പോള്‍സന്‍ എംഡി റസ്പിറേറ്ററി മെഡിസിന്‍ പരീക്ഷയില്‍ ഒന്നാം റാങ്ക് 
കുട്ടന്‍കുളം നവീകരണം; സാങ്കേതികാനുമതി തേടി പൊതുമരാമത്ത് 
